日本WH - 過得最唔似「我」既一年

好死唔死A醬同前輩交換緊line既時候G叔出左黎食煙 目擊左呢個現場 我心都寒一寒因為仲記得當初A醬拒絕過同佢交換 前輩仲要話また連絡するね(再傾啦） 跟住我同A醬扮趕時間行得勁快咁走左去食糰子 （埋個伏筆 後面事實證明我心寒唔係無道理）
路過見到啲櫻花要謝了


とうふ吉祥既糰子 老實 糰子狂粉表示無咩特別





之後去左隔離既のし湯浸


入左大門之後個庭園好正 但反而露天温泉個景無咁靚


仲要我地去果時有一群阿姨已經坐左係度傾計 我同A醬講講下野有個阿姨走埋黎用英文問我邊度黎 我話香港 佢突然用普通話話你不像香港的啊
我忍唔住講左句 騙你幹啥 跟住佢突然自爆話佢係中國人嫁左去日本依家做緊私人導遊 頭先隔離傾緊計既阿姨們就係佢D客仔 我忍唔住問佢私人導遊咁係咪好好賺
佢話如果一個月真係排滿哂 純利都上到6-70萬円 入油錢酒店錢果D有時會計埋落客果條數度 食飯又有機會客會請 不過真係預左夜晚都訓唔安心
爭D忍唔住想問佢拎line慢慢取經 可惜果時浸緊溫泉無電話係身
浸完又返公司食晚餐

Day26 期待已久既去賞花
朝早太早起身煮左個早餐食埋先出門


黑川附近都好適合兜風 因為係去大分縣呢日係行左條無行過既路~

A醬揀左附近大分縣既西寒多神社~因為佢知我好想睇紫藤花,所以直接上IG同TIKTOK黎search「九州/大分/熊本藤の花」就可以睇埋最即時呢幾日既開花情況係點 仲發現原來又係有ライトアップ但因為plan左夜晚去spa 所以放棄左睇點燈 (定好似平日都係唔點燈果d) 我地睇既時候路線最方便又開得最靚就係西寒多神社啦~ 後尾再上網查返原來佢一直都係好出名本地人會去睇既紫藤花 呢棵古藤既年紀都去到450歲架啦
呢度係p過既樣



呢度係原圖

佢個紫藤係真係佔地幾大

神社


仲有神社御朱印 揀左下面果款


本身最想去既其實係福岡既河內藤園 但我錯過左不過點都唔會係最後一次去日本 所以留返下次去

嗚 個御朱印好靚 （有收集開

紫藤花季有限定 但我覺得普通果隻靚啲


朱印帳都好靚

睇完花又求左個籤

竟然我同A醬都係大吉 所以我地兩個都袋走左(張籤有人係大吉先袋走 其他全部都會掛起, 亦有人係凶先掛起)



好似好耐無講過日文 就講下支籤啦 佢呢款籤已經係我見過D字最簡單既一張

左邊既上面
天の助けによって災難はきえます。
正しい行いをし、貧者お助ければさらによくなります。

天の助け 照字面解, 神之助
~によって(N3文法) 
*接續詞* 根據___, 憑___, 後面係因前得黎既結果

行い（おこない）（名詞)=　行う既動詞轉名詞 五段動詞既話係轉い行

し = する既文皺皺版，逗號前就會單字一個し(其他動詞都係ます形唔要ます)

貧者（ひんじゃ）貧しい人（まどしい）　貧乏（びんぼう） 更に（さらに）更加

所以譯出黎就係神會幫我解除災難. 做正確既事, 去幫助窮人(運勢)會更加好


右邊既上面
なにをしても幸運のもとになります。自分の仕事に熱中するとさらによい運勢になることでしょう。成功がやってきます。

になります = 非自主控制既成為/順其自然就變成咁意思

好類似既詞係にします=自己決定要努力去達成/下定決心既意思

求籤通常只會見到になります因為係神既旨意

やってきます　くる既加強版 帶有少少過程 黎緊既意思

所以就係運勢係無論做咩都會好幸運 專注係自己既工作既話會令到運勢更好吧 成功已經黎臨

不過其實上面唔睇都無乜所謂 緊要學識睇下面~
但我習慣會逼自己睇埋籖文黎學下野練下翻譯

聽日有時間再講下下面果part

旅遊台追追下變講故台
不過都好睇

但我一開頭係諗住開係上班台

如果開係上班台，就可能變咗另一班讀者群

試過一次抽到枝差既簽好唔開心
之後唔夠膽再求簽

話說而家睇緊樓 初期費用原來好金
要成一個月租金嘅三四倍 一去到冇咗幾十萬 開始明點解樓主會選擇去做呢啲有宿舍嘅工

すべて=全部（ぜんぶ)，100%
望み(のぞみ)

のまま(に)、就如__一樣，按照__
例如ありのまま = 本貌，因為係按依家有既野
籤文會成日會用到乜乜でしょう 其實等於帶頭盔
但呢度係ましょう　其實都係有個我要去主動期望既前提

小知識 日本電視台報新聞就算90%降雨佢地都只係會講雨降るでしょう 係唔會講實降る

遅く(おそく)なる 就係被動遲
遅くする 係自己揀慢慢做
一樣係主動被動既分別

よろしい=いい既敬語 平時店員重覆你張單最後果句通常就係 以上でよろしいでしょうか

思いがけなく=意料之外的

傾ける(かたむける)=傾斜 耳を傾ける傾聽
同非實體既重心轉移都係 例如 注意を傾ける=全神貫注

全力を傾けなさい = 傾盡全力

必ず(かならず) = 絶対(ぜったい)

我都覺得我啲籤好準 所以我都唔係成日會抽
不過我又未至於會受佢影響到心情

係啊 禮金都好甘 仲要少左好多比外國人短租既盤
同埋我諗住租完又要買家電好煩

賞完花就去咗食飯 我地好鐘意研究講起乜縣就會諗起乜咁
所以講起大分縣既野食 緊係雞肉天婦羅
大分グルメといえばとり天じゃん
佢揾左間百年老店原名 「高尾屋食堂」 現名「たかをや、」


雖然唔係とり天既元祖店 但都頗出名　食べログ3.46分

另外仲有樣郷土料理係だんご汁 大分縣自古以黎有「豊の国(とよのくに)」既稱號 靠海內陸又多山所以不論海鮮定種植都唔錯 佢地叫呢種做 海の幸(うみのさち）、山の幸（やまのさち）　 *名叫幸子就係讀さちこ 舉一反三


だんご汁就係有啲類似麵豉湯底但蔬菜比例會比較高，仲會加埋肉同海鮮 而だんご就係類似烏冬咁既野啦 雖然たかをや都有得食 但果時我唔知咩黎又唔係好肚餓 所以無叫到とり天＋だんご汁定食 同埋因為會另外叫一盤とり天share 最後我好反叛咁係とり天名店食南蛮チキン



とり天其實就係炸雞 但同平時既炸雞既炸粉唔一樣 但亦都未至於天婦羅咁薄脆　可能係覺得天婦羅皮同雞肉唔夾

食完就去左大分站隔過大商場樓上既SPA 碌到果時已經覺得好正 所以決定早D去留到太陽落山嘆哂兩個景

入面好大~個露天溫泉係天台 好開揚 仲要係城市入面所以諗緊附近D高樓大廈D人拎個望遠鏡可能都望到 (定我有被害妄想lol 無浸開係會驚哩驚路 但又鍾意露天既)

日景

夜景

(係𨋢口影 所以個景應該同露天果個係反方向 ps露天非360度露)

浸完就去返商場食野買酒就回家了~

拉麵無乜特別 餃子幾好食

酒係for 27號開P用 主題係farewell 奈奈

Day 27 仲係放假自己煮

差唔多時間就帶埋D酒過去Y君宿舍 得我同Y君放假所以約左直接Y君果度等 Y君問哂大家會唔會一齊食飯 (佢平時都會整下野食比我地食) 返工果D話會食埋先過去 可以幫我地拎埋白飯 等到去到發現佢係整左魚香茄子同麻婆豆腐
但我唔好意思影相 Y君話聽到蟹さん話掛住香港D飯就試左整 好感動但唔辣哈哈哈哈 仲要其他人都食飽淨係夾左少少黎試 所以Y君等佢地試完就落左辣椒粉

食完傾左陣計之前提過既和牛男同一個女仔就黎左 稱為大米夫婦大米夫婦係之前做三樓既 又係同大家都有一齊玩開 亦都係性格好好既夫婦 兩個個樣都好後生 姐弟戀 男既果時都係未夠30歲 佢地係黑川完左之後大米哥就去做讀書讀畜牧業 上堂就係同D牛羊馬一齊上 例如要學下剃毛剃蹄 仲有飼料營養學之類 我真係第一次聽人講讀呢科 長知識之後一路玩GAME一路八卦 萬眾期待既日本人八卦要來了



所以你話日文唔好 點聽到咁多爆料呢 原來好多劇情都係真實會發生的

因為果時又咁大班日本人我講日文又未好流利 淨係可以一路聽一路狂飲野 飲飲下碳酸都就黎無 本身レモンサワー濃縮液本身要溝1:3碳酸 我默默地開始將佢1:1咁溝 碳酸愈黎愈少 少到1:0.5咁溝 飲左半碌濃縮液之後突然黎料了lol （係香港都好少飲酒 唔知自己底線係邊）

Y君好sweet

日本人問你食唔食乜乜乜
唔係真係問下嫁咩
一定要say no 先，佢再問多次先可以要
(我睇yt 係咁講)

飲完野好撚急尿 去左個廁所 之後就cum埋個廁所蓋坐低訓著左
好彩Y君果度係乾濕分離既廁所 途中有啲印象A醬問我可以出黎未 我仲答佢マジごめん　立てない（sor 真係企唔返起身） wing到仆街
後尾聽返佢地敲門果時係大米姐想去廁所 由於我係廁所訓著左既關係，本身啲仔好想去廁所都要出出面去，因為宿舍出面就有條郊野小徑… 完全不敢想像真係我依家諗返起都老尷到飛天
最後因為我出唔返去又差唔多時間 大米夫婦就直接返屋企了 不過都係凌晨一點幾既事 又唔知隔咗幾耐我係廁所嘔到仆街 仲郁到佢個水箱蓋搞到啲乾淨水流左出黎（佢係水箱有得出水洗手果種日式水箱） 嚇醒左咁岩諗緊點部署既時候Y君就敲門問我還好嘛

因為無毛巾地拖真係解決唔到成地水 所以默默地開門同佢講本当にごめん、その蓋動いちゃってこんなになっちゃった（真心對唔住 郁到個蓋搞到啲水流哂出黎）

Y君: 大丈夫大丈夫　怪我してなかったら全然問題ないで（唔緊要 無整親就得）

我問佢拎毛巾諗住抺返乾 點知佢扶左我出去靠住道牆之後就自己拎左毛巾出黎跪係度抹地 佢見到我靠住都係企唔穩 就叫我出出面走廊吹下風

我走左出去就踎左係角落頭 唔知踎左幾耐佢都出左黎食煙仲拎左枝解酒比我同我一齊踎 吹風吹到凍佢入去拎左佢件褸比我 好香
我記得我著完件褸之後都係凍 之後佢就拖住我隻手話幫我暖下 然後我地就係出面傾計傾左我諗有半個鐘都無鬆到手

睇情況～我自己覺得對方係好nice同埋佢都有比其他人所以我就直接要左 都會feel到既人地係想真心share 定係門面說話

當然say no左先都唔係錯

現場淨返奈奈A醬前輩G叔 我同Y君兩個係出面 Y君話入面應該訓低哂 但我地兩個同G叔係第二日仲要返工既人 訓低左果三個明明就放假

跟住我話 飲到咁聽日做野一定好辛苦
Y君: 聽日你做唔到就慢慢做啦 等我搞掂我果層就即刻落去幫你執
我：唉一間仲要行返宿舍行成粒鐘 返到去都無得訓
Y君：我車你返去啦一係
我：你飲咁多好危險 奈奈一定唔會比你揸
Y君：噓 我依家偷偷地車你返去咪得
我：唔洗了唔洗了 解釋唔到

返到入去見到奈奈同A醬仲訓緊 G叔幫佢地拎完枕頭同被就坐得勁近A醬果面 仲幫佢撥頭髮
果下我覺得心理有啲不適就扮哂野想叫A醬起身逼左埋去G叔同A醬中間
Y君應該都覺得有啲唔對路又逼埋係另一面引G叔同佢講野 千辛萬苦先逼到佢坐遠啲 跟住我地三個清醒既又繼續開始玩啤牌 懲罰係真心話 唔知G叔係咪feel到啲咩就係咁講戀愛相關既野 玩到好似五點左右全場醒哂就起行行返女子宿舍 返到去訓教已經六點零 喊出黎 返工返9點果晚真係太混亂乜都無影過

呢個走勢 係咪準備同Y君有甜


btw G叔都幾恐怖

好似遮漏左個名

lm