日本WH - 過得最唔似「我」既一年

我行返女子寮啵不過反而我真係驚野生動物同驚鬼變態佬都算啦起碼跑多兩步就返到宿舍求救

好羨慕你你當時apply WH之前有冇考日文？

N1加以前做日資 同日本人打開交道

去過好多大大小小既機鋪都唔見有外國人staff
都係得便利店先有

樓主幾勁，單拖仲要去鄉下地方返工

一二樓係夾公仔機果種會有 夾公仔area 好多台灣/大陸/印尼 樓上都會間中有幾個你咁講又好似真係機鋪少左外國人 最好都係旅行果時望下email問下安全啲

由學日文果一刻已經覺得自己一定要用 要試下全日文生活同埋去旅行都係鐘意鄉下 唔鐘意人多

雖然我果層房唔係好多 但因為係地下果層所以好多大房 基本每間兩張床之餘仲有廳位係for 大group客用 仲有兩間係全店最高級有私人風呂(係咪應該會有人好關心 我做野果段時間 個私人風呂係真係每次都會抽乾水再洗池先再入水的 不過係第2個部門負責)
佢地食飯既時候會有同事上房幫佢地鋪床 所以朝早係果d都要全拆再換過哂d床單被單
以前一直都係做文職 雖然覺得自己都叫有做過下運動舉下鐵咁 但番左一日已經周身酸痛 行到番屋企即刻訓低左係地下完全唔想郁 (未沖涼成身汗唔想上床)
意志力亦都堅持唔到去行番公司浸溫泉 唯有六點夠鐘即刻鼓起勇氣去一樓澡堂沖涼
事關去沖涼無locker驚會唔見野所以無帶電話落去無影過相 上網執d相返黎拼拼湊湊比大家感受下先
一打開門入面真係全黑 仲隱約聽到滴水聲
滴...滴....


入到去終於搵到燈開左之後都係得咁光 仲要無得鎖門我都好驚有其他人衝入黎

圖 from 地獄錢湯(steam恐怖驚)

除哂之後就去入最入面沖涼位了 當時大概2度 石+木製既澡堂凍到仆街
入面當然唔係下面張圖咁光猛 亮度同上面差唔多

仲有兩個花灑位係執邊 但可能一直無乜人用 浴池入面是無水的...放得水黎我都沖完上去訓教 所以都係花灑快d沖完快d走

温泉（おんせん） << 日本有「温泉法」管轄, 法律上定義既溫泉需要係地底涌上黎既蒸氣/熱水/含礦物質既水並符合一公升泉水內，至少含有溫泉法指定礦物質元素中既任何一種, 例如遊離炭酸, 氫離子, 氟離子(講成分我是唔識的) 成份未及溫泉標準既公眾澡堂都叫銭湯

銭湯（せんとう）<< 最平最大眾最舊, 得基本設施

スーパー銭湯 << 類似spa, 高級d乾淨d 設施多d例如桑拿,機鋪, 餐廳, 漫畫同好舒服既櫈

之前去過大阪嗰個空座溫泉 係咪屬於下面嗰隻

好似好伏

大阪空庭溫泉係~ 不過都仲係會有機會有人造泉水 池附近/更衣室都會有d牌寫明成份的
入到場想分返d水係溫泉定人造 通常可以睇返佢叫溫泉定係風呂

真 但發現9成既住客都無係一樓沖過
會沖既人都係黎m唔想去溫泉就會係樓下沖完就算

黎緊9月都去大阪WH打算去到再搵工
而家心情帶啲期待但又好多野擔心
好驚日文太差搵唔到工，又好驚識唔到fd
之前見到有シール貼り バイト 唔知好唔好做

大阪會多D民宿 你可以搵下會唔會有機會打工換宿再+シール貼り バイト 咁經濟壓力會再少D 但如果自己期待日本生活既話 建議搵d可以同到日本人傾計既職場 例如燒肉店/便利店/酒店業/觀光景點賣店staff之類 淨係記某d日文就可以做到 外國人staff都會多d有咩同個客溝通唔到都可以叫番日本人出黎處理
我認識既シール貼り有d似工廠妹 一唔係就成箱寄去你屋企痴完再寄返比佢果種媽媽バイト

好睇👍🏻

返番上房直接刷牙洗臉就訓左 又迎黎第2日既地獄
起身已經覺得舉高隻手都好累 腰腿都好酸 因為主要係和式房好多野都係係地下要跪係度整(我有試過整埋一堆坐係度整 比姨姨同前輩話d客路過會睇到唔比我盤腳坐低)
作為香港人平時真係無乜點跪過 搞到膝頭哥都好痛 但鬼叫自己揀左做執房咩 死死地氣帶埋對涼鞋番工(大家返工都係換拖鞋スリッパ) 但我未買到拖鞋 得對keen 主要係入房要除鞋除下著下咁涼鞋都係方便過波鞋 用員工入口入去就見到一大個極度殘舊既櫃 門都就黎要散架果種殘 一打開見到大量既膠鞋 好似就黎要風化果種
熟能生巧 整床單被單都進步左好多 之後比人分配左去吸塵 因為拭き掃除仲要負責埋還原間房 所以前輩自己負責番 吸吸下塵發現我係呢段時間好自由 決定帶耳機返去聽電台
逢木,日曜 飯堂姨姨放假我地主菜會變左便當 仲發現日本人都會叮便當（チンする）因為連白飯都無 第一日帶我果個姨姨仲塞左包麵同團子比我驚我唔夠飽

右下角係啫哩 無留意連埋一齊拎左去叮

想問下樓主，如何如果只能日歸（3個鐘 最多半日），不留宿，黑川溫泉值唔值得去？

右下角係啫哩 無留意連埋一齊拎左去叮

笑左

睇你係邊頭, 如果會經過例如由布院去阿蘇 或者係阿蘇周邊我覺得可以去黑川浸溫泉 入湯手形1500yen浸3次 可以唔同旅館用 我到依家都係覺得好抵 你可以上佢官網睇佢d溫泉 有靚景係山上面既 有洞穴既 亦都有普通山林既 大部份露天但泉質黎講 我係唔太熟 但有研究開自稱pro既日本朋友話由布院泉質比較好
撞正ライトアップ活動建議等埋佢著燈影相 氛圍幾好

如果無諗住浸溫泉係唔太值得特登去, 無乜特產同條街唔算多鋪頭, 想搵野食都無 有時間慢活先好去

唔該樓主，我會住熊本，8月25日自駕阿蘇山（希望唔會地震同埋火山爆發），下午未有安排，但天氣咁熱應該唔會浸溫泉，我决定今次唔去了謝謝🙏

咁岩我上年係黑川果時 阿蘇都係爆發警戒期好似仲上過4級 大灰同停左直升機一排勁擔心 成日睇新聞
如果可以去既話3個鐘我推薦推薦大觀峰
離阿蘇草千里唔算遠 揸車應該45分鐘左右 雖然係山路但幾好揸 個景都係好靚同埋有滑翔傘 記得食あか牛丼＆馬刺し　名物

點解決性生活問題?

始終有男有女 聽閒有地方就有得搞決 例如車

LM