[少年監獄] 感受沙咀 Thank you sir Thank you sir

唉...我頂

「你有無留意過你點同我呢啲高年班講嘢? 」

「我咪好正常咁同你講嘢咯...」

又來了

「唔啱! 除非果個人係你既FD,又或者本身就係出面識, 如果唔係既話,面對其他高年班你都要用敬畏少少既語氣同佢哋講嘢, 因為你仲係個新人, 唔好好似你依家同我咁, 識左三個鐘都未到, 你就已經當我係你個FD咁講嘢, 呢到無人鐘意呢一套.」
我狠狠地道出真相

「仲有啊, 唔好係到斤斤計較, 話要做幾多組就打數幾多組俾你, 呢到既三年班得我一個先會咁好人唔亂玩低年班打數咋, 唔怕同你講, 你落山之後大把高年班一樣會咁樣同你打數, 咁你係唔係都要逐組逐組同我哋拗 ? 」

「但係..! 咁樣咪對我好唔公平 ? 」佢委屈地說道

我心中一震, 公平...?

你居然仲有呢啲諗法?
我激到行埋佢面前,一嘢扯住佢衣領講

「公平 ! ? 少爺仔, 你到底知唔知呢到係咩地方 ? 呢到係一個監獄, 你係黎坐監啊 ! 公平 ? 唔好再係呢到提呢兩個字 ! 因為呢到無公平啊 ! 」
說完後, 我放開了他,才發現原來剛才自己有些失控.

我都好意外我自己會咁激動, 但公平二字, 是這裡的禁忌之一,我不得不讓他知道,有些說話這裡是不可以講的

「聽到未啊? 少說話,多做事, 唔好做體能講好攰 , 俾啲高年班玩兩下就當委屈. 以後呢到唔公平既嘢, 委屈既嘢仲多, 仲有排你受啊. .. 喂, 應我啦.」

「知道......」

「嗯...」
我真的不想做新人眼中既壞人, 但有啲嘢, 有啲觀念, 必須要係呢個時候逼佢拋開.

「總之你記住, 一年班唔好俾自己過得輕鬆, 有啲咩阿sir罰你既,公唔公平都好你都要Yes sir完就即做, 啲高年班玩你打數既, 都盡量忍,我諗除左個志豪, 其他高年班都唔會太過分...其他嘢, 做完呢八組我再同你講..預備啦.」

「嗯...好..」

其實黃偉華都住過二倉，起碼都知少少牌頭啦

然後, 苦悶的打數開始響起

我只能故裝這種這種威嚴的高年班姿態,幫佢習慣一下如何面對這裡的人, 這裡的環境

我就好似變成了一個導演, 指導咁佢呢個新晉演員,如何演好沙咀這齣戲

一二三四 喂, 頂埋佢啦, 一組咋

二二三四 個手hold住 ! 就算痛你都要撐落去, 如果唔係你咁樣去到PE一定比紅sir找數啊

三二三四 你下次再自己停, 我就成組唔計啦

四二三四 我已經唔計你每個動作標唔標準了, 撐埋佢 快喇

.
.
.
.
.
估唔到呢晚, 我都會刻薄地說出這些說話

這些我曾經都好討厭既說話

完後

遵君實sir之命,我先待他睡下

望住佢先翻側睡去既背影,真的有些感慨

如果我新人組, 二年級衰比君實sir的時候都選左度頸做傻事的話.

我應該都會如此下場吧...

但我無咁做到...係唔係代表我堅強左呢?

那麼 ，我變得堅強了嗎?

嗯...捱到宜家, 都算是吧.

強壯了嗎?

我摸左摸自己既老鼠仔, 的確有啊..

我變得...不同了嗎..?

......

不知呢...

我只感覺到, 頭先我兇鳩個新人果陣既內疚.

哎..明明我可以唔使咁做..

其實我大有理由, 將這一切置之不理, 其實我大可以同偉華講今晚唔使做, 然後另一邊廂同sir報話佢做左, 這樣一來,我又唔使煩, 佢又可以抖一晚

但我內心知道, 咁樣幫唔到佢

唔幫佢面對呢到既殘酷, 佢之後會死得更慘

我好明白, 任誰啱啱入黎, 都未必會積極面對, 大部分人都會抱著逃避或者消極的態度

覺得牌頭厭煩, 找數無理, 體能好巴, 步操好嚴

但這些討厭的部分, 正是這裡要求的表現

呵哈哈...

原來, 我都已經識咁諗了,就好似屌緊一年班既自己一樣呢..

其實我新人組果陣咪又一樣..俾千萬個理由自己, 俾無數個藉口自己,想逃避這些

因為沙咀的確是個困難, 是場挑戰.

唔好比佢停

可惜的是每當面對這些挑戰和困難，我們都不是那些熱血漫畫入面的主角, 不會生來就有那些逆難而上的個性和熱血的態度.

我們都不是路飛, 也不是不知放棄的鳴人

我們更加似那些毫無貢獻, 生活平常的路人和配角..

沒有主宰自己未來的能力, 從不覺得自己可以譜寫自己的劇本

我們由此至終, 都做唔到自己生命中, 理想中的那個主角

係出面既我, 都是這類的配角呢..



但這場考驗, 這就快完結的災難，的確俾左唔少提示我.

出返去後, 我能寫回自己的劇本嗎...

我望多偉華一眼, 逐自睡去

拎左走期，再算吧...

好期待肥仔見board拎走期

隔天早上, 虎sir踢倉

雖然佢份毯唔算太好, 但都勉強過到虎sir果關, 只不過係body mark check既時候

佢體無完膚, 佈滿傷痕的裸體真的讓人望著都覺得唔妥...

望向那些誇張嚴重的傷痕, 我總覺得自己內心的某塊不斷地被敲打著

更令我不忿的是, 虎sir真的是如常地繼續body mark check, 仿佛佢身上的傷只不過是水印紋身, 不值一提.

當然, 我亦正常地報返了佢夜晚係倉點點點, 大致上都係一啲好話, 費事佢岩岩返黎就再被虎sir找數.

回到大棚後, 我對君實sir亦是如此稟報.

「同sir報, 個新人都算正常..無乜特別, 體能琴晚都幫佢操曬..都算合作既...」

「誒? 度完頸之後就咁乖轉曬性? 之前志豪話佢會講埋啲求情,逃避既說話, 話佢好串, 仲唔做添, 琴晚真係無乜嘢?」
君實sir說

「同sir報真係無...反而佢身上有...好多淤青...」
我不禁, 說出一個試探的問題

「哦..果啲佢自己攞黎既, 虎sir踢倉body mark check果陣有無講嘢?」

「同sir報無...」

「咁就無嘢啦..仲有無嘢報啊? 無既, 你陪佢訓埋今日呢晚, 聽日就可以返黎喇.」

「Yes sir, Thank you sir.」
我帶上面具, 乖巧地回應

自己都顧唔掂, 仲顧人地咁多做乜啊...

真傻..

回到洗衣後, 再見回志豪, 而眼中只有厭惡

佢先開了口
「點嘛你? 陪左佢一日, 有無領教過佢份人點閪法啊?」

「都唔算好閪姐佢.」

「呵, 佢開頭係咁扮嘢嫁啦, 今晚就會係咁求你, 乞你叫你唔好幫佢操體能嫁啦. 信我啦, 好快你就會聽到一句, 不如我俾錢你, 你唔好搞我之類乜乜乜. 」

「今晚再睇下咯.」

反正, 係我眼中既志豪都係衰人一個, 唔值得信

然後去到夜晚, 返入倉內


想不到我真的聽到了



「不如...不如我俾錢你啊, 你唔好咁對我....」
氣踹噓噓的偉華, 真的說出了這句.

....是嗎....呵呵

我還是學不會看人啊...

比錢

比錢

痴撚線仲未知自己咩環境真係二世組

比錢

痴撚線仲未知自己咩環境真係二世組

祖，自膠

比錢

痴撚線仲未知自己咩環境真係二世組

仲閪過閪佬天

佢先開了口
「點嘛你? 陪左佢一日, 有無領教過佢份人點閪法啊?」

「都唔算好閪姐佢.」

「呵, 佢開頭係咁扮嘢嫁啦, 今晚就會係咁求你, 乞你叫你唔好幫佢操體能嫁啦. 信我啦, 好快你就會聽到一句, 不如我俾錢你, 你唔好搞我之類乜乜乜. 」

「今晚再睇下咯.」

反正, 係我眼中既志豪都係衰人一個, 唔值得信

然後去到夜晚, 返入倉內


想不到我真的聽到了



「不如...不如我俾錢你啊, 你唔好咁對我....」
氣踹噓噓的偉華, 真的說出了這句.

....是嗎....呵呵

我還是學不會看人啊...

幾錢先

比錢

痴撚線仲未知自己咩環境真係二世組

仲閪過閪佬天

呢招大陸坐監真係 work 呀
莫講話唔使做體能，俾錢放人都得呀
我聽過判16年俾錢搞兩年半就出翻黎

唔知王一智升左班未呢

「不如...不如我俾錢你啊, 你唔好唔出文....」

仲未識死 報比呀sir聽找佢老味

睇到呢到只想講一句快啲去仆街死