【多圖】‎【天文】‎宇宙的結構

有問題想問 假設太陽質量不變 變成黑洞
咁地球都係圍住佢未變黑洞前咁公轉

咁引力不變 點解未變黑洞前 可以比光子出到去
變左黑洞 就連光都吸埋落去

可能1999 小學雞諗唔明

err...我諗你連黑洞係咩都唔知。。。。。。　建議你追下我講黑洞個ＰＯＳＴ先。

盡量答下你啦，係「視界」內光出唔到去。而「視界」幾大係視乎黑洞質量既。

係塵 and the curve of the sphere

但靠近星系中心比較密，有相撞或有相互反應亦唔奇。

而且星系相撞會壓縮星際氣體而引發大質量恆星產生潮，大質量恆星壽命可能短至幾百萬年，會有大量超新星爆發。應該幾精彩。

依家科技睇到M31/33 入面嘅類似太陽系未

你提醒左我一樣仲精彩既野。

星系碰撞係其中一樣會引發恆星拋離既事件，各種力相互作用會將恆星或行星fing出宇宙，在浩瀚星海中流浪 。

如果fing出去既恆星係一個有生命既太陽系，而上面既生物又足夠長命，會發現天上星星大部分離自己而去，然後遠處一星雲愈來愈大，中途會有一段無亮星既黑暗期，直到被下一個星系捕獲。

捕獲到，就圍住個星系轉，上面既生物又有得睇下星座運程咁 ，捕獲唔到，又繼續宇宙間既旅行，幾浪漫呀。

如果

以我所知尋找系外行星計劃暫時找到的都係銀河系內行星，最遠兩萬幾光年，畢竟自己銀河系近銀心附近都已一片白睇唔到，其他星系個別恆星都未能夠特別去觀察。

lm

姐係流浪恆星？

睇完巴打d post成日都會唸地球有幾細 想像係成個宇宙中 地球真係細都無人睇到 就覺得地球好寂莫

btw 係youtube睇過到片講人類explore宇宙 最後有句野話 "人仲不斷探索中 但如果當我地目前可觀測宇宙係一個燈泡咁細 整個宇宙係一個冥王星咁大 而燈泡位於冥王星中心 係燈泡入面嘅我地根本唔知冥王星嘅存在 依個就係我地嘅處境 "聽完有d空虛

正！不過要好長命

好想睇兩個星系撞啊

每個星系係以咩為目標郁緊？
純粹飄黎飄去？

定係因為宇宙擴張既速度無目標咁郁？

俾d耐性
呢個post慢慢會講呢樣野

其實planet x存唔存在

圖文並茂 樓主博學多才 小弟留名

X只係一個代詞，可代表「未找到的下一顆行星」，或「第十顆」行星。

當年天文學家陸續發現天王星、海王星同冥王星後，一直致力尋找下一顆行星，八十年代好多科幻作品都話搵多好多顆，例如《飛越巔峰》入面既雷王星等等。

近年發現冥王星附近有䦧神星等大型小行星，掀起一陣發現新行星熱潮，點知冥王星所在的柯伊柏帶有好多類似的小行星，經過一番討論，冥王星被降級成矮行星，同佢班兄弟妊神星、䦧神星一齊。

此事件改變行星定義，好多以前小行星升格矮行星，但要成為行星則更嚴格。因此，如在冥王星外圍再發現乜野，都好難再叫做行星啦。

睇返樓主個post，會了解到太陽系範圍有限，所以找到planet x可能性微乎其微啦。

留名

一加三巴打，唔該曬
我走先，你幫我頂住。

7，80年代個時講到一定有😂，話咩改變海王星個啲軌跡

學到好多新野

追完
又要等

依家港台31有個節目講緊土星，有興趣可以睇下