第九行星 Planet Nine
呢個定義同八大行星差唔多，就係想包含曬所有行星。
但如果一直發現新「行星」(任佢定義架姐...)，其實可以延伸去歐特雲咁遠。但都講下啦。
第九行星，或者叫Planet X，只係一個理論既行星黎。用黎解釋其他星體既古怪軌道。
佢既直徑係地球既3.7倍，同天王海王差唔多大。
唔係好清楚佢地點得出呢D數據，但睇落好似好仔細咁，就黎拍得住發現多年既Pluto。
睇圖都睇到，如果話Pluto軌道古怪，我肯定第九行星(紅色)仲古怪...
第九行星，距離我地最近200AU，最遠1200AU。仲誇過慧星，上圖就係哈雷慧星既軌道。
頂唔順了，太假。有冇識既巴絲繼續講？
奧特雲 Oort Cloud
奧特雲係邊界既話，太陽系既範圍半徑就有10萬AU。
一光年(光行一年既距離)，約等如6萬3AU，所以奧特雲大約就係2光年咁遠。
太陽系既定義係，被太陽引力約束既區域。如果一個星體，主要受太陽引力影響運動，咁佢就算係太陽系入面。
所以呢個定義下，換句話黎講，太陽系既邊界，就係有其他恆星引力影響既地方。
4.22光年外，半人馬座內既比鄰星 Proxima Centauri，
就係距離太陽最近既恆星。
如果係比鄰星B(比鄰星宜居帶內既行星)，睇比鄰星日落，應該就係咁的。
因為比鄰星係M星，比較低溫，所以比較紅。而比鄰星B距離比鄰星只有0.05AU，所以個到睇既「太陽」係會大D、暗Ｄ既。
而位於兩者間既奧特雲，所以就係太陽系既邊界了。
奧特雲，既星體主要由水、甲烷等「冰」組成。
可能係木星同土星，經引力「踢」出內太陽系既天體，或者係與其他恆星交換物質時所形成。
奧特雲亦相信係長週期(千年黎地球一次)彗星既發源地。例如係圖中既Comet Hale–Bopp，佢既週期就係2500年。
