日本WH - 過得最唔似「我」既一年

捉到你無追post我係絲

真係無
香港女仔去混浴好大膽下
係咪啲色夠深先敢浸？

追哂~好睇
你最後返左幾多個月
人工點計?時薪?
工作時間係返9點,做哂野就放LUNCH,
LUNCH後就唔洗再返去做野?
咁都幾好做,見你張工卡每日都收2-3PM
每日都好多FREE TIME做自己野

D日本仔咁矮,見到你高過170CM都唔敢J你啦

好奇一問唔識可以做咩

驚鬼好似同社恐無關係 社恐係怕social

講起one piece咁要整返首老歌先
https://youtu.be/wykx9MzjL-8?si=QJMp8fkjrO0-moN6

略略係草原奔跑左一圈又行埋手信 又上返車去下一站阿蘇站 附近既Usopp銅像


之後去附近既温泉夢の湯浸浸 因為前輩對温泉好熱愛 基本上我地會去既温泉都係佢揀的
入場400円 佢另外有家庭湯 一間房1500円一個鐘


𣎴過始終係車站附近既温泉 露天果度唔知點解個心覺得好唔安全 但意外地無聽到中文 我以為黎到車站附近會聽到 反而好多外國女backpacker黎抖下沖下涼咁

同隔離男子組約左1個半鐘後等 因為成日同奈奈一齊浸都知佢沖涼係有幾慢 我都開始放慢左自己速度慢慢沖慢慢浸 同奈奈差唔多時間去更衣室 「脱衣場(だついじょう）」
（因為有好多個池 我地唔會次次痴埋一齊）
換完衫佢仲要搽哩搽路頭髮又厚搞好耐 出去揾前輩G叔先又好尷尬諗住坐係更衣室禁下電話等佢 為左以示我無偷拍嫌疑我係放平左係大脾度禁 點知都係比清潔姐姐話no phone please 除左我個樣生得唔似日本人外應該得外國人會係温泉更衣室禁電話
Anyway 一出黎已經見到前輩同G叔坐左係沙發閉目養神 我靜悄悄出黎靜悄悄去買奶飲係度諗緊買原味定咖啡既時候 前輩突然過左黎話推薦呢個原味（オリジナルのがオススメだよ) 所以我就默默地買左

Sor 我想話我係唔敢敲其他人門問一樓個澡堂用唔用得

AAA D歌係幾正，特別係初期 宇野仲未唱爛聲之前

笑死 以為應該叫ワンナイツ

特別得佢同西島兩個唱就明顯弱左好多 以前一齊唱都會有感染力同存在感好多
https://youtu.be/SEJl5UMzOis?si=ZslMBPmX3oEjQx9J

好多T同D都係讀ト　
Dessert　デザート
Ground　グラウンド

但甜品既sweetスイーツ係用ツ

日本女仔去浸我都覺得佢地好大膽
我地去果個係透明少少乳白色 但好大蒸氣若隱若現咁
所以我聽到聲即刻走 怕了怕了

好佩服樓主嘅勇氣同對日本嘅愛
我自問冇呢個勇氣去感受日本嘅職場文化

黑川返左兩個月 本身contract傾好的
計時薪所以要mark timecard再比大叔簽名
lunch之後未夠三點就去執定聽日啲野等到三點走
但問題係我大把時間但無車 周圍又無乜野行 都係係宿舍做毒撚

170都唔小既 但可惜我過左170想揾過高過我既追下都無

工廠有台妹同事做過pilot筆廠裝彈弓
或者旅遊景點專門對應外國人 流利廣東話普通話英文都贏左好多大陸/台灣人
同埋亞馬遜出貨位/運輸 都有聽過
仲有旅館既廚房助手 淨切菜擺碟清潔等等都唔洗太識日文

浸完又舒舒服服咁走返上車 咁岩Y君都放工約埋一齊食飯
本身有間佢地話食過好食既餐廳係黑川附近 點知無開(小店小到GOOGLE同食べログ都好多年無update過 係一堆住宅入面)
因為天都黑埋 最後求其入左間仲有開門既類似居酒屋既餐廳(求其到我搵唔番佢係邊間)
仲要和式要除鞋盤腳坐 佢個炸雞係幾好食 炒面普通


食完出番黎個天黑透哂但都係見到巧多星星鍾意睇星既人係唔會抵抗到日本鄉村既魅力 每一晚行行下隨便抬頭望都望到


柒到喊 頭先覆錯post

リゾバ
中文算唔算以工換宿 ？

唔算 因為正常有糧出(over最低時薪有d仲幾好pay) 又有包飯食
因為台灣大陸同我地都無乜呢種工 你當佢係resort炒散咁

打工換宿我諗泛指無糧出或者好少錢 淨係provide你地方住既工 但打工換宿入職要求就會低d 日本都會有架~曾經我都有諗過

カタカナ真心難過ひらがな
啲英文讀左咁耐正音要讀meh好難
讀嘅時候有啲似啲人講meh廣東話當普通話咁好怪feel

黑川Day12
都係放假二連休[にれんきゅう］夜晚約埋成班人開P

呢日A醬都放假所以一齊周圍行下
因為約左兩點先出所以又煮左個意粉食飽飽先 仲有前幾日超市買返黎既豊後牛

明太子牛肉意粉

煲得一個 碟都無隻 可以咁樣又意粉又肉覺得自己好叻

咁樣尻行就係學日文既好時機 最緊要係不恥下問
蒲公英 タンポポ個名勁可愛
a醬見到蒲公英仲叫我貓低試下吹 吹完佢即刻禿左我有一下覺得有啲殘忍 但a醬話咁樣就幫左佢地播種 黎緊可能因為吹既呢一下附近會多左好多蒲公英
PS佢提醒吹果時唔好靠太近 可能會吸哂入鼻

かきのき　柿の木　かき除左柿之外仲有蠔既意思



今次手形唔係拎黎食雪糕了 去左換香蕉smoothie バナナスモージー 係日本我覺得好似係得啲蕉無特別好食



https://youtu.be/UOVoQ6_Eqi0?si=3tNv2sKHjfZKTFDI
今次呢首應該無乜人會識了

歩道の隅で強く元気に揺れるタンポポは
誰かに植えられたんじゃなく
舞い降りたこの場所で咲こうと決めた花

其實聽歌學日文都係個好選擇 幫自己鐘意既歌釋中文歌詞
或者記左佢個中文意思 一路唱一路就背左唔少字入腦
特別係漢字既讀音

追到live留名


日文除咗綜藝之外推介如果有N3以上程度可以睇日文YouTuber, 唔使個個字明晒識笑嘅話都已經好唔錯