日本WH - 過得最唔似「我」既一年

書面語問題都係我另一個諗法
呢個我而家睇漫畫同睇劇進修緊
不過應該好難搞

同佢好耐冇再傾計
希望下次進步返啲又搵佢練習

以前第一次去長野學雪係個日本妹英文系大學生
個到出世既人滑雪真係超級勁

Keep住聯絡仲會傾啲咩話題嫁？

請繼續update

lm +u

想識樓主

有冇比日本仔溝

lm支持

好認同 我以前學日文三年再加日資頭三四年 我都仲係用緊香港腦去諗 唔知大家會唔會講英文果時都係個腦諗左要點講先 聽到英文既時候都係個腦到翻譯返中文先 係好自然係個腦到會進行一個咁既程序 所以果時就算有機會間唔時要用日文 我都唔敢話自己可以用日文閒聊 （雖然返工唔係每日用得著 因為黎得做野既日本人都講到英文 仲要email都係簡單日常野佢地就會英文）

最後進步左既原因係
1） 同公司內&總公司既日本人熟左傾多左計
（我仲好記得當初同總公司條友熟到佢打黎我聽左但我話我好急尿轉頭返黎call佢 返到埋位打返比佢係15分鐘後 佢話我嘘つき(大話精） うんこしたでしょ(去左屙屎下嘛）

2）用日文同人text傾計
我一開頭啲日文都係正正經經 わたしは辣椒蟹です。よろしくお願いいたします。咁
後尾傾傾下就學到好多口語用字 ワロタ（笑左） 我到依家都仲記得係當初第一次用日文同人text 既時候果條友用左 我記到依家 因為查完發現一定用得著就記左入腦
仲有日本都會有好多潮語 我自己對果啲係會有興趣 例如早兩三年？好興講既「蛙化したわ」 我都會特登去查咩意思
後期因為知道好多呢啲奇怪潮語 仲有啲日本朋友唔識我就用日文解釋返比佢地聽同細個嘅時候一樣咪話如果你教到同學一條數嘅話就代表你已經好熟果條數點玩既 一樣做法

3）單槍匹馬去左WH無即時應對唔得
好多都係壓力逼出黎 自己又比較內向唔敢主動講野 但人地同我講野既時候如果我無反應/唔識反應既話咪好快斷話題 一路咁諗 所以我就算聽唔明都會比へーほんま？ ウソ之類既反應 起碼show左比日本人睇我對佢地話題既興趣先

4） 後期成日同日本人傾電話
話題唔係成日都有 最簡單我今日食左咩啊 都要識我食既野既日文點講 例如食壽司 なんの寿司食べたの？ 比人咁問既時候你咪數返比人聽囉 再加返自己少少感想 你可能會發現喂屌有啲字唔識 咁你咪話それ日本語でなんだっけ、ちょっと待って調べるわ(唉屌日文點講呢 你等等我查下先）

中トロ食べたよ！脂肪多いけどマジ柔らかい （食左中拖羅，雖然好肥但食落真係好柔軟）

サバも食べたけど、やっばり寿司じゃなくて朝食の方がいいわ（食左鯖魚，但都係覺得比起壽司 出現係早餐既鯖魚好食啲）

用既字唔係好深 文法都係N3程度 N2都唔洗就傾到計 事在人為

但當自己開始熟開始真係用到出黎既時候 就會突然發現自己真係會無左「翻譯」呢個步驟 直接就對答到

勁

分享下我去日本第一份工抄既小本本
雖然去之前已經N1 加 接觸日文既機會比大家多
但好多字都係會唔識 唔緊要架聽到見到唔識咪去問去查 再得閒碌返小本本 有一日就識拎黎同人講架啦



我去WH得到既就係呢一堆弱智詞彙啦 睇落全部都好簡單好普通係咪 但原來就係我用日文用左咁多年都唔識既字
特別係我第一份工做執房 先發現我連床單被單既日文都唔識 都係前輩逐個指住黎同我講呢個叫シーツ　呢個叫デュべ
呢個叫コース　（後面兩個都係被單 鬼知佢地唔同樣又唔同叫法）

所以日本同事日日都見我一路同佢地傾計有時會拎電話出黎寫低再問佢地咩意思 佢地久而久之就知我雖然同佢地傾到計始終都係好多單字會唔識 佢地會好用心咁用簡單既字解釋比我聽
有個好處就係 簡單極佢都係要用日文解釋 咁咪可以學埋其他字　或者可以知道佢地係點睇果樣野囉
例如當初前輩同我講コース既時候 佢話ネットとヒモ付いてるやつって覚えってて
唔識既時候ヒモって何？ 佢都會諗其他字形容佢 ヒモって、ロープとかいろんな糸結んでる長いやつ
當佢解釋比你聽又咁岩果啲字你又識喎咁就恭喜你啦
就算唔懂都學多左兩個字 ヒモ即係有啲似ロープ 仲要係好多既いと綁埋一齊 關連返我地果時講緊床單 諗多少少就明

講左好多自己心路歷程 希望幫到大家

樓主覺得N1去到當地local生活 夠唔夠用

被袋係ゴース　打漏左點點變左コース COURSE
讀音都係好常犯錯 KO同GO特別係講得快果陣

我覺得我唔可以作準既原因係我比起一般自學日文/出去上堂既人多好多真係「用」日文既機會 無論要對話定係EMAIL 所以我既N1係夠哂 但普通憑上堂/自學 但日常無用開既人可能都係要D時間適應下
好多人都係識聽唔識覆 或者好多字佢都識但文法唔夠熟 或者日本人講得婉轉既時候會唔明佢地講咩 講講下點解一半就停左etc.
好多都係要用同要浸返黎
當然好多人係有睇開動畫/日綜日劇 呢種人一路有浸住係日文既世界度 就算無n1可能都仲順利係日本生活到 n1太多字同文法係日常用唔上

所以我先會話考左n1唔覺得係代表左d乜野

我記起了 屋企人黎左既時候我帶左佢地去著和服+周圍影相 一直影到綠色圍欄同重建告示牌諗住其他都整番好先上城睇

睇咩漫畫先真係建議要學既話睇番D貼地D 同埋真係想浸日文既話最推介係日綜 好多資訊性既節目例如月曜介紹下文化 仲有イッテQ　開個VPN睇TVer每星期一集大量日文字幕同埋佢地講野就係真正日本人既對話

如果有需要我都唔介意同大家用日文口語text傾計感受下我咁尻既日文都可以生活到

日本好多小朋友6 7歲已經滑到識飛 做滑雪場果時經常見到同一班小朋友好羨慕人地既童年

無啊都係好普通閒聊 因為我好懶覆 對面都係睇timing 得閒就秒覆咁 通常都傾下依家份工點點點 去左邊個新地方啊有咩推介啊 舊同事既話都係舊公司有咩八卦又分享下 約下食飯 分享下自己生活咁
我係分享慾同八卦心都比較強既人 同埋就算斷左半年無聯絡我見到可能果面地震都會關心下又繼續聯絡番咁

hello 識左了你好

戀愛相關未講到 再等下 憑呢個速度唔知幾時先開始講到

支持樓主
睇到樓主分享，就回憶返自己10幾年前去日本WH經歷，好懷念

覆得太多其他野唔記得左自己日記打到邊
食左蓮藕(れんこん<<有漢字,但通常寫平假名) 果碗野叫れんこんの煮物 會加味醂(みりん）用高湯煲+其他蔬菜, 每一份仲有幾粒好似魚腐咁既物體(上面有相)
晚餐之後去左浸溫泉 咁岩奈奈都係呢個時間黎食飯 所以等埋一齊去溫泉
第一次同識但唔太熟既人坦誠相見我內心是很尷尬的 但因為佢除完衫都無拎毛巾入去我都廢時咁扭捏....大家沖完涼一齊坐左係露天風呂面對面傾計 我對眼係唔知放係邊好同埋都仲係好尷尬我成個人摺埋左加繞手擋胸

因為我沖涼沖得快d同浸唔慣好快就浸到個人好熱 奈奈叫我走先 (佢唔同我一齊行返上宿舍) 之後就滾番宿舍 攤左個零鍾發現隔離好L熱鬧 我心諗唔通咁岩奈奈就住我隔離仲要佢地玩緊鬼ごっこ 摺摺仔表示好羨慕但我又無理由依家去敲門加入 更何況我又唔知隔離係咪真係奈奈 同係咪真係鬼ごっこ 唔係咪好尷尬 默默聽住咁熱鬧既吵鬧聲一路感嘆日本d樓既牆真係好薄一路訓教

返工第4日了工作上無乜特別好講 愈黎愈熟手 真係唔記得就問 唔好覺得自己應該岩既就得始終新手同外國人同事們都會理解既 食lunch果時奈奈今日又來了 仲要特登問我今日累唔累 要唔要去散下步 （ちょっと慣れたかな？一緒に散歩しにいかない？）
小天使咁樣問到緊係要去 (重申非gay)

應成左之後 食埋飯就出左員工入口外面既樓梯等 原來係因為前輩+Y君+G叔都係出面坐緊 (有兩條友要食煙（タバコを吸う) 重度煙剷) 奈奈突然問起我食唔食雪糕（アイス）我話我無帶銀包 因為番工無LOCKER我就咁拎電話同耳機鎖匙番工
原本以為佢會話借錢比我 點知佢話無料だよ 大丈夫(唔緊要係免費架~)
跟住G叔拎左一抽入湯手形出黎話今日有客用唔哂成抽塞左比佢 每個淨返一格(一個手形有3格 除左用黎浸溫泉之外 仲可以換小食/小禮品) 所以我地可以用果幾個牌既一格黎食雪糕

入湯手形可以換野？！仲可以換d咩？印象中官網好似冇寫



另外，請加油/速

繼續周圍行下去到いこい旅館 佢出面放左一籃溫泉水烚蛋盛惠50円一粒
一路淋住蒸住熟得透透的


但食落礦物(鐵鏽)味好重 隔離仲有個兜兜放住一小包一小包既鹽自取
(無錯我連50円都無 奈奈請左我食)
太熱食唔到 佢仲比錢加左個膠袋比我拎住慢慢食 我仲剝緊殼既時候佢地已經食哂


隔離仲有足湯 不過無浸到