日本WH - 過得最唔似「我」既一年

LM

終於有時間追返
原來樓主係同Y君

留名

忍唔住想覆返句 件事仲未完！！！！！

葡萄樓主可以同日本人拍拖

感謝絲打

Y君加甜啦

樓主已經五日冇更新，大家可以離開

明明記得有啲位有影相 但揾極都揾唔到搞到好頹 順其自然啦都係 唔想咁快棄更
揾到張之前同a醬去杖立果時講既蒸し場
我本身一直都係讀むしば　點知係むしじょう


因為奈奈唔係度暫時無左一班去玩既情景了
得返我同A醬可能加埋S姨 食飯浸温泉
啲飯一次過po 先


仲要呢一個幾星期浸過既温泉


之後就到Y叔跟蹤事件了 我今日一定講埋！

Y叔定G叔

咦 G叔先岩太耐無講起佢唔記得左佢叫咩名

樓主呢

話說G叔聽到前輩同a醬都交換左line 之後都係某日返工再問多次a醬拎line

因為a醬有講過話想制霸一次二十幾個温泉 G叔就話幫佢手一齊儲 所以需要佢個line 黎一齊計劃下邊個浸邊個泉（係無必要 相信是藉口）a醬就覺得都比G叔發現佢同前輩交換咗 好難拒絕到就被逼就範

交換咗之後G叔日日都會向a醬報告佢每日做咗啲乜嘢 幾點放工 幾點去左食飯 去邊度浸温泉balabala 仲要by point form 一段野勁q長

一開頭a醬都有盡力回 後尾真係覺得煩同chur開始唔覆
每次G叔見到a醬都會痴埋去 食飯又一定要坐佢隔離 前輩同我都知佢會咁所以食飯會一左一右坐a醬執邊頂住 g叔應該都發現左我地係特登既 佢洗碗就會發脾氣洗得勁撚大聲同踢櫈

本身諗住唉忍下好快會完

點知有日我放假係宿舍等a醬返到宿舍再叫我出門既時候 突然有人敲我道門

打開門發現a醬臉都白埋咁企左係我門口講怖い
仲沖入黎攬住我 一攬住已經feel 到佢成身震哂 即刻帶佢入去再鎖門 坐低係張床比左一疊被佢等佢冷靜先慢慢講

佢話佢放工果時因為天氣幾好又見到附近開左花 G叔又唔係員工通道同停車場就諗住佢可能出左去 所以決定慢慢行返黎 一路行一路影下啲花花草草

點知行到一半撞到揸住車既G叔又無理由掉返轉頭返公司停車場揸返架車出黎 就硬着頭皮打完招呼就狂奔返屋企 點知行行下就覺得有人跟住佢 奔到返宿舍樓下一另轉面就見到G叔係宿舍門口徘徊

因為果下我攬住佢真係feel到佢有幾驚 聲都震哂又覺得好恐怖 佢又忍唔住喊左 我都跟埋一齊喊 喊喊下我地又諗唔到可以點解決又唔敢出門口 最後A醬話不如打比前輩商量下 之後佢打電話比前輩講左兩句 前輩問起我係邊 我就應左佢一句但我仲未喊完（唔係嚎哭既 係講野會聽得出哭腔）

前輩一聽到就勁驚訝咁問蟹ちゃん做咩喊 我話發生左件大事同覺得a 醬好慘 之後我地就開始講頭先發生左啲咩 前輩就話睇你地都應該驚留係女子寮架啦 一係問下Y君可唔可以去佢度聚下啦 之後就買埋啲酒等前輩黎車我地去Y君度

係Y君度傾傾下突然a醬又收到G叔既msg問佢去左邊 點解食飯唔見佢 係咪又自私玩唔預佢 點解自己對佢咁好a醬仲要避開佢

A醬一見到係佢腥既又開始震同已經唔敢睇內容 最後係比左Y君同前輩解讀 仲傾左好耐應該要點樣回先令到G叔知呢單野有幾恐怖同想永不聯絡
詳細點寫就唔係好記得 但果下我地認為算做直接講左想絕交 呢單野應該告一段落

本身係我同a醬諗住飲酒分下心 前輩望望下又想飲 我又覺得a醬需要飲 Y君宿舍Y君本人飲到訓都仲得
搞搞下我心諗咁咪無人揸車 所以我無飲到 但果時我先揸過一兩次車。。。。仲要係A醬磅住我由公司揸返宿舍咁大把 好彩返去果時已經深夜無其他車同埋條路都行到熟哂 果度話闊唔闊 話窄都真係幾窄下所以我長期揸到踩住條中線 因為好驚太靠山會落坑

痴漢

G叔幾廿歲人都咁癲

Respect

A醬幾大？