(校園、穿越、奇幻)今年我三十三歲,回到了1998年(15)

張床單好可愛呀

好彩唔係叮噹床單

Chapter　１１１　亡黨（上）

今年的中期試安排在聖誕假期前舉行，我們這些即將要參與會考的自強會成員，大多都很積極在自強會裡備戰，陳依官不知在那裡得到了各科補習天王的精讀筆記，我們都埋頭苦幹去研讀。

我們製造了一個濃厚的學習氛團，連平時不好唸書的關國安與尚興國亦被感染，也拿出了課本，靜靜坐下來溫習。

已經久未前來自強會的李老師，今天恰巧經過自強會的門口，朝門內一望，居然看見自強會的學生，人人手執課本、奮筆疾書。他眼神露出欣慰的神色，微笑點頭，本想入內向其他同學說一番鼓勵的說話，可是又害怕自己的亂入破壞良好的學習氣氛，他猶豫了一會，最後還是決定不要打擾同學溫習。

對於不是中五、中七的同學，一星期後的中期試不過是中期試，所以他們沒有溫習得那麼拚命。

到了差不多五點的時候，不少自強會的會員都陸續離開。

萬季常與二年級生的飯桶武、矮仔文一同離去，三人沿著大白田街走向石蔭，邊走邊聊，他們均非常崇拜成皇志，話題自然離不開他。

矮仔文道：「之前我死蠢喔！睇浩南哥啲戲以為加入黑社會好威，但點知畀人當傻仔。跟咗會長之後，佢解釋畀我地聽做警察有好多好處，我覺得以前嘅想法錯得好緊要。」

飯桶武道：「係啊！朱斌仔成日想搞會長，都畀會長玩返轉頭，就知道會長有料啦。佢講嘅說話係唔會錯，我依世只會追隨會長一個，唔會再跟其他大佬。」

萬季常以欣羨的目光瞧向二人，道：「好羨慕你地啊！你地係第一批加入自強會嘅成員，我第二年先加入咋！會長好似有好多威水史，我成日纏住佢，佢都唔肯講畀我聽。」

矮仔文道：「會長雖然受好多同學敬仰，但係佢份人好低調，佢唔係好鍾意宣揚佢自己嘅豐功偉蹟。」

飯桶武道：「其實會長嗰陣未咁鮮明同出眾嘅時候，我地已經同會長認識。」

萬季常訝異道：「有啲咁嘅事？飯桶武，你講多啲會長嘅野畀我聽啦！」

矮仔文插言道：「嗰啲野有乜好講喔！要講應該由會長同佢爸爸第一次大鬧８座數字幫講起，會長爸爸又係一位猛人，人稱東大街耀揚，曾經同幾位香港拳王打過交。嗰陣佢地兩父子殺入去８座，同當時８座話事人孖腸講數。就係依件事，一夜之間會長由寂寂無名嘅學生哥，成為可以同朱斌仔齊名嘅黑道傳奇。」

飯桶武接言道：「做到依啲都不過係一個普通嘅黑底學生，但係會長最勁就係周身刀張張利，傳聞話佢就係嗰個炒賣史露比公仔期貨嘅幕後大莊，將史露比公仔嘅價錢舞高弄低獲利；之後喺歌唱比賽創作出三首作品，三首都係冠軍歌，就連專家嘅植爺都讚不絕口，我飯桶武敢寫包單，會長係吳林紫娣前無古人，後無來者嘅唯一傳奇。」

矮仔文道：「係啊！不過要講到將會長升上神檯就要數到８座事件。」

萬季常聞得８座事件，立時抖擻精神，現出一副洗耳恭聽的樣子。

春巴，我已經睇曬成本小說，發現有少少錯字同空白出現，同埋幾時有第二本

係飯桶武把口講成皇志威水史真係好正

為免戲透我唔會開估

過去嘅歷史未必同現在一樣

可能過去無發生任何事
而成皇志回到過去
蝴蝶效應衍生出一啲全新嘅事情

多謝支持

過去嘅時空真係有好多可能性

我都覺得依一類結局極爛

寫到咁
我寧願爛尾

叮噹床單係點解？

Sorry

其實我畀編輯前已經執咗次

佢又執多次

往往都係執嗰陣無為意，到出嚟嗰陣先發現出事

三條蛋散當咗成皇志係偶像

不過如果中學嗰陣有個咁嘅人

我都會當佢係偶像

唔緊要啦，有錯版仲好

Push

唔通布甸意外死左，回到1998

係囉, 我都唔明

跟得孫權，多數都變琛琛二號

係條基佬片扑野，一開始就見到叮噹床單
，有啲連登仔成日無啦啦reply貼呢條片，對唔少連登仔造成心理創傷

Push!

飯桶武道：「依單野連續做咗兩星期因周刊封面，試問有邊個學生可以上兩期因周刊封面喔？十優狀元都唔得啦！」

萬季常點頭道：「係啊！嗰陣依單野一出，成個石梨…唔係全個香港都好轟動啊！」

矮仔文道：「依單野牽涉嘅人除咗會長佢地一家人外，仲有吳林六美，吳林六美個大名，你都聽講過啦！佢地係我地學校最靚嗰六個女仔。因周刊話依單野一開始係一個差佬查單女人失蹤嘅案件，嗰個差佬咪就係有時嚟搵會長嗰個囉！」

萬季常斷言道：「我知，嗰個好似達叔嘅差佬叫做房侍農。」

飯桶武繼續吹奏道：「嗱！會長依啲咪就係如眾不同囉！房侍農假假地都叫做沙展，邊到有警察同學生咁好感情架，因周刊話係會長提供線報架，不過畀嗰三個俗稱三狼嘅犯人走甩咗。」

矮仔文怒道：「我講緊吏事，你地唔口成日插嘴先得架！」

萬季常歉意道：「唔好意思，你繼續啦！」

矮仔文續道：「嗰三個人原來帶埋個女人去到８座，匿喺周平泰屋企，嗰個周平泰同吳林六美嘅管佳莉有段情，而管佳莉就係會長嘅初戀情人，依家管佳莉就係呂靜宜阿哥嘅女朋友。」

萬季常聞言吐了吐舌頭，道：「個關係好複雜啊！」

矮仔文白了萬季常一眼，才道：「嗰個周平泰同二狼合謀捉咗管佳莉，但好彩畀會長阿爸發現，將二狼同周平泰打到仆街，救番咗管佳荊。而前學生會會長柳豔無意發現咗三狼嘅惡行，被人捉住咗，會長同楊鳳瑤去救人，但係又撞到朱斌仔，好彩會長老豆出現，一個人牽制住朱斌仔十幾人，會長先可以去救人。會長老豆雖然超級好打，但係雙拳難敵四手，又好彩呂靜宜兄妹等人及時趕到，用垃圾車衝亂朱斌仔嘅陣形，之後聯合會長老豆，打到朱斌仔同佢啲手下仆街。會長上到周平泰屋企，先用計引誘大狼出屋，之後入到屋裡面一個打幾個，但係寡不敵眾，喺依個時候，吳林紫娣第一美人布正麗趕到，佢地雙劍合璧使出玉女素心劍打到大狼佢地仆街…」

萬季常聽到這裡，忍不住發聲：「嘩！連玉女素心劍都出埋，就算對面係金輪法王都注定仆街啦！」

矮仔文狠狠瞪了萬季常一眼，萬季常擺出了投降的手勢，矮仔文才道：「大狼見勢色不對，拖住老婆走佬，正所謂除惡務盡，會長一支公去追嗰對賊公賊婆，但係一心諗住食花生嘅宛琳珊畀大狼挾持，仲將佢推落街，咁嘅情形會長唯有英雄救美，放過嗰對賊公賊婆。會長救完宛琳珊之後，發現大狼為咗走佬，揼低大咗肚嘅老婆唔理，雖然賊婆心存惡念，但係仁慈嘅會長，都係扶咗賊婆去搵醫生。雖然會長表現得咁天下無雙，但係老馮對於會長上咗雜誌封面好不滿，差啲趕會長出校，好彩最後警方頒個好市民獎畀佢，佢為咗學校爭光先至無事，可惜嘅係因為會長老豆打到隻二狼仆街而坐監。」

萬季常聽畢，對成皇志的欽敬有如滔滔江水連綿不絕，他道：「會長喺８座事件裡面，表現出大仁大智大勇，真係成個郭靖同楊過咁啊！」

飯桶武點頭道：「其實會長嘅威水史又點止依啲喔！」

矮仔文贊同道：「會長嘅豐功偉業要講，隨時可以講一日一夜。」

萬季常瞧見飯桶武眼泛淚光，不禁有點錯愕，他問道：「飯桶武，你做咩好似好傷感嘅？」

飯桶武激動道：「會長就嚟會考，以會長咁嘅聰明才智，十條Ａ實走唔甩啦！我驚佢會去皇仁、喇沙升中六，又或者去劍橋牛津留學，拋低我地依啲兄弟。」

矮仔文責備道：「飯桶武，會長咁有前途，我地做兄弟嘅應該戥佢高興，你喊乜春啊！」

氣氛一時間變得有點傷感，過了一會，萬季常再道：「係呢！頭先聽你講自強會嘅幹事管佳莉係會長嘅初戀情人？」

矮仔文點頭道：「係啊！有傳聞會長參加歌唱比賽嗰首歌，就係特登為佢而作。」

飯桶武道：「會長依啲男人中嘅ＸＯ，後宮佳麗三千就緊架啦！但係難得佢多情而不濫情，對每一位都用情至深，基本上佢同吳林六美都有過一段情。」

萬季常愕然道：「嘩！吳林六美…六個都有？」

矮仔文頷首，如數家珍道：「管佳莉係會長初戀情人；呂靜宜就同會長一曲定情，之後佢去外國讀書，會長先同佢分手；再之後會長同前學生會會長柳豔嘅戀情搞到幾咁大件事，相信你都知架啦；依家會長成日同布正麗一齊，我覺得佢地遲早有野；至於宛琳珊，早排畀人踢爆係史露比少女，而會長畀人傳係史露比期貨嘅幕後大莊，兩人關係好曖昧；至於楊鳳瑤，有人話見到有佢同會長喺街到打車輪，仲好似話佢地係世交添。」

萬季常讚嘆道：「會長真係厲害！你地亦都同樣厲害，對會長嘅事瞭如指掌，真不愧為會長天字第一號ＦＡＮＳ。」

驀然，飯桶武現出一副煞有介事的樣子，道：「講起楊鳳瑤，有一件事，我唔知好唔好同你地講？」

矮仔文罵道：「飯桶武，你有咩就講啦！唔好吞舌吐吐。」

飯桶武道：「我尋日見到楊鳳瑤同湯仲謀一齊，佢地嘅態度仲好親密添。」

萬季常訝道：「吓！湯仲謀係會長嘅敵人，亦即係自強會嘅公敵，佢地點會一齊架？」

矮仔文亦道：「飯桶武，你係咪睇錯啊？楊鳳瑤係會長嘅女人，邊有可能同湯仲謀一齊啊？」

飯桶武搖了搖頭，堅定道：「我初時都以為認錯人，但係我望咗好多次，嗰個真係楊鳳瑤嚟架，佢仲著住吳林紫娣校服。」

此時，對面的行人路，有一位穿著吳林紫娣校服的男生向一群金毛臭飛道：「佢地三個就係自強會嘅人，矮仔文、飯桶武同埋萬季常。」

為首的臭飛點了點頭，領著其他同伴跨過了欄杆，衝到三人面前，喝道：「成皇志得罪咗我地，我地要自強會今日亡黨。」

三人驚覺被一群臭飛包圍著，還未弄清楚發生什麼事，便遭到了拳打腳踢。