[少年監獄] 感受沙咀 Thank you sir Thank you sir

肥衡，我想問打數4,7,9都係叫thank you sir thank you sir, 咁點分辨到？同埋打到四十幾係咪又唔講得？

唔使分辨㗎喇

四十一 都可以講 尾數唔比

出文未 學童

肥衡，我想問打數4,7,9都係叫thank you sir thank you sir, 咁點分辨到？同埋打到四十幾係咪又唔講得？

唔使分辨㗎喇

四十一 都可以講 尾數唔比

即係thank you sir 41, thank you sir 42，thank you sir 43，thank you sir thank you sir

隔離RC係咪都有J, S, YA team

隔離RC係咪都有J, S, YA team

唔知

好喇 一於今晚出一篇啦

夜訓的鳥兒們

好喇 一於今晚出一篇啦

夜訓的鳥兒們

「喔..喔 ..師兄你好..」

呃..點解我硬係覺得唔自然既？

「唉算喇，唔使專登同我找招呼，好怪.」

「B座 ！ 靜坐開始！ 全部人同我手擺大脾腰挺直，坐半個屎忽，唔好俾我見到你瞌眼訓啊！」

好耐無聽到虎sir宣布的靜坐開始了，我們自然閉上嘴在倉內靜坐，但係真係好耐無試過咁正經維持靜坐的姿勢諗嘢了，比著平時係C2的我，我一早舒舒服服地挨在牆上，訓覺又好，諗嘢又好， 反正在我眼中，這個時段是可以逃過阿sir檢查的

但係，眼前有個一年班係到，我無理由唔做個好榜樣俾佢吧？

好彩我都唔眼訓，無諗住叫佢幫我睇水然後自己去瞌一瞌眼訓

噠....噠



虎sir充滿威嚴地巡到我們倉前了

這時候的我們，自然繼續眼往前，做戲做到足，就算感受到虎sir的眼光正在掃射我們， 我們都要忍住，不能望過去

「誒，肥衡，今晚好好睇住佢喇」這句說話在空蕩的B座走廊內響起，我當然知道是邊個問的

我立即回應虎sir
「Yes sir ！」

「嗯，仲有你啊，唔好吊完條頸就當乜事都無啊.你依家唔係我既人，我就無資格去教你姐， 但係你試下繼續咁逃避啊，大把阿sir可以俾顏色你睇啊. 」
虎sir隨即向對面的偉華發砲

「Sor..sorry sir ！」偉華慌張地回應，仍未進入狀態

虎sir毫不留情，繼續罵道
「Sor.Sor.Sor.sorry sir . 黎左咁多日嘢講嘢都係唔識講！你最好繼續咪撚變，繼續做返你果個廢柴既自己呀！你連點樣自殺都唔識啊柒頭！ 你仲有咩嘢用！ 哼，今晚幫佢操步操既mark time 同十組體能任選，如果佢唔做，照樣話返俾我同君實sir聽.哼.」

「Yes sir ！」
我倆一起應機後，虎sir便離開倉前，B座再次恢復平靜

我則開始傷腦筋了

哎呀呀，到底應該點教佢呢？

唔知仲有無文呢

靜坐完畢，自然係磨鞋開始

我一邊教佢報嘢，磨鞋，一邊和佢寒暄起來，

原來佢仲讀緊書，無撈黑,而且屋企都尚算有錢，老豆唔知邊到有開廠咁，諗住畢業之後靠父幹就算，難怪佢個人硬係俾我一種吊兒郎當既感覺，因為佢的確係一個小康之家的二世祖

另外佢今年就18歲喇，但就衰啲咩冒充公職人員罪，簡單啲講就係冒警，佢就話佢同班fd一時貪玩，用app話自己係警察跟住諗住呃人課金俾佢，賺人地點數，點知到交收果日就真係出事

「你屋企咁有錢仲要呃人錢？」

「咁我....唉..真係貪玩啊嘛..」

嗯...雖然都係衰得on9左啲，但都算未on9得過我，所以這方面，我亦不多說了

不過

「咁你做乜要自殺？ 新人組果陣好難捱咩？」
我自當地問出了我想知的問題

「......」
好似被我的問題擊中了一般，佢沈默不答

但係如果你咁都答唔到我，我點幫你？
「喂，答我喇，做撚左傻事，唔使認啊？ 唔使怕同我講， 我同你之前個培訓唔同.」

我語氣加重了少少，我想逼佢面對返呢到既殘酷

「我度頸...係因為..」
佢眼眶微紅，道出那時我曾經都係咁覺得既感受

「 係因為我真係覺得好辛苦...個個都對我好差..日日都找我數..出到去出面又係咁，返到倉入面都係咁，仲要係咁被人針對...我..」

「嗯..咁你有無同阿sir講啊果陣？」我忍住對佢淚水既可憐,問

「有，我新人組果陣有同虎sir報過話培訓蝦我，但係虎sir都係找左我地兩個既數就算，然後佢夜晚就更加...」
哎..這絕對係搵錯阿sir報了, 但事情已過..

「嗯...咁算啦，之前啲嘢再講落去都無意思，加上你又已經揹左簙，以後既日子...你預左要難捱嫁啦..」

「嗯..咁師兄你呢？你黎左幾耐喇？」

「你叫我衡仔得喇，黎左啊...差唔多四個半月了」
想不到我都有日會咁樣答新人

「哇咁耐喇？咁咪就走得？ 你就好啦..」佢面露羨慕的神情,仿佛我真的是一個沙咀精英

「未必既，我都未知自己會唔會食檸檬，而且呢個地方，邊有嘢係一定既呢..」
我微微歎氣道

其實, 呢個世界又有咩嘢係一定既呢..?

「但點都好過我啊， 我...」
講下講下，佢又情緒低落左

好彩當日有人提肥衡揾啱阿sir報

好彩當日有人提肥衡揾啱阿sir報

肥仔真係好好彩，有個好既recall教佢

沙咀精英

「唔好咁頹喇，我依家咪係到教你嘢咯，你俾心機記住我教你既嘢，咁你之後既日子應該唔會衰得去邊既...前提係你真係要改變一下.」

「嗯....多謝你啊，衡仔」
突然一個衷心的多謝，讓我措手不及

「呃...唔使..我三年班黎嫁嘛.」
我唔好意思地開始窒機,於是立即隨便問多句

「咁,咁你體能果啲呢? 有無好好做啊 ? 」

「我有做啊..」
喔..? 這句聽落我又唔覺得佢講得好堅定...
不過, 磨完鞋自然就會見真章.

「今晚都會有體能練, 你都有聽虎sir講啦..」

「好, 我會比心機.」
...? !

「我又唔係阿sir, 你對住我講呢啲做乜姐.」

「喔..好」

磨鞋結束收鞋油,

期間佢要報既嘢都無報錯到, 睇黎佢個腦都算係醒目果類啊...
我開始唔明, 點解佢會俾人針對,搞到啲阿sir一開始唔中意佢

於是, 開始進入戲玉.

由於要做體能, 會出汗, 所以著住一件長袖睡衣同短袖內衣唔係幾好, 一濕就會濕兩件

於是我叫佢除左件睡衣再做

誰知佢一除將睡衣, 我立即察覺唔妥
「哇...你個手咩事啊 ?」

我第一眼,便看見了佢雙手手臂上有幾塊和幾條大小不一的淤青

真係少見, 因為呢到既阿sir通常都唔會打呢啲位.

「點黎嫁..呢啲傷 ?」
我不禁擔心問句, 但心內已經開始心酸起來

留名睇蘇志豪仆街

「點黎嫁..呢啲傷 ?」
我不禁擔心問句, 但心內已經開始心酸起來

「新人組果陣被虎sir... 」

「但點解係呢啲形狀既? 沙咀應該無藤條嫁?」
其中有幾條長條形淤痕,引起我好奇, 莫非沙咀呢到仲有其他兵器我唔知?

「虎sir果次比我激到太嬲...所以佢用皮帶加果支伸縮棍..」
我恍然大悟 ! 原來皮帶都可以用上,再加埋支打狗棒..怎會不傷..

「其實仲有好多位都有嫁...你想唔想睇下..?」
仲有!?

「好啊..俾我望下...」
我皺起眉頭說道..內心忐忑不安...

然後..偉華佢除低左件內衣..

本應赤裸, 皮膚圓滑的十八歲年輕人的肌膚, 已經被鋪上了大大小小, 形狀不一的淤青和傷痕.

有拳打的, 有腳踢的 , 有木板找的, 也有皮帶抽的.......

簡直係體無完膚, 傷痕累累

這痛心的畫面, 讓我不忍直視...

我下意識覺得, 造成這些傷痕的人, 咁樣對人的人, 不對吧.

「仲..仲有其他位.. 」
佢展現了已經被打至紅透的手掌, 和淤青左既腳板.

乸高埋褲腳, 原來佢小腿都已經遭了殃,一條條的淤痕如紋身般印在了上面

扯落埋個褲頭, 我先第一次知道咩叫做屎忽開花

一大片紅中帶紫的印記, 印在了他的屁股肉位上, 望到都覺得痛..

「好喇好喇...著返衫..飲啖水先..」

這觸目驚心的畫面, 我不想再看..

這場景完完全全,顛覆了我心中那班阿sir的好人形象...他們怎會讓這些事發生...

不過...現在我只能做的, 就是幫他吧..

live

「你都..幾堅強啊...」
我實在想不出什麼安慰說話了.

「邊有啊...如果唔係我就唔會度頸啦...」

「都係既...不過你撐到宜家, 人都返左黎, 比心機捱埋佢啦...講真, 你一年班既時候做好啲, 俾阿sir佢地見到你既改變既話, 佢地之後會對返你好好嫁..」
這也的確是事實, 因為我就係個例子

「係唔係真嫁..? 但我體能步操真係好渣...」

「我呃你有錢收咩, 我岩岩入黎果陣咪又同你一樣, 乜都唔掂, 但你肯努力既, 阿sir佢地一定見到既...最緊要既係, 你一定要變.」
說完這句,我都不禁有所感觸, 想不到那時候武傑鼓勵我既說話, 我會係呢個時候講返出黎

「嗯.. 」
佢聽完後, 默默低下頭

也是呢..沒人喜歡辛苦的道路對吧...

但在這裡, 這條路卻是唯一的出路

我嚴肅地問
「你想係呢到生存, 就唯有逼自己挨, 你唔挨, 我講幾多都無用, 你都係照舊落山俾阿sir找,俾其他蝦, 你係唔係想咁?」

「我唔想..!」
總算, 我聽到佢一句堅定的答復了

「好..飲多幾啖水, 準備操吧..先由mark time 開始.」
.
.
.
.

「left, left , left right left .....」
噠噠...噠..
「個手夾大力啲, 上身唔好傾前個身就唔會郁黎郁去嫁啦.」
噠噠...噠..
「腳尖落地, 眼望前方, 嗯就係咁...」
噠噠...噠..
.
.
.
努力的時間，是苦悶的

係咪因為畀人打完
傷咗痛到做唔好體能
咁咪惡性循環嚟