日本WH - 過得最唔似「我」既一年

我好似係一雙>一幸舍>>>SHINSHIN
但其實原來我無特別鍾意豚骨拉麵 同埋佢地經常係幼麵底

多謝你 雖然係我更新得最緩慢既時候先黎入坑哈哈

我乜都無查連有單車都唔知
係咪地鐵站一出黎就租定都係搭巴士去到糸島先開始踩

記得你好一開頭已經有係呢個post你出發左我都仲未寫到第2份工

我都有帶朱印帳去架 唔知點解去到睇d御朱印全部都無乜feel 去旅行果時儲得仲多
你呢兩個月咩行程啊咁

但你租左屋再去旅行咪好浪費 定你係去左東北一個月先返大阪住
一個人去又未開始返工既話可能會有d寂寞

淋完雨之後返到博多見到之後成個星期都仲係會落雨 即刻買返把遮


係博多巴士站果棟大廈除左daiso仲有game centre依家d景品都出得幾靚

仲有好多扭蛋機同比大家幫自己個推打卡影相既位


仲有係櫻井神社求既大吉 但比我揸皺到咁


Day4
目的地係太宰府 除左因為佢係景點之外仲碌到D櫻花好似都唔錯
不過因為唔想咁早出門 巴士班次又唔算少所以龜速食完早餐又龜速搵左個午餐食
一開頭係諗住晨早流流食一雙無咁多人排 點知....

排隊排到轉埋彎啊屌

周圍都好多人連麥當當都要排隊仲坐爆哂


係地鐵個商場地下搵左間無人排隊既烏冬


食完就明點解無人排隊
天婦羅好油好淋 個飯好爛 個烏冬都係泡水泡到發左勁粗(本身以為係特別既粗烏冬)
我對食已經唔係好挑但呢間真係一路食一路係個腦度後悔

之後就去左博多巴士總站搭車去太宰府了
行去神社既路上見到傳說中果個starbucks 出名在佢係日籍建築師「隈研吾」設計既(我唔識佢) 由2000條木頭組成但無用過一粒釘~

千辛萬苦去到本殿個人已經好累 搭巴士坐得唔舒服又眼訓又淋完雨 入到去又勁多人 連御朱印同御守果d都無乜心情睇9影下相就繼續行





但去到發現都係得幾棵櫻花 上網查返先發現太宰府係睇梅花多…. 要櫻花既話係上竈門神社先岩 呢個名係咪好熟呢 無錯啦雖然作者無親口講 但佢已經變左做鬼滅fans既聖地
原因1: 作者吾峠呼世晴 出身就係福岡縣
原因2: 同主角個姓氏一樣
原因3: 呢個神社既修行者服裝係「市松模樣」（方格紋）

Anyway為左睇櫻花就諗住行去竈門神社 係太宰府搵左個出口見到個好似千與千尋一開頭同屋企人揸車去到果種隧道口


出左去轉右上斜行行下就有一小片櫻花樹




點知由太宰府出發行左好~耐好~耐既上斜路都未行到竈門 最後放棄左行返落去搭巴士上神社…..

擺錯左張相添 頭先有粒石果個都係竈門神社的
所以d人話佢係聖地其一原因都係有鬼滅一開頭見到炭治郎錆兔果舊巨石

有經常帶相機出去影 又有時係電話既相 所以D相好參差

竈門神社御朱印帳

之後又落返表參道掃下街
講到太宰府點少得梅ヶ枝餅（うめがえもち） かさの家150YEN/1 (好似唔同店都係呢個價錢)



佢係用年糕包住紅豆餡 因為年糕真係無調味得米香 整體上同個甜甜地既紅豆餡balance返唔會誇張甜 (我唔係好鍾意食超甜既小食 值得信賴) 但涼左真係唔好食 個年糕口感爭好遠 岩岩出爐個皮係仲有d脆脆地既時候食係最好食
現場仲睇到佢係點整出黎 仲有位坐低慢慢食


行到差唔多返到地鐵站見到有d醬油烤餅咁既物體又唔小心抵抗唔到誘惑



麻麻地 但口感好神奇 睇落以為係脆餅或者零食咁一咬就ザクザク 點知佢又係好似浸左成舊都係醬酒燒焦左有d黏口果種 總之好神奇
題外話 講起咬落去以為佢係ザクザク 大家都知唔同口感咬落去係唔同聲
例如薄脆既炸物例如春卷/脆又有d空氣感既仙貝就係パリパリ
可樂餅/kitkat/厚d既仙貝會用サクサク 再硬少少/強調就會用ザクザク

仲有呢堆

租比外國人一定要租1年以上
好彩都係港紙$4000左右/月
諗住當迷你倉放下行李
或者有fd去開大阪就比佢地住
係啊應該得頭一兩個禮拜覺得自由
之後就會空虛寂寞凍

係筑前前原站一出， 係間糸島市觀光協會入面租

啱啱一個月 上個月頭到
喺東京市中心行嚟行去
去咗迪士尼 睇咗yoasobi 演唱會
去咗富士山 日光 高尾山八王子
早幾日去咗秩父夜祭
好充實
去咗好多神社儲印仔

唔係，係個客寫錯字
快適(かいてき)
敵(てき)

樓主有冇食過元氣一杯?
個人覺得好食過一雙

次次都係臨瞓之前睇，搞到好鬼肚餓

好好睇樓主加油！

無啊 mark低下次有機會去福崗試下先無做攻略好似miss左好多野

特定職業(要講好多野個D)嘅人好鍾意
普通人就唔係好知

次次經過久留米大炮都要行快兩步
個種豬騷味真係唔啱口味

連續淋雨淋左兩日個人無精神做其他野 呢日又係尻尻下係附近行算
去到日本就會好想食燒肉 個人又大食所以想搵個燒肉放題 但又好多要兩位以上先接待 好難得比我搵到一個人都可以既任食燒肉 質素唔係推薦 純粹滿足哂我食肉既慾望又唔算好貴 我記得平日lunch time埋單唔洗3千円~

焼肉食べ放題 NIKULAB 博多筑紫口店
https://tabelog.com/fukuoka/A4001/A400101/40047216/




食完就去左行商場 見到PARCO有anime同jump
見到自己幾鍾意果套BL唔g有無人識呢 d歌幾好聽

一直都好respect日本既押し活 尊重各位宅宅帶亞克力啊公仔去旅行既想法design左好多野出黎方便我地雖然我無買到 真係無位無帶公仔過黎

jump shop唔同分店有唔同紀念印仔


仲心癮起 好想去夾下公仔就滾左去round1 蒲下 我記得呢度唔洗4千円

呢種勾勾唔小心一下就出左

plan去睇櫻花

去! 最快2月就有河津櫻 不過係有少少唔同品種唔同樣





夜晚都係有lightup

呢個位邊度嚟打算二月中去睇