[搬返過嚟] 撞正伊斯蘭齋戒月去伊朗couchsurfing

終於搵番個post
之前cd rom係高登睇左好耐 等左好耐冇更新
現在終於係lihkg搵得番
繼續坐等絲打更新

識貨

Hi 嬌嬌

你是誰

之前係隔離已經追緊你個伊朗遊記喇
不過爛左尾停左更

我以為你係我朋友，因為舊登識嘅人都會嗌我嬌嬌

我鍾意你用停更呢個字

爬左成日文終於追到live
Persepolis啲相好正 之前去雅典又係睇遺跡睇上癮
古代文明真係好撚吸引
睇完呢個post真係對伊朗改觀左好多 支持樓主

我想講要睇古代文明真係要去伊拉克
我有朋友去過 睇佢啲相好羨慕
不過係兩年前…而家ISIS已經炸毀咗好多

定時一推

雖然Meysam得19歲，但拍埋我到似我哥哥多啲。雖然佢去過嘅地方唔多，但係視野好廣闊。佢不甘困喺伊朗，好想出去睇下，好想踩住單車去一個又一個嘅地方。佢不斷話喺伊朗好悶好悶，唯獨呢個燒雞翼聚會係佢嘅慰藉。只係大家見下面傾下計已經係佢最期待嘅事，我不禁想像佢平時過嘅生活係點？

聽住呢班友仔講佢地嘅單車旅行夢想，見到佢地個個身上都有陣光。好羨慕佢地對興趣同夢想嘅熱誠，同時亦替出生喺伊朗嘅佢地可惜。不過佢地無因為生於伊朗就放棄自己嘅夢想，出生喺香港嘅我地又俾咩藉口自己？

聽到佢地講環國環國，成日都幻想環國係一個咩概念。見到好多人探索自己嘅國家，去到另一個城市會發現雖然大家嚟自相同國家，但文化語言又有少少唔同，感覺好有趣。香港就無呢個概念，屌唔通真係分新界牛屎仔同港島高等人咩。

利申：牛屎妹，細個騎牛返學


同Mina自拍下


無啦啦托上去




就係為咗影幅相





右下架單車好慘

呢條友仔唔等我地，自己踩落山


其他人推車陪我地行








後來Meysam去邊都學我影仆街相


有興趣可以睇下Meysam個blog：
https://meysamtrips.wordpress.com/

仲有佢Instagram都幾得意：
www.instagram.com/meysamtrips

上山係Meysam爸爸車我地，落山要自己行，行足幾個鐘。

返到屋企，Meysam同佢屋企人仲有佢親戚（唔記得叔叔嬸嬸定舅父舅母）邀請我同Anson去佢地另一間小屋聚下。我諗咗好耐唔知點講呢種係咩活動。 好似之前喺Kashan，Mohsen屋企人邀請我去沙漠嘅村仔咁樣，成個家族都會去嗰間屋過一個weekend，就好似一種家人之間嘅習慣咁。今次同Meysam屋企就無咁多人，但做嘅嘢做差唔多，聚下食下飯傾下計咁。

擺都係一種藝術


坐車途中落咗陣雨


有啲似別墅，有個花園仔


Meysam爸爸幫佢地影家庭相





我同Mina負責同bb玩





bb好得意，對眼好靚

會唔會係唉豬度放啲無打格相？

會唔會係唉豬度放啲無打格相？

可以

LM

樓豬垃圾

樓豬垃圾

豬波死返入狗竇啦

Live左 樓主好正 加速加速

樓豬垃圾

豬波死返入狗竇啦

keep住日日索條巾

岩岩搵到樓主個ig
先發現原來一直有睇開你fb
好羨慕你有經濟能力周圍去到

當年就係睇過絲打遊記, 想去伊朗, 今年終於應該去得成

會唔會係唉豬度放啲無打格相？

可以

摩牙

岩岩搵到樓主個ig
先發現原來一直有睇開你fb
好羨慕你有經濟能力周圍去到

真係唔使羨慕我，我做緊狗，零積蓄，返到香港含撚

當年就係睇過絲打遊記, 想去伊朗, 今年終於應該去得成

我認得你個名！
玩得開心啲，分享下

會唔會係唉豬度放啲無打格相？

可以

摩牙

唔想做回帶撚洗板，你想睇邊張相？

影完相無一陣突然落大雨，大家匿返入屋。Mina同bb玩，我同Meysam傾計，Anson就一直撳電話打字。我好奇問下佢打緊乜，原來係打返自己啲單車遊記，同埋問緊朋友入阿富汗嘅資料。

當時嘅我Facebook已經停咗伊朗嘅連載，之前去斯里蘭卡土耳其等等打打下後期都爛尾 ，因為覺得好曬時間，post幾張相還好，但要keep住打字出文真係好難。尤其去到旅行後期體力開始透支，唯有影多幾張相記多少少嘢返去補打。當時去完伊朗返到香港就搞去英國WH，去到英國又要時間適應安頓，估唔到一停就停到2015年5月再寫，當時講到嘅係2014年7月17日。然後工作上有啲問題，八月尾又返咗轉香港，十月嚟到倫敦再次安頓好，估唔到再停一停就停到2017年2月。雖然中間都有寫下英國啲嘢，但始終自己最鍾意嘅係伊朗篇 。多謝新舊巴絲支持，對所有等我等到頸都長嘅朋友簡單交代幾句同道個歉。


anyway，講返Anson。我怕冷落佢就嘗試撩佢講野，佢講咗樣令我驚訝但好明白嘅事－佢已經踩咗好耐單車見過好多人，已經無一出發咁熱情，聽得出佢有啲攰。後來佢完成旅程後出咗本書，裡面都有提過我地喺伊朗嘅相遇。

佢既然咁講，我就唔打搞佢繼續同Meysam傾計。但之後Meysam同返我講，Anson覺得我太多野講。可能言語上有誤會，不過我係有啲唔開心。其實我平時唔係講咁多野，只係唔想冷落佢就好似小組討論咁嘗試令嗰位唔出聲嘅朋友仔開口。可惜有時你嘅好心會變成人地嘅懶好心甚至係麻煩。

晚餐呢個蕃茄蛋好好食


再夜啲就齊齊返屋企休息。去Tabriz捱咗程超級長途車又吹風嚟，今日又時晴時雨，坐開始有啲唔舒服。第二日起身時有啲頭痛。

今日係Meysam屋企家庭日。Meysam話佢地會去一個近亞美利亞Armenia嘅地市Jolfa露營，問我去唔去。我第一下反應當然係好啦 ，去伊朗露營喎咁特別，但又諗到自己開始作病而猶豫。Meysam就有啲驚訝，面有離色咁話：我好唔鍾意去露營，我覺得好悶，不過我唔想留低你自己一個係到。

適逢Anson今日離開Tabriz，繼續出發上路，我亦唔好意思留低。邊有人想俾一個陌生人留喺自己屋企，我亦無可能即刻搵到第二個host，所以還是去了。

好彩有去。

Meysam教Anson出返公路


準備出發之際，我見Meysam媽媽同嬸嬸放咗超級多野入兩架車入面，睇嚟呢個露營好認真喎。

我係一上車就會瞓著嘅人，加上我以為一路車到去目的地Jolfa露營，一上車就呼呼大睡。點知出發無耐，突然Meysam叫醒我。原來我地喺公路旁停低咗，然後就舖塊布喺公路旁嘅草地野餐咁食早餐。伊朗人無茶不歡，所以有幾個裝滿茶嘅大水壺。媽媽同嬸嬸拎咗其中倒茶，食嘅嘢就同之前post過嘅相差唔多，都係啲乾包搽cream cheese／jam／蜜糖。當時個人仲未醒所以無影到相。

食完早餐，收返晒啲野繼續坐車。上到車差啲又即刻柒瞓，但我估佢地應該午餐又停一次，所以問下Meysam會去邊午餐。當時Meysam個樣好愁，我都未開口問佢就開始講：我好討厭坐車，我望住窗外嘅馬路，心入面諗緊嘅係用緊自己對腳踩我架單車，而唔係好似而家咁屈喺架車入面。

當時我無辦法感受到佢所講嗰種被困嘅感覺，因為對我嚟講，有人車我去玩唔使我揹住個backpack捱長途巴士實好。

返到香港咪明囉。

佢繼續講，其實佢一直都唔鍾意呢啲家庭活動，覺得好無聊，坐喺架車入面望風景望足幾個鐘到目的地。到目的地後，通常成家人會去行Bazaar，佢就坐喺架車等佢地，然後大家整啲野食搭個營，瞓一晚就走。

「有乜咁好玩？我今次之所以會去，第一因為有你，你係我嘅客人同朋友，我唔可以留低你。第二，係因為我遲啲會一個人出發踩單車（當然係伊朗境內），咁我希望而家陪多啲佢地，做啲我唔鍾意但佢啲鍾意嘅野？但我真係唔明白點解你想嚟 。」

又係bb







結果午餐係去咗座山搭營野餐




咁多工夫搭個營，食飽就拆

我同Mina唔使做


負責搞事




帶咗成隻雞嚟燒



透爐嘅架生都好專業



營入面影所以啲色咁奇怪，燒咗啲雞肉包薄餅，賣相一般但啲雞肉好好食！

今日係Meysam屋企家庭日。Meysam話佢地會去一個近亞美利亞Armenia嘅地市Jolfa露營，問我去唔去。我第一下反應當然係好啦 ，去伊朗露營喎咁特別，但又諗到自己開始作病而猶豫。Meysam就有啲驚訝，面有離色咁話：我好唔鍾意去露營，我覺得好悶，不過我唔想留低你自己一個係到。

sor9ry
應該係Azerbaijian阿塞拜殭先啱

個個蕃茄我係土耳其都有食
食左咁耐香料野突然有個蕃茄蛋真係覺得好撚好味