日本WH - 過得最唔似「我」既一年

樓主沉船故事呢

樓主去左邊

樓豬呢

因為第二朝仲要番工  應該差唔多12點就散左band番到宿舍無耐a醬突然打比我話前輩唔記得左問我聽朝得唔得閒送佢 我緊係話ok~ 跟住佢就開始潤我啦

A醬:其實經過頭先聽完哂d故事之後我覺得前輩好過Y君喎 你唔考慮下前輩咩
佢頭先仲要問左你得唔得閒去 之後先問我架

我:因為我係佢第一個直屬後輩姐唔好諗咁多


之後第二朝去番公司門口送前輩走 比佢點名影左張得兩個人既合照 佢仲要特登企高我一級

無計張相會暴露太多野 cut 淨咁多

睇返張相之後即刻實名話佢唔應該



拜拜完佢返到公司發現我又被人調返落一樓 仲要係同Y君兩個人

唔記得左講 前輩走之前幾日有兩個後生sporty既日本仔入左黎做 一個係一睇就覺得佢大隻既但同我差唔多高 一個係修長內向少少既 就叫大隻仔同內向仔啦
咁佢兩個都係前輩教出黎既 我一開頭唔知有新同事諗住去搵前輩傾計既時候 我係房門口見到佢地三個人係度執緊房  事關我都係摺摺子諗住即刻默默地離開既時候比前輩發現左 叫我同人打招呼 之後佢兩個諗住行出黎我打完個招呼一路躹躬一路跑走左 聽到前輩係後面笑到仆街

食飯果時又撞到佢三個 前輩即刻走埋黎笑住話我無禮貌唔同人地打齊招呼 我話我係外國人我唔識呢d架~

跟住傾傾下發現兩個新同事都係外國留學 係拎獎學金既足球體肓特招生 本身覺得好respect
但後尾發現兩個都係屁孩

第一次見現實版呆毛

樓主終於得閒出文希望唔好爛尾

之前前輩唔係想溝A醬定奈奈咩？
點解無啦啦叫你考慮前輩咁

我覺得佢想溝A醬 但可能A醬本人無覺得不過聽返A醬講過佢地既對話都係淨係約過去行山果次 同埋打電話同a醬講佢會一早出發叫我地去見最後一面果次

同Y君part左幾日 番工影形不離 食飯又係一齊食執房又一齊執 佢有時要去做最後check間房o唔ok果個 我都會拎埋個コロコロ(痴塵果種碌碌)一齊去check

有日放工走果時見到佢係員工出入口果度食緊煙 佢見到我出黎就話確かにこの前の写真まだもらってなかったっけ（係喎之前同前輩一齊影果d相你好似未send比我） 我就襯機話そうだそうだ、ラインで送ろうか？ラインもらっていい？（啊咁不如交換個LINE我sd返比你啦） (呢個時候緊係唔會話air drop咁蠢)

所以我同佢係認識左一個半月打後先交換line的 果一晚就sd相開始chat啦

但不得不說 隔住個mon覺得佢講野係好kick 不過果時好似係我第一次同現實識既日本男仔line chat 所以震驚之餘我都好似好冷靜咁覆左佢……
但摺摺子+a0的me即刻有d卻步



呢度要我翻譯我會覺得有d尷尬 真係睇唔明再逐少問吧

沉船現場

以前成日聽人講日本人好注重私隱點點點
但其實係咪已經年代唔同左
睇d youtuber係日本周圍影相拍片都無人理
好多連打格都唔打

Y君fuckboy feel，唔怪得樓主會沉船

交換完line就開始左日日傾計 但過左幾日返工發現又比人調走左 佢留係一樓同內向仔一齊 我就掉左上三樓同A醬+大隻仔一齊 咁岩我第一日去三樓就係A醬放假果日
所以得我同大隻仔兩個人做野 (唔知大家記唔記得以前A醬係同G叔一齊做三樓, 因為跟蹤事件之後A醬直接同左經理大叔講有件咁既事希望可以唔再同G叔同一層樓. 大叔都有特登安排返)

因為有時我果面d野早做完會去A醬果層幫手大家一齊早d收工 所以同大隻仔都有傾過下計不至於好老尷 但都係第一次兩個人單獨相處我係乜都無講的

不過大隻仔係好charm果種外國style 把口仲要勁直

唔記得係第一次同佢單獨相處既時候發生定再之後
佢有問過我：日本人とやったことある？　(有無試過同日本人?)
我:　ないよ(無)
佢:　え、Yくんとも？(? Y君都無?）
我話緊係無
佢:　遊ぶって興味ないの　(無興趣玩下)
我:　別に、彼氏じゃないとやりたくないって感じ (無乜興趣同男朋友以外既人玩)
佢:　俺はどう？(咁我呢)
我:　結構です(不用了)
佢:　蟹ちゃんピュアっすね(蟹ちゃん好純咁喎)
我:　いや、日本人適当すぎたじゃないかいこれ(唔係囉係日本人太隨便)

可能一直都覺得佢就係小朋友
所以個腦完全不動如山 講咩都無影響到我


佢:　香港のキスどんな感じ？（香港既kiss 係點）
我:　全世界一緒でしょ（應該全世界都一樣）
佢:　えー、しなかったらわからんけど（下，唔試下唔知喎）
我:　私もわからないから説明できない（我都唔知 解釋唔到比你聽）
佢:　まじで？やってみる？（認真咩？試下？）
我:　

Anyway
之前有講過Y君係高中係做投手 所以傾計有叫過佢教我投球
同大隻仔傾計又有提起我地之前會揸車去棒球場打下波 佢又好似好有興趣咁
所以我就問左Y君可唔可以車埋大隻仔+內向仔一齊過去玩

因為Y君係K car 大隻仔+內向仔一齊坐後排睇落勁逼 印象好深刻
佢地仲自己帶埋足球去練波～專業既係唔同d 佢地訓練完之後我地就4個一齊打棒球⚾️打波呢日天氣勁好又涼爽
係太曬 唔係好睇到個咁細個波

我揀左個最唔洗跑既位XD 擊球手嘿嘿

如果比著我 係熟D既就
そっかそっか、私もいつか見ようかなー

加敬語就
ほんとうですか、見たくなりましたねｗ

感覺上真係無以前咁誇張~ 睇返日本d reels d人路過見到拍片仲會自己揮下手
care既人都仲係好care不過自己覺得唔係文化問題 該尊重既私隱都係應該繼續尊重的

唔覺意Live左

支持樓主，而家應該講到3X 日? 即係淨返少過一個月stay

你話要儲錢移民去日本
其實移民日本要幾錢？
以你而家狀況你覺得你仲要幾耐先實行到？

咁同y君有冇一齊啫

感謝樓豬

多謝樓主分享，睇得出好用心寫嘅post

幾時再出

加甜唔該

打完棒球之後就去左食 之前同埋前輩Y君諗住去食但無開果間餐廳今次有開了

拉麵都好似7,800円果d平民餐廳~ 呢個唔介紹了唔係d咩值得特登去 純粹落街食個飯咁既地方 好死唔死去到得返和式位要除鞋盤腳坐 好彩我無腳臭姐（應該）

我呢set係一千円左右


兩個年輕人根本唔缺錢 據我所知大隻仔係日本tictok 係200k follower 先做左半年左右已經有試過月入20萬円 前排同佢聯絡仲係穩步上升緊 雖然我都有諗住跟埋一齊搞但都係無呢個恆心 所以呢餐係後生仔們請的

食完又去一去超市就返去了～ 因為我一早都帶埋衫諗住返公司浸埋返行返宿舍 所以就同後生仔一齊係男子寮度落 落車閂左門之後大隻仔就搭住我肩頭一路行一路問我做咩唔叫Y君送你返上宿舍一齊多一陣
我：哎～我要去沖涼先嘛廢時又要人送黎送去
大隻仔： 你出聲Y君實肯既我覺得
我： 哈哈唔知呢 走先啦拜拜拜（心諗屌好熟咩先識左一星期就搭膊頭 男女授受不親）

前輩走左之後係day 45打後嚕 真係就黎完 不過Y君既故事就係呢兩個星期發展