[少年監獄] 感受沙咀 Thank you sir Thank you sir

文呀

有文未呀肥衡

又無文

一定買！！！！！

太平紳士 (Justice of the Peace，JP)

在香港已經實行了170年的太平紳士制度，是一個有效的監督、視察制度。它提供一個獨立渠道，方便有需要人士提出投訴，並讓有關方面按規定就投訴進行調查、跟進工作。此外，相關的決策局或部門也可藉太平紳士提出的意見及建議，改善有關設施和服務管理的問題。

香港的太平紳士其中一項職責為巡視如監獄等羈押院所，接受被扣留者的投訴，避免懲教署對扣留人士施行法院判決以外的刑罰......







以上資料都是從維基而來的, 唔查我都唔知道, 原來太平紳士有一項職責, 就係充當一個幫忙監察政府部門的角色

那麼, 他們有無監察到, 意識到, 或者知道, 這個沙咀的背後呢?










呵呵

一定買！！！！！

好耐無見wor

「Yes sir !」

「Yes sir !」

「Yes sir !」

面對住阿sir們的要求, 我們這些學童當然不斷應著Yes sir立即照做

係JP巡視前一日, 下午接更後, 這個巡視的消息終於傳到了沙咀

於是右班的阿sir立即帶著我們臨時大掃除了一次.

這個大掃除的過程, 自然令我諗起中學時臨考試前的自己

想不到臨時抱佛腳的做事方式, 居然係呢到都可以見到

仲要係出自呢堆已成大人, 高高在上的阿sir身上

「喂 , 果個角落位仲有毯毛啊 !」

「掃地要三個人, 出去空地果邊!」

「樓上, 記得執曬啲垃圾先好落黎啊! 夜啲我上去check, 搵到一件垃圾既就全部十板 !」

每個命令都聽得出阿sir語氣中夾雜的逼魄感

每個沙咀的清潔細節, 在今天都逃不過阿sir的法眼
我都不禁奇怪起來, 點解要咁緊張啊?

雖然之前都有幾次阿一同阿二落黎巡大棚,果陣都算搞得有些緊張

但同今次相比, 真係小巫見大巫

右班阿sir甚至連草皮上面的大片樹葉都計較起來

「你地, 去汁下果邊啲草皮上面既樹葉」

呃....

但係草皮上的樹落下的樹葉跌在草皮上, 這不是正常的事嗎?

「唔係太好睇啊嘛咁樣, 快啲去汁曬佢啦」

僅僅是因為外觀, 居然連草皮的自然都嫌棄了?

但這裡只有Yes sir, 應完機後我們當然開始去汁樹葉

雖然係好反智...但沙咀的確會有一幕，係有成班人開始係草皮到執樹葉的

夠ON9了吧

於是這天, 無論係洗衣, 廚房, 大棚, 體育館都好, 甚至醫院, 每個地方的阿sir都叫了人幫手清潔同執嘢, 啲佈置同衛生最好就做到萬無一失, 滴水不漏, 一塵不染

務求讓明天來到的JP覺得,
沙咀是懲教處最好的監獄，最正常的懲教所

於是這本應平平無奇的下午, 在忙碌中度過了

夜晚回到倉, 我們也不自然地被下午阿sir傳來的緊張感影響, 搞到有啲驚聽日會點

「啊..聽日JP殺到... 唔知有無人會夠膽舉爬講呢到啲嘢呢?」
新人梁皓說道.

「哈, 我同你賭啊, 一隻雞翼, 我賭呢到一定有人敢舉.」
圓圓笑了笑, 立即試探新人

而梁皓自然係唔信啦, 因為這裡的牌頭和阿sir, 佢都算開始見識到

在這種高壓和不合理下, 仲邊會有人夠薑反抗嫁?

所以梁皓當然一口答應,

我們見佢落達後, 噗嗤一聲噴笑出來

「啊哈哈哈, 你真係睇小我地S啦你,哈哈. 知唔知邊個係莊逆天啊?」

「下? 莊逆天?」
新人疑惑問道

「哈咪就係果個日日抱住藍水桶既人咯, 你知唔知佢...... 」
我們開始道出莊逆天過往的事跡, 讓他明白, 這裡不是沒有傻佬的

「哇屌佢咁唔醒目既？！.咁真係輸硬了.哎俾你陰到鋪添.」
梁皓無奈說道

「買個教訓啦, 下次唔好咁衝動喇 , Thank you sir 唔該同學.」圓圓得意地笑了笑，彷彿那隻雞翼已是他的囊中之物

「得啦得啦, 豪比你, 咁如果佢聽日舉左...我地咪要..？」
梁皓說

嗯...

這一下提問, 倒是直中中心了

對, 如果真的俾佢舉了, 咁我地咪又要仆街?

「屌佢老母啦！ 唔撚想又因為呢啲大找啊！」

或許，之前的我確實會同其他人一樣，這樣想

只不過, 我宜家既諗法和睇嘢的角度, 已經慢慢開始由正常的角度, 出面既立場去睇呢到

其實, 係JP面前舉爬, 投訴, 是我們這些犯人應有的權利吧.....?

如果唔係既話, 要JP來何用?

雖然, 這裡的阿一阿二都是阿sir的"自己人", 就算舉了爬, 佢地都會圍威喂自己人玩曬

舉完又會變返正常, 變回沙咀的那套"正常"

但JP殺到, 不同於自己人殺到吧?

我還是識英文的, Justice of the Peace中, 頭一個字已經係解作正義

沙咀的一切, 真正的一面, 不算是正義吧?

那麼,舉爬, 投訴, 又有什麼錯呢?

好老實地講, 我反而想逆天舉添

最好一舉, 就爆個大鑊.

雖然我已身在漩渦當中, 但若然能在不影響走期下, 只是受多些苦就可以改變這裡的不公的話, 大找多幾鋪又有咩所謂?

看著其他人都不想受苦, 繼而埋怨同私下威脅逆天, 我都不禁替他心抱不甘

所以我無加入到討伐佢, 問候佢娘親的行列之中(因為佢間房就係對面).

反而這方面, 我是支持他的,精神上

因為我都想睇下, 面對投訴, 面對沙咀的黑暗的時候,
太平紳士, 代表住正義的一方, 會如何看待這片黑暗

那麼, 這忐忑不安的一晚, 就此睡去

到了第二日, 沙咀並無不妥

廚房的返廚房, 洗衣的返洗衣, 大棚的,繼續留係大棚

一切運作正常

但帶隊的阿sir就唔正常了

那些老練的,已經係AOI的阿sir還好, 好似虎sir, 戈sir, 子藍sir呢啲似乎見慣了大場面, 沒有什麼特別指示, 只不過散發出了比平時更加大的威嚴

而年輕的阿sir, 則顯得有些周身不自在

行言間帶了點焦躁和緊張, 而這股不安的情緒,自然亦會傳回俾我地呢班受訓生

回到洗衣後, 不幸地, 張sir似乎亦是個年輕的阿sir

一些明明琴日已經執過的位,都要叫人去執, 一早返黎叫人洗廁所不但止, 仲要我地快啲準備board衫, 因為等陣大棚的人會過來換board衫, 平時著開,操開的那套是見不得人的

短暫忙碌完, 偷睇了張sir的手錶, 已經係早上十點了

距離左班交更仲有兩個半鐘, 洗衣收工兩個鐘.

趁著空檔, 張sir開始安排我地既企位, 仲好貼心地留意我地既衣著,衣領有無反起，更同我們練起了對白

「嗱, 我地練一練先, 等陣太平紳士入左我地洗衣, 跟住可能求其搵一個人問嘢, 睇下你地會點答啊. 嗯, 你地宜家當我係JP先, 好啦, 我入黎啦. 」

做戲就做全套, 張sir故意走出門口, 然後又走了入來, 我們亦用演技回應, 站的如士兵一般嚴肅, 充滿軍紀

然後張sir走到了志豪面前,搭了搭佢膊頭

「呢位同學, 平時係到做嘢, 辛苦嗎?」

簡簡單單一個問題, 充滿了好多的可能性

「Yes sir, 同sir報，平時我做嘢並唔辛苦, 而且呢到既阿sir對我地好好, 我係呢到做嘢除左學到紀律，仲學識到一些相關技能, 所以我感到十分幸運！」

哇我屌
















呢個答案簡直滿分！

尤其係中間果句"呢到既阿sir對我地好好" , 簡直就係直接替張sir的鞋頭打了蠟, 這個鞋, 擦得真係高明！

「咁又唔撚使專登話阿sir對你地好好既, 你真係 」張sir笑了笑, 輕拍了志豪頭一下, 看來這下恭維確實是效果拔群

「好啦, 到你啦, 咁你呢同學? 平時係到生活, 辛唔辛苦啊? 比如有啲咩伙食唔好食, 都可以同我講嫁喎?」張sir轉頭問向阿堅

而阿堅平時在我們眼中, 一向不是擅言能辯的人

「Yes sir ! 同sir報, 我地係到唔辛苦 ! 我地呢啲犯左事既人, 係唔應該咁多要求既! 」

「屌你做乜鳩姐, 呢句講到好似好委屈你咁, 重新黎過喇 ! 」張sir一下重拍, 示意這答案並不妥當

於是這場對白的排練, 應該每個Team都開始在練, 我則反而有些好奇, 這時候在大棚，到底逆天佢會點講呢..?

到張sir練到諸仔的時候

終於,
張sir心口掛住的Speaker有動靜了











「JP已進入大門, JP已進入大門 ! 全世界準備 !」

「全部打起精神, 同我留心 ! 我地洗衣應該係頭幾站嫁 !」

「Yes sir ! 」
我們立即醒水, 企到直一直, 空氣瞬間沉默, 獨留張sir心口的Speaker繼續發聲

「JP到達B座, 全世界準備 . this is not a rehearsal ! Repeat ! this is not a rehearsal !」


於是乎第一次


太平紳士, 殺到了

拜 後日見各位

拜 後日見各位

今日咁少