【多圖】‎【天文】‎宇宙的結構

淋完衫 · 2018-01-17T15:14:58+08:00

Hello，又係我，希望今次唔會單機啦。歡迎追返舊POST，俾面就幫我推下同啦。幫大家分埋類：平行宇宙： https://lihkg.com/thread/517106/page/1 &lrm;恆星老死、黑洞： https://lihkg.com/thread/495716/page/1 恆星演化、超新星： https://lihkg.com/thread/484488/page/1 觀測儀器、基本知識／原理、太陽系： https://lihkg.com/thread/477662/page/1 btw，建議大家用黑暗模式睇。 ------------------------------------------------------------------------ 今次講既內容，大家可以睇一睇 Cosmic Eye 呢條片先： https://www.youtube.com/watch?v=jfSNxVqprvM 呢條片其實唔係咩新鮮野啦，Youtube就寫係7年前既作品。呢類Zooming Universe既短片，其實都唔少。或者大家可能睇過1977年既 Powers of Ten ： https://www.youtube.com/watch?v=PbgSVh-gWVc 希望今次可以令大家認識到宇宙唔同尺度既結構。今次比較簡單，識既朋友唔好劇透住啦。 ------------------------------------------------------------------------ 太陽系雖然講過，同好多人都識，但都循例簡單講下。首先，當然係由地球出發先。地球既直徑，係 12,742公里。兩登標準，米八為合格線黎講。大約需要七百萬個人(成個香港咁多 )，頭腳相連，先至等如地球既直徑。我地抬頭望向空中，太陽既大小(角直徑)只係有 0.5度咁大。而事實上，太陽既直徑係1,391,400公里，大約係地球直徑既 110倍。如果比喻太陽係一粒蕃茄，地球只係一粒鹽。 <img src="https://www.expecthim.com/wp-content/uploads/2016/09/%E4%BB%8A%E5%B9%B4%E4%B8%AD%E7%A7%8B%E3%80%8C%E5%8D%81%E4%BA%94%E7%9A%84%E6%9C%88%E4%BA%AE%E5%8D%81%E4%B8%83%E5%9C%93%E3%80%8D-min.jpg" data-thumbnail-src="https://i.lih.kg/thumbnail?u=https%3A%2F%2Fwww.expecthim.com%2Fwp-content%2Fuploads%2F2016%2F09%2F%25E4%25BB%258A%25E5%25B9%25B4%25E4%25B8%25AD%25E7%25A7%258B%25E3%2580%258C%25E5%258D%2581%25E4%25BA%2594%25E7%259A%2584%25E6%259C%2588%25E4%25BA%25AE%25E5%258D%2581%25E4%25B8%2583%25E5%259C%2593%25E3%2580%258D-min.jpg&h=64cbdcf0&s={SIZE}" /> 雖然月球既角直徑，都係0.5度，但實際上月球既直徑只有(約)地球既四分之一。雖然太陽既直徑已經好大。但比起星體間既距離，都係不值一提。地球同太陽既平均距離，我地叫做AU，姐係149,600,000(~1.5 億 )公里。距離太陽最近既行星，係水星。平均距離係0.39AU，姐係58,344,000公里。係太陽直徑既42倍。由太陽往外走，就會依次見到八大行星。（水星、金星、地球、火星、木星、土星、天王星、海王星) 而最遠既海王星，就距離太陽~30AU。呢張圖，就可以表達出八大行星同太陽間距離既比例。水星、金星、地球、火星，距離太陽比較近，再加上小行星帶，成為我地既內太陽系 Inner Solar System 。而小行星帶外既，木星、土星、天王星、海王星，就係外太陽系 Outer Solar System 。年紀大小小既朋友可能仲記得，以前我地太陽系係九大行星既。距離太陽～40AU既地方，仲有冥王星 Pluto 。因為冥王星軌道怪異既原因(其一)，唔再係太陽系行星。係呢個例子，我地認識到，除左八大行星，係太陽系既空間中，有著其他既小行星、矮行星之類既微細星體。 1977年發射既旅行者1號 Voyager 1 ，係1990年既2月14號(真係好孤獨既旅人)影左著名既 Pale Blue Dot 。係距離太陽40.5AU既地方，回望地球，就係呢一點小藍點了。呢到想講兩樣野，一：人真係好渺小呢，二：地平說唔該收皮。如果以八大行星作為太陽系既範圍，咁太陽系既旅程就完結了。我地準備進入太陽系以外。亦有人認為，外太陽係仲有第九行星既存在，個到先係邊界。亦有人認為，太陽風／重力邊緣／彗星带等，先係太陽系邊界。而家我地(主要係我)抖一抖。下一篇，再繼續旅程。