日本WH - 過得最唔似「我」既一年

後生日本同事 有學生係放長假想去其他縣玩
有岩岩畢業就活失敗揾啲工過渡下順便短期旅行
因為日本好大佢地都會想試下其他縣生活

前輩係大阪仔 佢係諗住リゾバ制霸47縣之後先返去揾正職
仲有唔少人係唔想留係屋企/同屋企人關係唔好/想試下自己住，本身就住係熊本揾返熊本既リゾバ返

同埋佢地英文都唔好得去邊 反而都市リゾバ有寫明要外語既未必會請佢地

好睇 g支

留名學日文豆知識

如果冇咩其他嘅考慮，真係可以去馬喎
巴打你係有車牌？感覺揸車咁制霸嘅成功率會高好多
其實買架車咁車中泊+周圍去呢個玩法我都有諗過，但窮就冇實現了
繼唔繼續留喺日本呢個問題，諗住過多幾個月先再諗

黑川Day7
呢朝一出門口嚇我一跳. 出面濕到仙境咁 好彩日光日白, 如果再暗D我可能會淆底... 好似d撞野既橋段比人整左去異空間咁


lunch係唐揚げ＋吞拿魚意粉沙律(我望住張相自己都諗左陣 我究竟食左啲咩 啲意粉睇落好似雞皮）
出面寧寧舍舍見到4個透明啫喱係因為有人無食飯盒阿姨第2日就會拎出黎放枱面睇下有無人食

咁岩同S姨同A醬一齊收工 佢地話諗住一齊係附近行一圈 返左幾日工都仲未係度行過
A醬仲勁認真去拎左張紙地圖一路望住一路散步 聽聞G叔比左幾個手形A醬 所以我又有份食免費雪糕啦~





係商店集中地突然有間好似神社咁既物體 好多人會將用完既手形掛上去 但因為黑川有全制霸既獎勵 如果有想法去拎呢個獎既話就要自己KEEP好d牌牌啦 拎獎果時佢係要數你牌牌上面既印架


唔記得講 因為我一直都未申請電話卡 本身係香港淨係買左15日既數據卡過黎 所以有兩日我係出街完全無數據用 要返宿舍/公司先有wifi上網 都唔係好敢周圍走
最後問左前輩同奈奈我可唔可以買野寄宿舍之後即刻amazon買左張數據卡續命....

有啊 諗起yen依家咁平我仲要轉行，去到份糧縮左好多
無乜信心可以自己交租交水電煤生活 想儲多啲錢先有啲底氣去雖然再過多兩年先再諗既話我可能又無勇氣去

本來睇このすば
但有啲字太奇特
雖然睇得幾開心
所以而家睇doraemon 同斎木楠雄
巴打有冇好介紹
另外都想搵純文字
真係學一句句咁讀寫
漫畫好睇但唔完整句子

得幾粒嘢煉奶都冇支
奈奈算畀面

唔係隔離房但同棟？

手形咩嚟，可以換雪糕見下文又似神社嘢
牌牌係咩？印係上面嘅印又咩來

對上一次食雪糕有提過少少
入湯手形係黑川温泉整體二三十間旅館連當商店街既鋪頭都用得既pass 係旅館/觀光案內所買到 依家應該係1500円一個

因為佢每一個牌個size同木紋都唔同 睇返官網佢都有寫係用黑川溫泉附近既小國町南小國町伐既繪木 杉木整的
可以見到下面張圖有啲印給左係上面 係用個入湯手形去浸温泉既時候 旅館會met左後面既貼紙再給印係個牌度 證明你去左呢個温泉 每一間旅館既印都有自己既特色/logo 所以第一次去既時候都會好期待佢個印係咩樣）


後面就係咁樣有三個貼紙 紅色係温泉用 綠色係温泉或者換小禮物例如毛巾 杯 醬油碟 / 小食例如雪糕 tacos 團子 漬物等等


用完既手形上面會有三個印 啲人通常唔會帶走 就會掛係神社個位度 好似上面張相咁

但因為黑川有全制霸既活動 係要靠木牌上面既印黎數你有無去左24個露天風呂既 所以想參加就要自己keep起每一個用過既牌了下面係全制霸既奬品 十次全制霸仲有張枱
去到觀光案內仲會見到有一堆全制霸既人既名掛左係牆同counter 上面 我果時已經見有人全制霸左40幾次

黑川Day8
Lunch係野菜炒豬肉+關東煮(おでん）
日日都係食菜已經食飽飯少少就夠


奈奈邀請埋A醬一齊去踢波 我地今次分到兩車上山了 天氣超好 不過踢波係曬到睇唔到個波
最後又去左散步 (鄉村生活就係咁lol)

晚餐係燴飯(ハヤシライス)+炸物

ハヤシ係用酸酸甜甜既醬整 又係加左好多蔬菜 仲有d牛肉粒咁 d料係同咖哩飯一樣 得個汁唔同咁

天氣真係超級無敵好 一舊雲都無 行緊番宿舍已經見到滿天星空 用iPhone 尻影都影到巧多星星


肉眼睇勁清楚睇到北斗七星 (ほくとしちせい）*漢字同我地一樣的
平時睇天氣APP都會間中有星空 但第一次望出窗個天仲靚過app入面果個


果排成日聽Yuuri 既ベテルギウス 一路抬頭望星空一路行返宿舍果時唱埋出黎跟住發現奈奈同a醬都唔識呢首歌

https://youtu.be/-n790YakYKc?si=MMVMtQ57P7buPoe4

新返工既緊張完左之後啲圖開始多返

黑川Day9
便當又來了 裝左碗琴日既燴飯 雖然睇落麻麻但係幾好食 特別係右下既甜蕃薯



A醬約我去第二度浸溫泉~ 介紹返因為黑川係二三十間旅館一齊Group起黎搞旅遊點 所以我入職前已經見到福利係包括一張每間旅館都可以浸一次既pass 係一張紙有好多格格好似集印卡咁
第一次用呢張pass就去左最近黑川巴士站既夢龍膽


發現姨姨塞左比我十塊八塊既餅餅原來係旅館度賣緊 1100円16塊 咁我已經唔小心食左500円落肚...


浸完天都黑哂又可以行返去食晚餐lu 雖然係便當 不過今次有炸雞 好詭異地佢便當入面放左兩舊橙
浸完個人好頹連叮都廢事 個飯係熱既就得了

同A醬傾開計發現佢放工後係房係做剪片(動画編集どうがへんしゅう)
幫人剪tictok(ティックトック）短片果種 淨係收到稿同錄音 A醬負責上字揾相加少少特效
一分鐘既片最普通既好似二千幾円一條
youtube長啲既資訊性既片淨上字幕就千零円一條
八埋佢係用クラウドワックス黎揾呢種外快

傾傾下搞到我都的返起心肝剪下自己啲旅行片 呢個蝦餅意外地好食好似係7仔定黑川個士多買

留名
介唔介意問樓主幾歲

去果時係26 就黎27

因為你間日資located 喺香港

香港人最叻乜都話人唔得

外國人反而覺得明咪得

東京復仇者、月刊少女野崎君等等唔架空既都可以學 會實際啲～
戀愛番 輝夜姬/山田君/俺物語之類都可以，仲可以學下戀愛相關既字
食戟都唔錯，學煮法、食材、用具同形容野食既日文
再簡單啲雖然字唔係好多但chiikawa都不錯（私心）
佢地既對答都係幾現實 而且小八好有禮貌之餘聽佢講野既內容係會令人聽得好舒服
用下面呢張圖做個例子點樣用漫畫去學日文呢
呢度係講佢地三個食雪條講緊有無中獎（睇圖就會拎到呢種資訊） 係好日常自己都會發生既野


到逐句睇對白（セリフ)
1） 当たり(あたり) 中獎
あたりでろ 就係比我中獎啦 既意思
用命令形叫個奬出黎 呢種都有帶返啲日文既語感

2）なかなか出ないよね　
本身唔知咩叫なかなか既應該都會估到 ，因為見到後面係出ない同雪條棍係無中到奬。
諗下自己係呢個場面會講咩，我覺得佢應該係想話「唉成日都唔中/要中獎真係無咁易啦」之類既意思，所以會諗なかなか～ない 係無咁易/棘手既意思，或者係自己努力過但都係唔得既意思
你可以當係一個文法，因為なかなか後面就係要跟否定形。
咁樣係漫畫學到一個文法好處係，起碼你自己食雪條/抽奬果時會用到出黎。而唔係係教科書上面學完知道有，但唔知幾時用得著咁。雖然其他情況なかなか～ない都會用得著，但唔肯定既話咪用住係漫畫個場面先囉，反正佢咁樣用得都唔會錯得去邊（只限日常啲既漫畫，one piece 火影果啲有時會講緊啲唔係現代人講既句式）
其實我覺得呢種都有少少日文既「語感」係入面，即係某種場合入面會講既野之類，有啲難形容呢個
PS 最好抄低，到有時間果時上網查返係咪真係自己估岩意思

3) えっ、もしかして
都係睇圖同兔仔（うさぎ)既反應就知，藍色貓貓（ハチワレ)應該會覺得うさぎ係咪中左獎。所以用左帶少少驚訝既語氣えっ左出黎，一樣諗返如果係廣東話，我會話「唔通！！！（你中左）」 咁樣。 再去查返もしかして真係有呢個意思。 普遍文法書教もしかして通常會見到係「如果」/「倘若」 等等假設性既副詞。 係漫書呢度學到有少少估算緊結果+震驚咁用もしかして既就會有「唔通你⋯！」咁既感覺

用漫畫黎學日文會幾花時間，所以建議成句學既話用返啲簡單啲既漫畫，或者幾頁一個故事既漫畫會易學啲。

而架空或者長篇啲既，主要都係學生字、口語同少少文法。句式既話因為好多時長篇會帶多左故事同角色既特色，完句抄既話大家可能會好難判斷返日本當地人係咪真係日常有咁樣用緊，所以唔太建議。
如果係想學句式例如吐糟、或者特定情況用得著既對話等都係建議返睇綜藝

我比人話果間係日本人老細in我，全公司得三條友。
老細唔識中文英文，所以佢請人係做佢香港既翻譯同佢日本事務既助理，例如book酒店、問野、打去日本公司幫佢約人傾生意之類，所以日文程度唔夠係真係唔適合。

我面試果時的確日文唔流利，溝通到但要爆肚既話唔係好反應到。雖然話溝通到係溝通到，但始終佢果份工作上用敬語或者好聽流利既日文係好重要既部份。所以我認同佢話我日文差，但的確比佢影響到我無自信左一排仲要係當面佢仲讚我無去過留學都可以用日文交流好難得，轉個頭就同agent 講我日文唔得。唔鐘意呢種日本人既雙面

但純日文既話，絕對唔建議初學N2或以下睇小說
因為真係查字典會查到腦爆，好易就放低左。不過最近多左好多農家文，都可以學下既
我之前都有睇過轉生成史萊姆，字詞文法黎講大體上唔算好難，但因為仲要用腦翻譯佢係咩意思，我自己會享受唔到佢既劇情/幻想唔到。
App Store有得down個叫携帯小説既app入面有啲網連仲連載緊既輕小說都免費睇到免費資源


我會推薦教科書多啲，就算唔係大家的日本語，都可以睇下真係日本小朋友小學中學既教科書(不過香港可能難揾啲）比起文法書，教科書一課既主題明確啲，文法同生字都圍繞返同一個主題會易記啲
或者日文版既百科全書/歷史書，趣味性多啲，雖然都係難但起碼用詞會專業正式啲

我就除左呢啲之外都間唔中睇返啲考試用書例如下面呢種
雖然無諗住再考試，但呢種會講得詳細啲。
當然適用場合都係不明有時我會當文法書做字典咁查
同埋都係好多免費資源


新聞都可以睇，但普通日本人向既新聞會比較難
推薦一個app叫todaii 有簡單版日文仲可以聽埋佢讀 逐句停 翻譯都好方便

唔知做咩果時無意識到 以為整電話卡一定要現場交埋資料我又出唔到城好後期先整電話卡

前期一直係用網絡電話生活 不過收唔到訊息

黑川Day10
食lunch既時候發現枱面上唔知邊個拎左樽辣椒粉出黎 終於有得食辣了 由呢餐開始基本餐餐都有灑辣椒粉落去 不論係汁 炸物 麵豉湯定白飯 因為佢個粉真係唔算辣所以我灑勁多
（呢餐第一次灑 仲係好低調）


不知不覺震驚左好多日本人
有次食晚飯撞到前台同事佢仲話原來你就係傳說中好食辣果個香港人（唔好意思係我影衰香港）


咁岩影左我張簽到紙分享下
唔同既agent公司係會有唔同格式 但手寫仲要計有幾多個鐘真係好on9
第一日明明做到三點零四點 但都係寫三點 我記得係公司唔suppose有人OT 同埋量理應係兩點零就搞掂 所以除左無OT錢之外果幾十分鐘都無埋PS 官方食飯時間係得15分鐘 仲要係洗埋自己碗返番去做野 勁cheap

A chan 後生囡都唔識 優里