(校園、穿越、奇幻)今年我三十三歲,回到了1998年(結局)

新post 正評支持

返工前推一推

新 post 留名

屌你同班大陸人一樣
自己有問題就問人點解唔走

我們一行人走出了那荒廢的校舍，我感到全身乏力，暈眩的感覺比剛才更甚。

陳依官道：「仲有架的士未走啊！尚興國，你帶佢去醫院先啦！」

布正麗打開了的士的車門，司機看到我的狀況，愕然道：「嘩！佢做咩搞成咁啊！流咁多血容乜易會整污糟部車架？你地都係搭過第二架啦！」

布正麗扠著司機的脖子，怒道：「你快啲開車，車我地去醫院啊！如果佢有乜冬瓜豆腐連人帶車打爆你啊！整污糟你部車，最多畀多兩舊水你。」

十多人滿面怒容地瞪著司機，司機只好妥協，道：「咁你肯畀多兩舊水我，自然無問題啦！靚女，妳放手先，唔好咁勞氣。」

布正麗把我扶進了車廂，我想起了一些事情，道：「得一架車咁你地點啊？我驚湯仲謀改變主意，衝出嚟搵你地算帳。」

陳依官道：「布甸、楊鳳瑤，妳地同成皇志去醫院先啦！成皇志講得啱，此地不宜久留，我地依啲男丁依家跑落山，到咗大路再轉其他車去醫院。」

布正麗道：「成皇志，你放心啦！有陳依官睇住佢地，佢地會無事架！」

我吃力地點了點頭，楊鳳瑤道：「司機，仁濟醫院，快啊！」

的士啟程，向著仁濟醫院的方向駛去。

楊鳳瑤瞧見我的慘況，泫然欲泣道：「成皇志，早知我就報警，唔好搵陳依官啦！都係我累到你同布甸。」

我搖頭道：「唔係啊！今次妳做得好好，如果你搵警察，警察唔會快到過陳依官。」

布正麗擔心道：「成皇志，你傷成咁，抖下啦！好快到醫院架喇！」

可能失血過多，我的意識開始變得模糊，我要找些事情說說好讓自己清醒一點。
　
我道：「記唔記得上次８座，我地幾驚險啊！我差啲畀沈雲樂殺死，好彩布甸妳喺佢後面一刀劈落去，佢先殺我唔到咋！」

楊鳳瑤察覺到我不妥，她道：「上次咁危險，我地都可以過到嗰一關，今次都一樣，成皇志，你堅持住啊！」

我語無倫次道：「布正麗，妳成日都咁衝動，不過我之前欠妳嘅人情，今次當還番畀妳。」

布正麗道：「我同你嘅帳有排都計唔清，等你好番我地再計過喔。」

我的眼皮變得很沉重，我道：「我好凍…好攰，好想…瞓返覺。」

布正麗摟著我，拍打著我的臉道：「成皇志，你唔好瞓啊！」

楊鳳瑤催促道：「司機，點解仲未到醫院架？你開快啲啦！」

司機道：「開得好快架喇！再快，我地全部都要瞓醫院架。」

我感到一顆淚珠打在我的臉上，布正麗和楊鳳瑤的臉容變得模糊，最後我眼前的景象變得漆黑一片。

＊＊＊

當我甦醒過來，已經是另一個一千年的開始——２０００年１月１日早上。

阿公阿婆收到醫院的電話時，都著實嚇了一跳。阿媽與他們一同到達醫院，那時我還是昏迷未醒，醫生對他們說我沒有生命危險，他們才鬆了一口氣。

他們擔心了一整晚，見我終於轉醒才鬆了一口氣。

阿媽問：「阿志，究竟發生咩事？醫生話你兩隻腳板都畀利器割傷？」

一直以來，我都沒有向他們提及關於湯仲謀的事情，連上次阿興與榮仔被湯仲謀的手下追打的事情我也沒有說，就是不想他們擔心，現在我又沒有能力突然間去編一個合情合理的故事蒙混過去，只好道：「媽，我好攰啊！我想瞓啊！有咩野遲啲再講啦！」

阿婆道：「咁我地走喇！聽日煲啲雞腳湯畀你補下。」

「哦！好啊！」

阿媽他們離開了不久，那名當初我誤以為是白無常的黎柱國醫生來巡房，他瞧見我，神色不善，搖了搖頭道：「點解又喺到見到你架？」

我聞言不禁吐了吐舌頭，自從回到了１９９８後，我也數不清來過這裡多少次了。

黎柱國查看我的病歷，他皺了皺眉頭，道：「你兩隻腳板都被利器割傷，究竟發生咩事啊？」

我面有難色，黎柱國搖頭嘆道：「身體髮膚受諸父母，你應該要好好愛惜自己身體先係，你受傷入醫院，一來令父母擔心，二來加重香港醫療體系嘅負荷，希望今次係最後一次喺到見你啦！」

我問道：「醫生咁我係咪好快可以踢波跑步啊？」

「你仲諗住踢波跑步啊？你要截肢架！」

我聞言大吃一驚，激動道：「要截肢？無理由架醫生！」

黎柱國臉上現出狡黠的笑容，道：「你知驚嘅咩？你今次好彩，差少少就割斷條動脈，如果傷口受到細菌感染，你真係要截肢嗱！」

我如釋重負地拍了拍心口，道：「嘩！醫生，你講笑搵第二樣喔！真係畀你嚇死啊！」

「你最少抖番一頭半個月，唔好做劇烈運動，游水、跑步、打波統統都唔可以，知唔知啊？」

「ＯＫ！」

黎柱國離開後不久，自強會的同伴來到醫院探我，由於人數眾多的關係，他們分開數批進來病房。

一批又一批進來，我向他們說我沒有大礙，要他們不用擔心。

陳依官道：「成皇志，依件事你打算點處理啊？」

我想了想，才道：「我覺得依件事，就算我地報警都未必有用，我受嘅傷係我自願行過去帶布甸走而做成嘅！」

陳依官點頭道：「有依個可能性，如果話佢擄拐布甸呢？」

「依層睇布甸意願。」

陳依官見我沉思，問道：「成皇志，你其實係咪有啲咩打算啊？」

「可以話有啲眉目咁啦！」

楊鳳瑤道：「陳依官，你畀成皇志抖下啦！依啲野等佢好番先再講啦！」

輪到飯桶武、矮仔文與萬季常進來，飯桶武一瞧見我，立時歌頌道：「會長，你今次真係好鬼型啊！…（下刪一千字）。」

矮仔文與萬季常都對飯桶武的頌辭點頭贊同。

雖然被別人讚賞是一件樂事，然而他們三人實在有點兒太過份，我道：「我有啲攰，想休息下。」

矮仔文道：「哦！會長，咁我地走先喇！」

三人轉身離開之際，我卻道：「等陣，你地三個係最後一批嚟探我嘅人？」

萬季常回頭，道：「係啊！咩事啊？會長。」

我聞言有點失望，道：「無哦！問下啫！」

布正麗沒有來探望我，我躺在這裡，都是因為救她，一念及此，我不禁感到失望及難過。

算了吧！我是自願救她的，又不是為了什麼報酬才救她？

就在此時，我一直期盼的布正麗終於出現在我的面前。

布正麗打量了我一眼，道：「醫生點講啊？」

「無乜大礙，佢話依排唔好做運動住。」

我瞧見她額上滲出一些汗珠，而且呼吸有些急促，她應該是趕過來的。

「咦！其他人呢？」

「佢地啱啱走咗。」

布正麗把手上的紅色塑膠湯壺放在茶几上，道：「你對腳傷咗，我煲咗啲花生雞腳湯畀你以形補形。」

布正麗乘了一碗給我，我嚐了一口，布正麗的廚藝挺不錯。

布正麗瞧了日曆一眼，道：「成皇志，新年快樂，希望你新嘅一年一切都順順利利。」

我笑了笑道：「歡迎妳嘅到另一個一千年嘅開始。」

她亦笑了笑道：「可惜你錯過咗由一個一千年橫跨到另一個一千年嘅歷史時刻。」

我搖了搖頭，道：「其實我之前經歷過，都無乜特別啫。」

布正麗訝道：「唔通你係宋朝人？咁你咪成千歲？」

「又或者我係回到過去，經歷咗兩次公元２０００年嘅１月１日呢？」

布正麗噗哧一笑，道：「你講笑嗰樣都咁認真嘅？」

我笑了笑道：「咁都畀你識穿我講笑添。」

布正麗陪我說說笑笑，直到探病時間結束，她才離去。

布正麗離開後，我的心思便放在如何對湯仲謀作出反擊的一事上，這次他放過我們，並不代表他就此罷休。

轉眼已經係18年前嘅元旦

大家今朝返工搭車咩情況

push

屌你乜都大陸人唔洗講啦

唔係我乜都大陸人
係你要學大陸人
我都幫你唔到

屌佢老母
仆街大交合
等左一個半鐘車
過車仲因爲冧樹要行返轉頭半個鐘先到公司

路都未通就咪叫人返工啦

把口係你到 你話係乜就乜啦 影衰香港人

把口係你到 你中意繼續點講咪點講 影衰香港人

家住北香港, 出門見冇火車冇巴士食完早餐請假返屋企算

正評留名

返工係屯門公路塞到差d賴屎

屯門返黃竹坑真係慘過食屎

有得推好推
結局post了

推呀

推

push

push

Chapter　１１８　反擊

過了最後限期，湯仲謀還沒辦法把人交給羅家環，羅家環對此很憤怒，他怒道：「有無搞撚錯啊！畀咁多時間你，都搵唔到條友出嚟，你食屎大架？」

湯仲謀沉默不語，阿謹瞧了瞧湯仲謀，道：「羅ＳＩＲ，唔駛咁燥嘅！不如咁喔！我叫
bo bo搵幾條大波索女服侍下你喔！」

羅家環冷笑一聲，拍打著阿謹的臉頰道：「不如叫埋你老母服侍我喔！你地依啲死龜公，除咗識食軟飯，仲識做啲咩架？」

對於羅家環不斷的出言侮辱，湯仲謀怒道：「阿ＳＩＲ，我地係合作關係，唔係你啲下屬，你尊…」

羅家環聞言衝上前，一記膝撞擊在湯仲謀的小腹上，湯仲謀猝不及防下，吃了對方這一擊，痛得雙手抱腹。

「靚仔，邊個係莊？邊個係閒你都唔識分啊？你地依啲垃圾古惑仔，我當你地係狗嚟架咋！阿ＳＩＲ唔LIKEY，可以拉晒你地返去，唔好以為你地可以同我地有平等嘅地位，我地唔搵你地，都可以搵真技安，如果我地搵真技安，你屎都無得食啊！咦！你嘅眼神咁唔友善，唔係想打我啊？我係差人，你打我即係襲警！我即場啪低你，最麻煩都係寫report咋！」

阿謹握著湯仲謀的肩膀示意他不要衝動，他打圓場道：「羅ＳＩＲ，大家點講都係坐埋一條船，合作時間唔係好長，我地有啲野做得令你唔滿意嘅，咁我地咪改囉！」

「咁先係人話架嘛！今晚我六點收工，安排幾條囡沖乾淨涼等我。」

「阿ＳＩＲ，你放心，包你滿意啊！」

湯仲謀狠狠證著遠去的羅家環，阿謹道：「算啦！阿湯，條差佬講得啱！你打佢嘅話，佢真係隨時啪低你架！其實你一早交布甸出嚟咪無事囉！」

湯仲謀激動道：「阿謹，依條友胃口越嚟越大，你以為今次我地滿足咗佢，佢會感激我地咩？佢頭先都講到明，當我地係佢隻狗咋！」

阿謹勸道：「阿湯，大事要緊啊！你忍下佢啦！」

湯仲謀聞言只是悶哼一聲。

器量狹小的羅家環對於受襲一事依然深深不忿，湯仲謀沒有抓住襲擊他的那個人，但他可以從那個叫楊鳳瑤的女學生下手，襲擊他的人一定與她有關，於是他要鍾仔去調查一下，當他查到是誰下手，才通知湯仲謀去捉人。

唔係話主角之後有個女咩