日本WH - 過得最唔似「我」既一年

靜岡伊豆河津町 到時地鐵一出黎見跟住人群行去到條河度就成條沿河都係櫻花


我影相紅色果條橋google map search 河津町舘橋(yakata Bridge)
仲有祭典有d野食買下 不過果段時間會成日落雨 想睇開花未/有無淋雨淋到跌哂 可以上youtube 大概二月果個町既官方就會開始開live比大家睇實況先決定去唔去

冇睇幾個月返嚟先完第一份工😂😂
希望我下年去日本working holiday 嗰陣完到完到
樓主加油唔好爛尾

河津由東京過去都少少遠
好似搭JR 都要成個鐘

push

蟹師姐請教下如果喺黑川買入湯手形浸溫泉 係咪要自備毛巾? 嚟緊去九州自駕遊想試吓

Yes 手形淨包入場浸溫泉其他乜都唔包 有d仲會連沖身淋浴露都無 因為佢suppose去得買手形既人都係會係黑川過夜 所以好多人都係著住旅館套浴衣同拎住個巾著就去浸

Day 6
其實都係無乜特別行程, 前一日上網碌到有人話佢食過最好食既炸豬排係lalaport有既知青 反正都想買d野寄返香港所以順便去lalaport行下
就係博多巴士站上巴士直接坐到lalaport直接去食左個飯先
天灰灰


叫左個豬排+炸蝦 明明人地推薦既係豬 但我最後愛上左既係條炸蝦




個豬排有d肥 但條蝦好彈牙

Shopping買左d咩無特別想講
但入面又有間jump shop 著左波鞋的me高過爆豪

仲有睇緊㗎，蟹絲加油繼續打埋落去

推!!!!

行完哂買完野之後就返番去博多 返到博多先差不多4點 突然醒起呢D咁kam既時間最岩就係去食人氣排隊店 即刻就諗起博多一双
不過去到都係排到其他鋪頭門口 入門口買完飛先去排隊 排緊隊既時候心諗diu真係好大陣臭腳味



得一條友所以被派吧台位 個師傅係咁同外場staff講野 帶住降噪都穿透 (外場staff幾靚女)
湯底少鹹 舊叉燒幾好食不過無乜灸燒味 偏肥但唔算好膩
但食完哂都係無乜記憶點 最記得既就係店外真係好臭 同埋未食完個staff已經準備收走我個碗 但我個面未食完亦都未凍 坐左3個字都無

結論: 唔建議排半粒鐘以上為左食一双

周圍盪盪下見到車站附近有大黑屋 但無我需要既飛就無買到
有無人試過去大黑屋買飛? 其實會唔會有伏 平又唔係真係平好多

Day7 上網望過下福岡行程經常會安排既地方係小倉門司港&唐戶市場 因為唐戶市場主要都係開星期五~日 都係夾返個日子決定呢日去食下海鮮

一大早直接搭鐵去門司港(懶得轉車 唔介意慢慢搭 坐左差唔多成兩粒鐘) 再轉船去到唐戶


搭鐵果時天勁灰


落船到唐戶見到d指示牌好搞笑…同有d污


出名既好似係河豚 フグ (雞泡魚) 行左無耐就見到佢地排排企左係度


連市場既logo都係河豚 入到去就更加唔洗講 勁大隻但完全唔可愛

截至第一份工完結係無一齊
之後有無一齊就之後先同你地分享深諳吊癮既重要性

知青好食
豬排勁厚
lalaport都幾好行

蟹絲加油 慢慢出

入到去其實都平時D市場差唔多 可能我都係比較晏先到 唔係好多刺身/生野食 見得比較多既係炸物同壽司

買左幾件有興趣既壽司 同炸蝦 (事關前一日食既炸蝦太正了好想encore 以為海鮮市場d蝦都會好食d 但結論係完全無得比)

鰻魚(うなぎ) 海膽（ウニ） 蔥碎吞拿魚（ネギトロ） 中拖羅(中トロ) 三文魚籽(いくら)

最後又行多圈見到我最愛既燒年糕 但又係唔好食… 再加左碗河豚麵豉湯

食完覺得少少腥但唔係接受唔到 所以決定挑戰唐戶最多人賣既河豚刺身



上面係佢身既肉 下面切到一條條絲既係皮 仲食得出少少凹凹凸凸好似起雞皮果種口感 係無乜味 d肉有少少鞋唔難食既 但點完個醋同辣汁我反而接受唔到 食到打冷震

係海邊坐住食完要掉垃圾見到個垃圾翻譯

食完係唐戶附近散左陣步 見到有個大摩天輪同巴士




行完又唔想咁早返博多 又好似無乜野做 見到隔離仲有個水族館 海響館 決定就係你啦

不過睇返我入場就已經就黎1點半
因為呢個水族館有d偏又唔係好有名氣 所以都幾少人可以慢慢坐住睇


海豚show呢d水族館基本野是有的


白海豚(シロイルカ) 佢識噴心心氣泡 仲有少少微笑樣勁sweet


大海龜~


呢個好似都係河豚吧?



企鵝大軍 有幾隻係大家一齊暴走既時候偷懶游少人地兩圈 (點解我知 因為我坐左係度望住佢地成粒鍾)



仲有張影糊左既魔鬼魚

上次都喺唐戶食過河豚
完全冇味道
仲衰過象拔旁

佢比豉油wasabi我可能仲會食得開心d
辣汁+醋同塊河豚刺身都唔係特別夾 唔知點解要咁設計

不過食完河豚刺身再去水族館見到大量河豚
仲要有d我覺得幾cute 個心情係有少少複雜

上年年尾我又係去左呢間一双 博多駅東本店
個人覺得幾好食 豬骨湯嚟講 個湯底味都好balance
唔會淡 又唔會好咸 同意叉燒唔夠燶
重點個外場staff真係幾靚 我都係咁望佢
福岡仲有間兼虎都好食 佢個蛋同叉燒好高質
不過就重口味好咸 但係食得好爽

人工大約幾錢一粒鐘
好正咁

追到live 你d小劇場真係好好睇