《網絡暗黑兵法:養鬼仔》
早幾年討論過,香港人鍾意上網睇痴線佬。
慶幸,網絡痴線佬壽命都比較短,因為佢地嘅定位係跳樑小丑,所以大家笑完就算,劉馬車丶男神BB之流只會曇花一現。
但係,當痴線佬係小朋友,而背後仲有成年人操縱佢,佢嘅威力就會倍增,情況就好似養鬼仔咁。
背後操盤手可以借用小朋友嘅身份,隨意攻擊任何人,而且無須負上任何責任。
更加唔洗怕人反擊,因為小朋友可以抽你水,但你唔可以調返轉頭同一個小朋友計較。
所以,私底下同朋友講起Ben哥,我都叫佢做網絡刺客。
不過,當面具揭穿咗,傀儡KOL就再無威力,今次為民除害,游學修應記一功。
最後提醒各位同業,做人唔好咁陰騭,消費太盡,遲早有日要還,只怕到時你還唔起。
--------
「你成日叫我小心收尾嗰幾年,嗰幾年一早收咗尾喇,啲煙係我用養鬼仔嘅灰,借陰取陽,係要借運」
From 伍公子