日本WH - 過得最唔似「我」既一年

我7月尾出發 8月中先返黎 去左半個月日本 依家個人都未回到魂

返工好似拖屍咁

係呀, 太旺所以都無去東京大板
唔識日文所以真心唔敢亂講
有次去連鎖店食早餐, 一坐低店員就一輪嘴日文講成分鐘, 到我哋用英文同佢講係香港人, 佢又再用英文問多次我哋真係唔係日本人？嗰樣仲好不能置信

好問題 唔係好記得 不過有時d麵就係佢比我的

我都好掛住日本既超市同拉麵 返到香港淨係返工返屋企街都無興趣出

羨慕我可能個樣太閪 佢地一開頭會以為我係煩9外國人

好多時驚嘥咗人時間做成困擾, 尤其有人龍嘅情況
睇咗你嗰po, 多謝你推動咗我要的起心肝學日文
起碼學到簡單溝通level

20kg!?
應該好多人會想問點減到

第二份工郁動得多要拎重野仲要暴走樓梯 淨係食早午餐兩點打後唔食野淨飲水
第三份雖然食得好開心但每日返十個鐘訓教都無乜時間
就咁就瘦左第一份工淨係來回宿舍行上行落都無左7KG
不過第四份有食返番黎少少

好想睇故

感謝連仔救命之恩
爭啲諗住del account要爛左條尾去

Day24
Lunch 南瓜可樂餅(日文叫咩啊各位) 真係好鍾意食
仲有樽辣椒粉不知不覺間又FILL到6成滿


我地一樓客房望出去既景~

做做下野前輩突然問起放工要唔要一齊去買銅鑼燒(之前同H妹妹鬥氣果時咪提起過黑川有間好多人排既店既) 因為果間どらどら一星期淨係開兩日仲要賣完即止 通常3點零已經收鋪 唔係早放工都趕唔切去 所以前輩見到呢日應該早走到就即刻講要去買 我問埋a醬奈奈之後拉左大隊一齊去買


買走上左a醬架車食 第一個係吉士醬カスタード



仲要買緊既時候突然聞到一陣勁L香既甜品味 順住d味就去到呢間 就順便試埋一直都覺得好香既シュークリーム 岩岩出爐無得輸

食完就去左新明館浸溫泉了 傳說中既洞穴溫泉



除完衫入去坐底先發現 我地可以直接望到對面樓手信店既窗d人人來人往 如果我望到佢地=佢地望到我地
所以最後都淨係去左一次就夠 有d驚


晚餐係莫名其妙既唔知咩酸汁煮春卷 仲要老時常出現 係真係唔好食 唔知阿姨諗咩先創造到佢出黎
我通常都會分左出去Y君前輩好樂意接收一切食唔哂既野

Day25 都係春卷 但呢餐就係正常炸既


成個星期返到宿舍就會睇東卍 咁岩前一日睇完 前輩就問我有無睇過 我都嚇左一跳點解佢會知我有睇 跟住佢話：蟹ちゃん腐女子だから興味ありそうで （因為蟹ちゃん係腐女所以估你會有興趣）

Ummmm 的確我一路睇一路J緊各種Cp 傾傾下發現我同佢睇動漫既口味是幾似的

大八卦來了
放工果時我照舊係員工通道口等a醬放工 就係坐左係呢條樓梯度 平時大家食煙都係呢個位 影呢張相係因為突然嚇親 以為佢寫屍箱（簡體字）


平時前輩都係會返宿舍先 呢日反常地坐係度同我傾左好耐計 講下頭先未講完既動畫又學左個日文 佢問我會唔會一齊去睇東卍「実写版（じっぢゃばん）」 我一開頭唔知原來係真人化既意思 聽佢講話戲院就快上畫啦先get 到

又講起佢之前放假去左邊個温泉 問佢其他行程去邊佢話佢係行き当たりばったりなタイプ
我果時又聽唔明 但聽佢講とりあえず温泉向かって行って、あんまりプランしてない
就大概估到佢係話自己無特別計劃，見步行步果種 就咁傾傾下又學左兩粒日文啦 不過呢個唔係重點

重點係最後等到a醬放工出到黎前輩突然問佢28號係咪放假 我即刻豎起耳仔聽佢地講 大概就係前輩覺得佢地28號會一齊放假 想約一齊去行山

雖則知道佢兩個都係鐘意行山既人 同埋A醬有男朋友
但我八卦既心完全撲唔熄 A醬話可能自己28號無假呢 我即刻心諗哎也前輩無機啦 點知前輩：とりあえずラインとか交換しようか。休みだったら行けるから（無論如何交換左個line 先？如果你都放假就可以一齊去）

我心諗wooooww前輩有長進！！！
同埋 唔怪得佢頭先有問過我係咪等緊A醬啦

減到20kg好癲wo, 想問原先大約係幾 kg? (唔想答可無視)

A醬係咪好靚女咁多人溝
同埋佢地好似識左好耐 點解仲未交換line
香港人既話可能第一日已經加哂WhatsApp group

佢唔係一睇就靚女果種 但白白滑滑個樣好襟睇又有氣質
同埋佢好元氣又識揾話題 又好似知心大姐姐咁
有時又有少少無厘頭果種好萌
我都好鐘意佢何況仔仔

幾時再有H妹妹