日本WH - 過得最唔似「我」既一年

廢事講錯野之餘 我的確係有啲唔想順佢意
同埋適應下關係唔係咁親近既日本人既對話就係咁 內裡暗藏好多意思 特別係京都人「本音と建て前」 呢樣野係我讀日文果時真係拎左幾個credit
本音: 真心話
建て前: 表面說話

仲要正正係前一日先講完前輩心動左兩下
點知就係呢日我對前輩既好感度收返哂


已經唔記得佢地詳細傾咩計 但淨係知佢地傾得好多好開心 跟住我一個人靜靜地係執邊做野

所以我追前輩既故事係無發生過架哈哈哈

但我同H妹妹既戰爭係因為佢成日講香港人さん乜乜乜香港人さん物物物
喂屌我有名你叫 咁樣無關好勝心啦掛 我係守護緊自己樽鹽

唔係講緊樓主點諗條女想點
我都覺得條女係bitch 係麻煩 係有敵意
但樓主口吻入面嘅鬥勝心 我覺得無咁嘅需要

既然條女都bitch得咁出面我都唔認輸

不得不說 我個心果個moment是幾爽的 主要係H妹妹係隔離聽住 你老未我仲唔威返比你睇

姐姐有姐姐既魅力 更何況前輩仲大我三年 佢食唔落咁嫩口掛

幻想到佢同自己朋友講我係おばさん有啲想喊
更加唔輸得

anyway 太離題 唔再討論落去
我就無惡意嘅 同埋好支持樓主繼續講多啲日本生活
如果唔啱聽當我無講過就得

Kumamon

我承認我係敏感+小氣+個腦入面會好多小劇場 所以可能係我諗得太複雜
同埋的確曾經心動過兩下所以好勝心都係有既 之後會正常番
因為我個好感度係扣分制 扣左好難先升得返
而佢同H妹妹傾得勁開心果日我大概扣左50分變左負數

不過之後同H妹妹玩唔埋既原因都係感覺佢唔係好鍾意我 所以我無強人所難 但我亦都唔諗住委屈自己

PS我真係唔介意聽真話 不過無謂討論我咁柒既經歷哈哈哈 end topic~~~

正解好似有D似又唔係好似咁 佢果兩個紅色蓋係畫龍點晴

特登開個Acc 來 LM

比著係我會答：我唔洗返，屋企人旅行當食生菜，佢地掛住我買張機票過黎就ok，再講我真係走左前輩會唔捨得

我唔得啊我講大話個樣會好心虛哈哈哈哈
平時玩身份game一抽完卡乜都未講 憑表情已經比人估到係咩陣營

woooooooow多謝你啊

支持樓主
好睇呀 加油更新！

加速

佢同agent講你日文唔得可能係想壓價遮
日本人做生意好度縮嘅

做做下野前輩走開左 H妹妹又無啦啦走埋黎話 其實你琴日睇到果架係我屋企人架車
我話 哦,係咩 有車咪好又唔洗就巴士時間先可以番屋企 仲可以幾夜都得

唔知做咩我明明無好奇過佢自己走埋黎講番 之後又END TOPIC

午餐仍然是雞皇飯+炸雞


放工A醬車埋我返宿舍果時 咁岩諗住開門果時佢傾電話 所以我等左一陣佢叫我上先開門上車
因為岩岩落完雨上車執邊好多水氹 我又唔知水氹日文叫咩 我上車就同A醬講　雨降ってたから、そと水多いね(我想話落完雨出面好多水氹 但因為唔知水氹點叫 所以我直接講
話好多水)

A醬: え？みず？　どういうこと？(?? 水? 講緊咩?)

我: んー、雨降ってたから、外小さいプールになっちゃった。(ERR...因為落完雨出面好多細pool)

A醬: プール？あー水たまりね(pool? 哦哦水氹)
水たまり=水氹

(所以我話我無乜點擔心溝通唔到XD 雖然佢地英文都唔好, 小學雞日文+指手畫腳都溝通到)

突然之間車內響起左把男聲: 水たまり？ 水たまりどうした？
我地兩個都嚇左一跳 原來係A醬頭先傾電話連左架車個藍芽但仲未CUT線 嚇到我地狂笑

跟住我笑住講:　はじめまして、蟹と申します。(初次見面我叫蟹)

A醬男朋友: はじめまして、確かに蟹さん台湾人だったっけ？(初次見面, 蟹さん係台灣人啊可)

我: ........すみません、香港人でございます。( 唔好意思, 我係香港人)

A醬男朋友: おー申し訳ございませんでした。覚えとく。(失禮哂, 我會記住架啦)

A醬: へーうそ、台湾人じゃなかったっけ。（下! 乜唔係台灣人咩)

我: 台湾人じゃなくて申し訳ございませんでした(我唔係台灣人真係對你唔住)

A醬男朋友: じゃこれからA醬のことお願いいたします。(咁之後a醬就拜託你啦)

我: まかせろ（放心交比我啦)

*雖然全敬語但大家都係搞笑語氣

Day15 既晚餐無影到 加上好大雨 返公司食飯果時都係有A醬揸車接送 黑川小天使2號
返左去之後就係宿舍毒左成晚動畫 4月緊係要睇四月は君の嘘

Then Day 16
是日主題係 G叔一個杯我地全部
因為有時旅館唔係好多客, 間唔時就會有一半staff一齊放假 詳細唔記得左邊兩三條友放連假 朝早見到更表果時G叔就同奈奈講咁不如17號晚又約去Y君宿舍飲酒開p啦 (因為通常都係奈奈做提議&召集人果個)

但突然之間奈奈同一日既午餐前收到G叔既msg話「これから一人で行動します」(依家開始我要一人行動) 呢句係原話 我第一下覺得G叔好mk

咁岩我同A醬Y君食飯時間全部一樣咁岩集合哂係食堂度　(因為暫時唔想同前輩講野 我話我去食飯先啦就狂奔上左食堂 所以前輩要等第2輪)
奈奈就同我地講左呢單野 因為食飯時間好短就約左放工去風之舍 (黑川觀光centre) 後面有間屋仔for遊客用可以抖下涼吹下水咁 去果度討論下
我要負責通知番前輩記得去果度集合 明明大家都有LINE但無乜點用 平時都係靠口同兩條腿傳訊
我同佢講今晚放工一齊去風之舍
佢: 竟然咁難得你會放工約我 唔洗同a醬一齊番宿舍咩
我: 哦sorry 未講完 奈奈同a醬同y君都會一齊去

去到講講下發現佢地話前一晚已經覺得G叔好似唔理我地 但完全無人知咩原因亦都無人得罪過佢
奈奈覺得最大既可能係近排成日落雨無約埋一齊去玩 G叔就可能搞到有d心情唔好 但明明我前一晚食飯落辣椒粉果時佢仲同我講さすが
最後奈奈覆左佢msg話咁等你想同大家一齊玩既時候再同我講啦
G叔就已讀不回左佢
(其實我有諗過關唔關A醬拒絕過交換LINE果單野事, 但都係一星期前既事了)

Anyway 因為我同佢唔係好熟所以無乜大影響 其他人都係習慣左成堆一齊玩但都唔會私下聯絡 雖然覺得有D err, 但既然佢杯左我地就算啦唔強求

lunch 係蕃薯天婦羅（さつまいもてんぷら） 同南瓜
最後決定我地3個女孩子17號放工搭A醬架車去買野飲 原來A醬黎左個幾禮拜仲要有車都無去大超市買過野

傾完就番宿舍 又要落返公司食晚餐既時候突然見到又有另一架陌生既車係宿舍門口 咁岩我地出黎果時就見到又係H妹妹係副駕駛上車 PS因為第2日佢真係放假 所以可能真係屋企人黎接佢
但我又忍唔住幻想左幾套電視劇出黎

一次過追番，好青春

朝早冇咁吸引就真

想問間公司大約幾多人

見佢行去女子寮 應該係男へんたい

乜唔係你哋知道咗G叔想搞不倫所以疏遠咗佢咩？

後勤正社員姨姨6-7個 洗衣房叔叔1個 維修叔叔1個
執房炒散應該10個左右 仲有前台正社員/炒散們
所以成日係食堂撞到唔同人 得8個位仲有時會坐爆

尾行呢條友好危險

live pish