日本WH - 過得最唔似「我」既一年

有關於在留卡住址登記詳情唔記得太清楚 但只要confirm左自己公司既宿舍地址可以for住址登錄就無問題
可以搵工果時同定agent講, 佢幫你同公司溝通果時會幫你問埋我呢度係比左地址佢之後, 佢用電腦查一查發現係公司宿舍 就同我re-confirm公司名同要我比番房號佢
市役所即刻打電話返公司確認你係咪真係員工 果面覆番就搞掂
發現果時太多野要搞又好緊張乜都無影相

搞掂哂之後阿叔又車我返公司 佢話可能要17點半左右先會有晚餐出黎 我番到去係16點幾 咁無理由行上行落累到仆街番去櫈都未坐暖又落番公司食飯
所以係附近行下睇下有無野買睇下附近有咩鋪頭先返去食飯
黑川中心部集中哂d鋪頭仔係中間黃色圈圈度

點解我會覺得呢度無乜外國人呢
因為呢度d鋪大部份都係唔開火水木曜日 如果main做遊客生意都唔會揀連續三日唔開 當然溫泉區大家都好少會出去食晚餐 所以就算餐廳都係開到14點~15點 連我放工想出去食餐好既都無 仲要官網一直都淨係會更新日文版 包括溫泉開放時間&休日資訊&地圖所以係大量遊客經常摸門釘

食左個頹飯之後就死死氣行番屋企 因為4月初天氣仲係凍得幾度 慢慢行番去又唔係好辛苦 但問題係勁早天黑食完飯先18點幾已經黑均哂 仲要無乜燈 條路變左咁樣…

我仲要係去緊眼前最黑既地方
行到呢個位忍唔住要打比朋友一路傾電話一路行上去

好好睇

寫到呢度仲係剛到埗黑川温泉工都未開始返
返到房之後諗住拎埋啲換洗衣頭同洗頭水淋浴露落去沖涼

當我感嘆緊自己準備充足既時候發現我又缺左樣野——拖鞋
事關要落到一樓 雖然唔係無人打掃過但亦都唔乾淨 完全接受唔到赤腳落去 唯有接受自己笠返住對波鞋落去沖

點知去到浴堂門口一開門發現漆黑一遍 但望時間又真係開放緊 條街都黑到咁 何況乜燈都無開既澡堂
係門口諗左陣之後 社恐如我只能打道回府
千祈唔好誤會 我係無放棄沖涼架返到去姑且都閂實窗簾房門係個洗手盤到洗左個頭 同盡力洗埋個身
好彩朝早搭巴士前沖左涼

好睇

無獨立浴室?

樓主心理陰影面積好大，咁都記得咁耐既事

樓主 每次幾句就 想點

無 得宿舍個大浴場同遲啲會講既公司温泉

真係好記得夜媽媽行返宿舍果種淆底同累

努力改善 習慣左

混合寮係咪一齊用個浴場?

混合寮離公司同女子寮都好～遠 但果邊有獨立浴室仲有浴缸不過係二人三人房

好拉 gchi 你

事關係第一日返工 大叔琴日叫我返朝早8點 平時係返9點 第一次用員工入口入去 去到office大叔講左平時返工要去睇一張紙 寫住大家果日係負責邊層 同埋第二日邊個day off
之後就將我交低左比一個姨姨 佢就帶左我落自己果層既後勤房教野主要就係睇返新一日既住宿名單 睇下要帶幾多套新既床單過去 入到房首先就拆哂啲床單被袋>換新既>抹櫃枱櫈窗etc >吸塵>拖地


本身對自己日文都唔擔心 但發現我真係太天真
老人家+方言雙重buff搞到我都淨係聽得明啲重要字眼
得兩個人既時候佢除左教野又唔主動講野 又搞到我好緊張想揾野講但唔知講咩好

姨姨仲要問我做咩著波鞋 乾唔乾淨 我一臉問號
話唔算乾淨 一路出門都係著呢對 佢先同我講返原來入公司果一下已經要換鞋 但大叔明明見到我波鞋都無講

本身心諗死啦唔通全日就係同姨姨一齊做 我咪悶死
好彩9點就有另一個差唔多年紀既日本男仔返左黎

出快d

呢個男仔我稱佢為前輩 一入門就感受到佢應該係關西果面既人 果種charm同sporty既感覺係有啲明顯 加埋個造型 同埋一開口成口「関西弁」以前都有接觸過下関西弁 但聽年輕關西仔講係第一次 覺得語氣聽落好惡

真係落房開始執啦 前輩一路做一路教 佢係一個好仔細「細かい(こまかい)」既人
床單「シーツ」要攝到四四方方 起角 唔準皺皮「シワシワ(皺)」
同一張床我攝左幾次佢先比我過骨 完全無新手保護期　仲要佢唔接受果時係講「あかん(唔得）」
聽落真係惡到一個點 搞到一開頭唔係好鐘意佢

原來我地係完哂大部份野先食午飯 正常大概係兩點左右 食完飯返去準備聽日食野 三點左右就放工

但第一日因為前輩太執着 我地做到三點幾都未走得 其他層既人都黎左幫手個個都係乜都無講自己拎住啲架生幫手做 例如「拭き掃除(ふきそうじ)」 或者拎左個「モッブ(地拖）」過黎幫我地拖埋
我心諗molamola我第一形象已經插哂水返唔到轉頭黎緊應該會好難捱

最後終於搞完前輩先帶我去食飯 原來枱面啲小菜之外每人係仲有份主菜係茶櫃入面 所以原來我前一晚第一餐係食少左份主菜
呢餐係意粉蕃薯沙律+天婦羅
而餐具係飯堂姨姨一早執好左一套比我
放左係個大櫃度 每人有個膠箱入住 箱上面有寫名 全世界都係日文漢字得我係英文 目測全公司得我一個外國人 應該算係計劃成功吧
 

係咪唔識日文就唔會搵到工，面試機會都無

係咪多數廿中去？廿尾好少？

認識既台妹都係廿頭 我算中尾 自己覺得爭幾年唔爭好多

Nono 肯揾返大城市既話都會揾到 例如機場parttime

巴打原先係香港有穩定工作？
點解會鼓起勇氣去WH?
做呢d工假期如何？

其實唔使驚啊，你係女仔就話啫，男仔嘅話係呢啲鬼影都唔多個嘅地方仲安全過半夜係東京大阪行

穩定工作 做左差唔多五年 後尾因為啲野辭職又咁岩見到日本working holiday重開返 即刻決定去
想請假會請到 但問題係荒山野嶺自己又無車 請左都無地方好去 黑川呢份通常係返三四日休一日

機鋪都係最多旅客心齋橋新宿池袋果啲都幾多外國人做架
不過係普通PT唔包食宿同人工麻麻 通常係係果面讀緊書既外國人返