日本WH - 過得最唔似「我」既一年

謝謝！！ 我能夠與我的敵人共度非常愉快的時光


夠晒大愛

SLS我平時淨係逐個單詞查 唔知佢地成句譯會咁尻哈哈

香港都有女仔會早起一兩個鐘打扮既~

我有份工要返朝早6點 返到去d㗎妹都係全妝加set好頭我覺得自己5半起身刷牙洗臉加屙個屎已經係極限 問過佢地幾點起身準備 佢地話4點半...... 仲要有時佢地要放夜晚11點 仲洗訓既
不過呢份工未講到~詳細遲d再講

快敵呢個詞好少見 定係我日文太差

Day 50

大家最關心既重點劇情就快要到了~
A醬媽咪黎左熊本搵佢玩 所以A醬請左三日連假去陪佢媽~ 中間仲會有一日去行附近既九重連山（くじゅうれんざん）

從九重町到竹田市北部的寬廣「九重連山」。

從九州本土最高峰的中岳(海拔1,791m)到海拔約1,700m等級的綿延群山，被稱作“九州的屋頂”。從5月下旬到6月中旬，被指定為國家天然記念物的九州杜鵑盛開將山頂渲染成一片粉紅，到了秋天彷彿是鋪蓋上地毯般的鮮豔楓葉將群山添加了美麗的色彩，並迷魅了許多登山客。


A醬係想制霸日本百名山既行山愛好者, 佢係每一次都會做好計劃做哂資料搜集先去行的 所以佢放假之前有日放工都叫左我去陪佢望一望條路線個山入口

果時都已經五月幾 但落車行過去都係好L凍 凍到我依家都仲記得我地果時極快速望完 極快速兩個狂奔返上車開暖氣

所以即將要過無a醬接送既日子的me 又鼓起到勇氣去約Y君玩啦~

かいてき　比較偏formal～
可能係純粹比較少睇認真少少既blog 或者無乜留意雜誌廣告果種少少formal既 冷氣/酒店/租車廣告間唔時都會見到人用

定係個客人將快適寫錯成快敵？

咦!!!!!　係喎你講我先發現 唔怪得bing會譯錯
快適　快適　快適

放工諗住等埋S姨一齊行返女子寮 但我食完飯佢先岩岩開始食 飯堂又多人好焗我就話係出面等佢先 出到黎見到Y君又坐左係平時個位度食煙

我見到佢就坐係門邊張櫈度話咦今日天氣好好~出唔出去玩(好似好平淡咁但我心跳我諗有130)

佢: 想玩啊~但有咩想做

事關我又真係無研究過附近有咩玩諗左勁耐都諗唔到有一搭沒一搭咁一路提議一路吹水 佢突然就問起我有無去過大観峰（だいかんぼう） 天氣咁好不如去兜下風(ドライブ) 果度風景好靚

之後就約好時間佢揸車黎接我出發嚕 好似係除左食飯之外第一次真係兩個人出去玩 揸左差唔多40分鐘先到大觀峰 靚係真係好靚




佢話突然醒起可以帶我去大觀峰其實仲有個原因 佢記得我之前話好想食多次個士多啤梨園個雪糕 佢印象中大觀峰個士多啤梨雪糕都唔差


我又心動啦diu

利申 士多啤梨園個雪糕好食好多 佢講大話

佢夜晚都係要返公司努力工作 所以食完雪糕傾多左陣計就又上返車走嚕

因為我都仲有keep住update IG story 所以影完相upload緊既時候有順便問佢拎IG 雖然毫不意外地乜post都無 連icon都無 不過我好似係佢第3個follower

夜晚又有好客套咁同佢講多謝哂啊今日睇到靚景又玩得好開心 跟住就話我有樣野想比佢但唔記得左 問佢第2日朝早可唔可以早幾分鐘到停車場等我~
因為前輩走果餐farewell飲酒傾計果時Y君有話自己隻手d皮膚好差成日甩皮 拖唔到女仔手啦果d
我果時認真撚上身問佢平時搽開邊隻hand cream ( 我知我係kam L請原諒A0 ) 佢係用d大牌子d但唔係特別潤果種
我自己都係成日爛手仲會乾到裂既人黎   hand cream同潤唇膏用量都好大 買得好頻密成日試新brand亦都真係買完返黎好快用得哂 所以憑自己經驗推介左我果排用緊覺得真係有好返d既比佢 不過佢果時應該係無放係心度

前幾日同後生仔去打棒球順便去大超市咁岩見到我講果枝hand cream又唔貴就買左枝諗住比佢嚕

第二朝係行緊去停車場既路上個心一路係度諗一間講咩台詞好 好少送個禮送到咁緊張

我個劇本係諗住去到叫佢伸隻手出黎然後啪一聲放枝handcream係佢手掌上面 再同佢講一定會有女仔肯拖你隻手既 唔洗擔心 (我仲要好型咁諗住講「心配するな」） 點知去到現場我口疾疾乜都講唔出 淨係比左枝hand cream佢話知道你介意自己隻手爛 我用開呢枝你試試

喂呀~~ 使唔使咁青春

理想好青春 現實好殘酷

想問下去日本
想買d香港地道零食請d民宿職員食
買咩好? (希望係日本買唔到既)

同埋日文要點表達?

BE

嗚啊～

體面少少既我買過蝴蝶酥 杏仁餅~　介紹果時係我話係蝴蝶(ちょうちょう)型既クッキー 同 杏仁(あんにん）クッキー　**因為佢地平時都會食杏仁豆腐 完全唔擔心佢地唔鍾意杏仁
特別d既送過tempo 媽咪麵 魚仔餅 齋燒鵝係媽咪麵介紹過下食法提佢地係生食唔好煮左黎食（このままで食べる・生（なま）で）
魚仔餅其實佢地有類似既童年小食 但前輩話魚仔餅濃d好食好多~

Tempo呢個真係好攪笑

香港人一啲都唔覺得有咩咁特別，但對於日本人(其他國家唔清楚)黎講咁柔靭既紙巾佢地會覺得好神奇好好用

算係香港名產黎 日本同台灣人都好鐘意tempo
佢地d紙巾基本上一掂到液體就化到溶曬咁款
聽過話日本人都好鐘意京都念慈菴 唔知真定假

Lm

一齊係停車場到一路行返公司一路傾計
佢話啊其實唔洗理我都得架 多謝哂啊 要你擔心添balabala
跟住就繼續係度吹廢水
佢話佢自己好摺 無人邀請既話就寧願自己一個去買野食飯etc 唔會特登去邀請人
我話我都係成日自己一個亦都唔介意自己一個人出街 但黎到呢度難得有人可以一齊玩大家都咁得閒就唔想自己一個
講講下我地就係到鬥緊孤獨等級
佢: 我可以一個人燒肉
我: 呵呵 我黎黑川之前先自己去食完燒肉 仲係放題 下個目標係自己一個去usj
之後佢認輸

因為睇天氣預報睇到會落雨 就問佢咦聽日落雨喎有咩玩呢(已經預設左佢會一齊玩XD)
佢就話佢應該要返夜更 *返夜更 係晏就放工果時 大叔先會通知人要返夜更
咁岩我聽到另一個返開夜更既男仔呢日唔返 我就走左去問大叔我可唔可以返埋夜 之後就成功變左兩個人一齊返夜更XD

放工後到返夜之前果段時間去左間Y君推介既café 因為都好偏下 揸左去農田中間 我無留意間鋪咩名 佢個辣醬熱狗好食係好食 但搵唔返咩名




食完因為未夠鐘就揸車周圍蕩蕩去下便利店就差唔多時間要返去食飯返工
係最愛既咖哩+炸雞


放工果時佢話沖完涼送埋我返屋企 心諗明明聽講佢平時係返宿舍沖涼 唔知係咪因為知我都返夜 所以特登公司沖完車埋我返屋企呢 (心花怒放)

甘いすぎ～～～～

我分唔到你係想講好甜定係樓主太天真

事關放工番女子寮條路實在太黑太恐怖又斜 所以佢話車我返去我係lur飯應
我有同佢講過我唔想返夜就係因為唔想自己一個行夜路 佢果時有up過下: 就算我唔洗返夜你放工都可以叫我車你返去架

沖完涼集合返就一齊行返上車 閂埋門但佢又唔噠車 突然問我咁依家去邊
我個腦空白左一下之後話 errr咁我地係車傾下計 較好張櫈攤住傾 傾下傾下就兩個鐘 仲睇到好靚既星星


本身去café既路程上Y君有提起過聽日佢要出熊本剪頭髮
我: oh係啊 咁聽日無得一齊玩嚕
佢: 你唔一齊去?
我: 嘿嘿 去! 仲未去過熊本市中心 仲可以順便食拉麵

就咁樣愉快地決定了

最後傾到12點零差唔多1點先車我返宿舍
去到宿舍行樓梯上樓果時仲撞到其他女同事hi bye就以為完左
點知第2日又撞到同果個女同事一齊食飯 Y君都係度
女同事: 咦琴你咁夜先返既 好似都12點幾架啦喎
我即刻靜左 brain storm緊點答好 之後話哈哈係啊去左傾計
偷望左Y君發現佢一路扒飯一路偷笑

後尾得返我地果時佢話 估唔到比人發現左
我: 係囉咁岩返去果時撞到
佢: 我聽到都好想知你會點答哈哈

加甜