日本WH - 過得最唔似「我」既一年

襯呢家仲記得 講返奈奈琴日黎香港單野先

因為日本有個宣傳得好足既和平船環遊世界一周既計劃 應該係早兩年左右已經要報名 30歲以下印象中係99萬定一百幾萬円 30以上已經要捱近二百萬 呢度係淨船+餐飲 好似係未計簽證
係日本果時我都成日見到啲poster 一年會有兩次 係冬季夏季同路線上可能會有唔同
佢今次搭既係咁既路線



早係我認識奈奈既時候佢係已經報左名去 呢個都係其中兩個佢返リゾバ既原因 1係佢要儲錢 リゾバ因為包食包住同埋無乜街好出會易啲儲
2係因為已知要去長旅行 返正職都唔係太方便

佢八月16號係橫濱上船歷時會有108日
22號就到左第一站既香港尖沙咀海運大廈

6點到香港但要搞好多唔同手續 最後朝早8點先出到黎 但因為本身佢話應該要9點先落到 我就8點45到碼頭揾佢
點知突然早左成粒鐘仲要無數據 所以等緊我到既時候我就話個鐘樓都幾多人打卡架你地去睇下啦～ 我地8點45係鐘樓底等（我諗住咁大舊應該蕩失路都識去啦） 點知係我8點40狂奔緊去揾佢地既時候收到奈奈話佢地行緊去睇李小龍 因為鐘樓底維修緊影唔到相
一路沿海邊行到見到佢地集合返 再行前啲就見到麥兜兜 （但佢地完全唔識）
（保護日本人們）
本身都以為呢種郵輪旅行好多姨姨 點知奈奈都仲係船識多兩個後生女一齊遊香港

Sorry 可能打斷樓主

想問下
樓主有冇可能幫我望下東野圭吾嘅作品

認為大概係咩level /你自己大概學左幾多年嘅功力
N1應該基本？
之後重要修練幾多年先會睇得開心/相對順暢？
查字典我諗唔多唔少都有
有時睇中文書都要查啦

其實我學日文嘅原意
最終目標係想睇佢嘅作品嘅原文
翻譯硬係覺得唔係好到位咁

唔該晒樓主 我再睇睇先

如果係真係「睇」小說既 N2都應該會夠 因為我今朝就咁睇左陣東野圭吾既兩本書既一開頭十零頁左右 佢文法同用字唔算難
但因為我去日本前都有睇過下懸疑小說 果時就算睇得明/查字典 個腦都係唔係好load到佢個情景/人物性格 我會覺得原文書難係「想像」 因為要去查既話難不免會分心 同埋按住字典意思黎睇 其實同普通翻譯文學一樣係你講既唔到位

呢種情況我覺得你翻譯牖睇一次 原文書睇住查字典（可以寫埋上書）一次 最後再專心睇原文書一次 就會到位啲 特別係呢種伏筆好多既作者 專門做翻譯小說既人都譯唔好 好多都係因為日文既語感用唔到中文去表達比你聽
所以要小說上要融會貫通都係靠返睇小說浸

所以大概N2程度一本睇兩三次就OK
淨係想睇一次就理解埋語境既話可能要再睇多幾十本之後先得 但就唔係N1定N2既問題黎

影完麥兜之後 佢地一路向住海邊Starbucks隔離個李小龍一路進發 一路問對岸果幾棟好高既叫咩名我答到最後都係要google map睇哈哈哈哈


影影下突然又有兩群日本人過左黎 傾傾下佢地話講起香港緊係李小龍同成龍 連手掌印都特登去左影

因為本身佢地都已經有同我講定想食西多 同飲茶
所以我揀左上環瑞記唔係都唔知邊度咁早有西多
尖咀搭船過中環 本身諗住碼頭會有燒賣食比佢地頂肚 點知又無開

日本真係好得意 社會咁多限制咁傳統但係性就咁開放根本上問個個去過日本既女仔都會比人搭訕

因為係平日又好早 佢地又唔想食連鎖店 就好快咁去左中環街市兜左一少陣 睇埋個中環扶手梯就帶佢地去搭叮叮去上環食西多 佢地見到中環街市有得集印好興奮



雖然日本都有陸上電車 但因為9成時間都係密封冷氣暖氣車唔似叮叮咁通風同有復古味道 狂打卡唔夠喉仲問一間仲會唔會再搭落車果時佢地震驚我點解車未停定就要起行
我話因為唔郁既話司機唔會等我地

落車之後去左上環熟食中心 身為日本人既佢地都無見過咁雜亂既街市 佢地本身以為日本海鮮市場已經夠亂
仲要大排檔咁既food court同搭枱文化佢地都好新鮮 不過侍應話無位啊等陣啦果時語氣太閪 佢地以為我比人鬧 嚇親

原來有呢d環遊世界既遊輪

我都係係日本先知原來有呢種
但查返原來係香港上呢架船既plan 不過就十幾萬港幣

係日本上船係咪需要係日本居民先得？

就咁碌過下佢無特登寫 我都好好奇 聽日sd email去問下先

食緊果時佢地係咁提住唔好食咁飽要去食點心同蛋撻
即刻問人上環有邊間蛋撻推介 點知太早人地仲未開始賣 最後又係附近求其揾左間有賣既 因為太趕急佢地本身諗住一路行一路食 最後坐低左準備飲茶都未開始食蛋撻
開餐前教埋佢地飲茶前點樣洗餐具

呢度佢地最鐘意係腸粉 之後係蘿蔔糕

2字頭呀！
身邊都有韓仔留學生fd係廿中開始讀，有心唔怕遲

飲完茶之後就即刻搭地鐵去佢哋心心念念嘅女人街男人街
佢哋行完嘅感想係成條路都係賣緊同一樣嘢
不過佢哋都有買到磁石同埋T恤而男人街，因為我一早有同佢哋講淨係買波鞋同運動嘢，所以佢哋望咗兩眼都無諗住行了

之後因為仲有一個鐘左右旺角又無野行，佢地又飽到掃唔到街
就去咗本身奈奈提過，但我驚唔夠時間去嘅黃大仙廟。
極快速咁裝香求籤參觀 兩點零就飛奔返尖沙咀碼頭一路上佢地仲勁擔心上唔返船 寫香港真係無野好寫添


佢哋臨走前講返原來香港人講嘢真係聽落幾惡 同埋啲交通有啲複雜 人又真係有啲多 同埋條街唔算乾淨 年紀比較大嗰個姨姨話香港應該一次就夠，因為佢搭扶手電梯都覺得好恐怖PS其他女仔都係叫我日本見 係咪應該唔會再encore？我盡咗力㗎啦

突然諗起之前同A醬傾計果時有提起個日文既「花」字佢地會用87黎做網名果啲 因為はな係はちなな既簡寫 但我同佢講香港既87係白癡哈哈哈哈

支持 好好睇
好奇想問下香港d點心日文係咩
腸粉 蝦餃 蘿蔔糕 蛋撻之類
燒賣我知好似音譯直譯咁
其他個d都係？
而且佢地又有冇叫你講解下用咩整咁

落地6個鐘左右就要返去 都幾趕下

香港我自己覺得景點同野食真係要揀下 同埋出入坐uber 應該會感覺好好多 (如果人多嘅話一架車都唔算太貴，對比日本交通費嘅話）

燒賣 小籠包 腸粉都有音譯
但因為就算音譯左比佢地聽都係唔知咩黎 所以我有再用自己方法尻譯😂😂廢事一路介紹 我自己仲要上網查咁戇居
點心 てんしん
燒賣 シューマイ
小籠包 ショウロンポウ
腸粉 チョンファン（我叫チャーシュー入り米巻き)
蛋撻 エッグ・タルト（英文）
蝦餃 我譯海老入り蒸し餃子　
蘿蔔糕 大根ケーキ／もち　

所以記多啲食物名同烹調方法既日文係好幫到尻吹架
例如乜乜餡既就係乜乜入り　卷既就係乜乜巻き 例如春卷就真係叫春巻き(春巻き)
蒸既就蒸し乜乜 炸既都係揚げ乜乜

因為飲茶果時我全權負責落單 所以佢地無問得好細我就寫哂 上左菜佢地開始食之後我先開始介紹 所以佢地唔難理解係用咩整既 詳細碌返前面有提過

Ching諗住去讀書？G持