(校園、穿越、奇幻)今年我三十三歲,回到了1998年(結局)

今次仲唔升職

食madam

房sir 關鍵先生

都唔細

我男女校都無得食

多謝

都有可能

唔介意

個故寫咗兩年幾

我都當咗你地係朋友

推呀！

咁你寫好個結局
要加甜

下一部曲，我不如幫下你？
我都鍾意寫故，但驚冇人理同埋比人屌

agger 房沙展加甜

push

加甜加甜!

房神探表示有無甜都得，跟你本來意思就得

不過最好就重甜啦

人黎，叫師傅係夢中幫佢打飛機

咁重口味？

叫師傅幫佢打

push

翌日，我回到學校，有不少同學都在討論昨晚荃灣船塢發生的殺警三屍案。

昨晚ＣＣＴＶＢ的突發新聞報道說：大概晚上八點半的時候，荃灣船塢的一個棄置貨倉，有兩名警員遇襲身亡，另外一名女警受傷，殺警疑兇被另一名趕到的男警當場擊斃。

家中有人當公務員的陸永祥，擺出一副專家的樣子去分析案情，他道：「我收到風嗰個殺警狂徒身栽好高大，仲高過奧尼爾兩個頭，拳頭仲好似西瓜咁大，一拳可以ＫＯ泰臣嗰隻，不過好彩香港勝在有香港警察，聽講一鎗擊斃兇徒嘅係ＳＤＵ嘅神槍手。」

我聞言不禁莞爾，昨晚我已收到房侍農的電話，他就是那個一鎗斃敵的神探。

幾天後出版的因周刊，封面大字標題關於這宗案件報導，還因為金碧韻的關係，能夠與這宗殺警三屍案的英雄——房侍農來個深入專訪。
房侍農難得有這樣風光的一天，作為他的掛名師兄，我也買了一本因周刊作為支持。這次因周刊真的可以說給足房侍農面子，蛇果照妖鏡一向發揮讓公主變成蕃薯的作用，可是我看著房侍農的封面照片，客觀覺得真的有幾分英偉。

以下金字為小編金碧韻，房為這次破獲這宗殺警案的大英雄房侍農沙展。

金：今日好榮幸請到房侍農先生上嚟蛇果接受訪問，係呢？你想我地點稱呼你啊？房ＳＩＲ、房沙展、抑或係房先生呢？

房：都係一句啫！只要唔係黑警或者死差佬就得喇！

金：哈哈，你真係幽默喇！咁我地就叫你房ＳＩＲ啦！房ＳＩＲ，可唔可以同我地講下當時案發嘅經過。

房：話說當日我就搭的士跟蹤madam water，madam water即係水桂麗總督察。個死的士佬唔知係咪有心玩野，我叫佢追住前面架車，佢居然追咗另一架車，仲想帶我遊花園，佢阿媽個仔喔！下次我見到佢，真係拉佢去暗角打鑊…

金：房ＳＩＲ，講番你喺貨倉遇到兇徒嘅情形就得架喇！

房：當時係咁嘅！我聽到鎗聲，擔心madam有事，走咗入貨倉，我發現咗同僚鍾仔嘅屍體，喺無幾遠仲發現到佢枝炮。就係依段時候有人發出一聲驚呼，我見到疑兇拎住把軍刀，打算向madam落手，咁無辦法啦！我就執起鍾仔枝炮，開咗一鎗，將疑兇擊斃。

金：但係聽另一名警員覆述當時貨倉嘅環境好黑，又有好多雜物阻擋，而且你同疑兇嘅距離都有成…三十米嘅距離，你有無諗過打唔中疑犯，甚至誤傷水桂麗督察呢？

房：（搖著頭）我嗰一鎗好有信心打中疑犯，因為當時我見到好多星命點組成一條黃金軌跡。

金：星命點？黃金軌跡？咩東東嚟架？

房：黃金軌跡就係鎗口同疑兇太陽穴嘅連繫，只要子彈穿過晒所有星命點，依一鎗就會１００％打得中，我知就咁講好難明，我就講另一個事例，妳就會易明啲。１９８８年，歐洲國家杯決賽，雲巴士頓喺近乎零角度嘅入球，就係同我好似，我諗佢當時同我一樣，睇到一條黃金軌跡，於是佢就一射破網。

金：（有點愕然，似懂非懂）哦！即係你嗰一鎗就好似武俠小說入面嗰啲絕招天外飛仙咁。

房：（點頭）依招應該叫天外一鎗。

金：聽你講當時你係休班，身上無配鎗，點解你會咁大膽聽到鎗聲都走入去貨倉嘅？

房：身為警察，維持治安係我嘅終身事業；儆惡懲奸係我嘅人生格言；打擊罪案係我嘅最大嘅宏願；為市民服務係我每年嘅生日願望。事實亦證明咗我嘅決定係啱嘅，如果我貪生怕死無入到貨倉，咁就會多一位警察遇害，而亦都會畀嗰個殺警狂徒再有犯案嘅機會。

金：係呢！房ＳＩＲ，聽講你之前捲入一單風化案入面，就係嗰兩個殉職嘅警察頂證你。

房：我喺到重申一次，我係清白嘅，警方已經證明咗依一點。

金：仲有啊！有報道指嗰兩個警察背後涉及同黑幫存在著利益關係。

房：死者為大，我都唔想喺到評論佢地，依啲畀返有關當局調查啦！

金：原來四年前，賊王嚴喫灰都係衰係你手上，但係點解到依家你都係喺細局到做個沙展仔？有無覺得大材小用呢？

房：又唔可以咁講嘅，大局小局都係為市民服務啫！有料嘅人去到邊到都係光芒萬丈架啦！

金：咁今次破咗依單大案，應該會得到警隊高層嘅重視啦！聽聞特首打算頒發銅紫荊畀你，你覺得點呢？

房：無乜特別，依個係身為警察嘅天職，就算有無表揚，我都係會做好依份工作。

金：嘩！房ＳＩＲ原來你份人咁謙架！係呢！有記者影到你當晚長期勃起，因乜解究你咁興奮嘅？

房：哎啊！你地份報紙最鍾意就係將啲焦點放喺依啲地方，當時我之所以勃起，就係由於當時我太過緊張，兼且喺開鎗嘅時候高度集中，啲血液就集中流去一個地方，可以話係我施展天外一鎗嘅後遺症。

金：係呢！聽講大導黃三日有興趣將你嘅故事搬上大銀幕，片名叫勃起神探大戰殺警狂魔、或者叫做悍探之金鎗不倒，據聞主角就搵阿雪或者達哥，你有咩意見呢？

房：老實講，我幾欣賞依個導演嘅作品，不過我覺得最好搵鎮宇或者青雲做我依個角色。

金：我仲以為你想搵大哥做你個角色添，話晒你地同名同姓。

房：佢係國際巨星，應該請唔起佢喇！

金：仲有啊！房ＳＩＲ，你依家係警隊入面嘅英雄，你有女朋友未啊？吓！未啊？咁你有咩擇偶條件呢？

房：大波…我嘅意思係為咗我嘅下一代可以健康快樂成長，而且要有正確嘅價值觀，所以攝取足夠營養係好緊要；仲有要明白我，了解我嘅工作，所以我嘅另一半最好都係警察。

金：今日真係好多謝房ＳＩＲ上嚟蛇果，我地真係學到好多野啊！

看完這篇報導，我覺得房侍農的表現尚算不錯，後來才知道是警隊的公關為他準備了鱔稿，他的對答大部份也是跟隨鱔稿的。

屌你睇到我笑出聲 做乜尻

大波

屌