日本WH - 過得最唔似「我」既一年

初雪係十二月初 要雪景應該要十二月中後到一月初咁 佢凍得黎唔落雪好多冰地 不過都係要睇返果年個天氣預報穩陣啲

有啲我認係走馬看花朝早到夜晚就走咁 因為一開始真係太想去哂
我前排search 果時見到IT可以零經驗入職佢搞簽證加有研修 諗緊要唔要試下

零經驗都得咁嚴重
日本搞乜

我本身係乜都好易緊張乜都做好最懷打算既人
抱住一個真係好唔開心就番香港既心去 所以好多野可能諗得太複雜同好恐怖
但我無後悔 同到依家都仲好珍惜呢一年既回憶

本地人唔做 係睇現時學生選科情況已經預測到未來IT就業缺口只會愈黎愈大
同埋日本都係比較著重
佢只能全方面支援吸引外國人過去 不過亦都有d係零經驗去要研修三個月(無糧出) 之後仲要寫明要做最少三年之類 好多唔同既條件 所以其實都唔係好好做

如果係宿舍澡堂既話雖然無實際影過相但上面有分享過
我依家講到既所有同事都係炒散 執房既長工得各位姨姨
因為本身識日文 唔想有機會用日文之外既語言所以無考慮過城市

當年要3-4個人一間房
逼埋逼埋 但可以得閒吹下水

我揾工果時覺得女應該係少啲要夾房 最多都係二人房
不過我要求最少要可以自己一間房所以agent無比過要合宿既我揀

黑川番工Day 4晚 又係差唔多時間落返去食飯
晚餐係茄子（なす）天婦羅同傻仔沙律
唔記得左講除左白飯任裝之外飯堂姨姨有番工既話都會有麵豉湯（みそしる）飲 其實幾豐富幾好食的

記唔記前幾日買左士多啤梨 用左佢黎誘惑奈奈黎我房玩 一齊睇電視
間房無台無櫈只能坐地下 同埋確認左佢唔係我隔離房了 究竟隔離房係邊個呢
PS唔係地下污糟 我入住果時已經發現佢好多花左凹左

踢波嗰度好撚青春

黑川番工Day5
奈奈放假 我同前輩雙依為命 佢有禮貌地問過我要唔要散步 事關真係太尷尬太社恐我拒絕左 食完飯執埋野即刻頭也不回狗衝返宿舍

晚餐係咖哩豬扒飯(カツカレー) 本身自己好鍾意食辣 所以日式咖喱我係唔太好 但因為加左好多野菜 d水份入左咖喱度令佢變左有好天然既蔬菜甜味（野菜の甘み） 　
＊吊出蔬菜既鮮甜=野菜の甘みが引き立つ（ひきたつ）
好好食 (不過係辣既更好)


食食下突然有兩個女入左黎 一個後生(A醬) 一個年紀大d (S姨姨) 飯堂姨姨同佢地講隨便坐就得 跟住佢地就坐左係我隔離
A醬係個睇落好斯文好靜既女孩子 食飯條腰坐到直一直 食一啖就放低筷子同碗 咬完之後先再拎起碗再食一啖咁
事關我又係唔見得氣氛尷尬既人 忍唔住問佢地有無帶野黎沖涼 因為宿舍澡堂果度好凍無乜人用 佢地話READY好哂但唔知溫泉係邊 我即刻話我食完飯都會去 咁等埋您地一齊去
傾左一陣我問左前輩一個日文既問題唔記得左係咩 好似問醃蘿蔔(たくわん）既日文叫咩或者之類既問題(果時我D日文好雞發音都係唔好同好多野唔識)
佢地突然就問起我係邊度人同埋欣賞我真係抄左好多NOTES
就係咁我地就3個人去左浸溫泉 又要同多兩個第一次既人坦誠相見
浸完之後請左兩位食雪糕好爽個身暖笠笠咁食雪糕果下

真係回到17歲咁

非gay但les

負皮你 女孩子既友誼你唔明架啦

浸完換衫吹頭果時講起沖完涼舒舒服服行返宿舍好累好地獄 仲要驚行到出汗
A醬突然間話: 我揸車黎架 一間坐我車返去咪唔洗行
我即刻兩眼發光話哎也~唔係咁好既第一日就阻住你(YES我好虛偽)
佢話緊係ok 當答謝我帶左佢去澡堂
我:それじゃ乗らせていただきまーす (咁我就恭敬不如從命啦)
*呢d時候帶d佻皮既語氣講敬語 對方都會聽得舒服同埋知我係真心感激得黎又唔會凝重

第六日就迎來左我既第一次放假了 好彩之前跟左大叔接送巴出城買過下d食材可以自己煮下飯 (休日公司唔包飯, 但其實只係主菜唔預, 白飯同台面上既都係任食 但食堂姨姨見到我明明應該放假但又突然出現有可能會講 仲要得我一個外國人好難認唔出)
我係意粉狂魔 好似係南瓜蕃茄醬 之前食溫泉烚蛋果時奈奈幫我拎左一包仔鹽但我果時無用到~ 拎左番黎煮飯用仲要係岩鹽




得一個細煲勁痛苦 碗碟杯都無 個煲同木筷子係宿舍以前d人留低
公司特登留起左澡堂隔離間房放雜物同d人搬走果時唔要但有用既野 e.g.煲 衣架 洗潔精淋浴露洗衣粉呢d大件/重唔想既日常野
所以我呢份工初始洗費好少 淨係去左買零食同麵果d
仲買左飯素 雖然唔知幾時用得著 可能有機會偷d白飯番黎放自己雪櫃? 但叮飯又要落返宿舍一樓

前輩比拒絕應該好傷心

樓主好大方 突然請人食野

哈哈唔好意思，係想知後生日本同事係鄉下做炒散嘅原因

機舖唔係開到唔之夜晚幾點後會中風營法咩

銭湯係公共衛生施設，唔會（唔可以）限制唔俾紋身佬入
スーパー銭湯係娯楽施設就多數都唔俾（商業決定），最近多咗可以一張膠布內遮得晒嘅size俾你貼住入

日本IT要人呢個真係好真，之前搵工都見唔少係請外國人做IT嘅job opening 係冇寫到要求要識日文，但做IT以外嘅話全部都要求識日文
簡單咁諗你目標係定居日本而又真係對IT有興趣想入行嘅，其實呢條路都可以值得考慮，即使去到第二個國家，都係一樣會冇邊行/工係一定好好做，辛酸點都會有，最緊要份行業/工係適合自己或自己想做姐
見你講到走馬看花式咁去都道府県，一年咁樣真係會好chur，而且人生流流長又真係鐘意日本嘅，點解唔試下長期留喺日本咁再慢慢去呢？

其實我都唔知我對IT係咪都係有興趣 純粹係覺得自己鐘意學野 同以前用excel果時發現自己好鐘意研究砌表 所以覺得應該會適合 同埋想可以多時間wfh買架大車周圍去都仲可以繼續揾錢可能諗得太天真但有夢想先有衝勁
巴打會唔會繼續留係日本？

感激補充！！睇返的確係 但如果係商場入面既話會有例外