日本WH - 過得最唔似「我」既一年

好甜

樓主好享受

第一張相唔係有寫cafe個名？
hibari cafe

原來好似幾好評價 我淨係對個激辛熱狗有印象
Y君係鍾意佢個葡萄汁

非自駕唔好考慮 真係好遠同埋乜都無 景都係農田
https://tabelog.com/kumamoto/A4302/A430201/43006690/

等到2025仲未到加甜嗰part

樓主隻豬呢

Day 53

返工真係著得好柒 仲要倒垃圾同有機會要入廁所清潔 我都唔想著住套咁污糟既衫去市中心食飯 所以呢日返工係背囊袋左套衫放工換

平時鍾意著裙 返工係著褲 換完出黎咁岩撞到d全職阿姨佢地話我色気（いろけ）Y君都聽到 跟住一齊行果時佢話 嗯的確係幾色気

佢係book好時間去剪的 已經好趕所以直接飛奔去salon剪頭毛 我又難得去到市中心諗住周圍蕩下佢廢時係入面等 行左去附近一間大型超市掃左一堆零食 仲有我最愛既醬油糰子




佢剪完之後msg我話佢搞掂 咁我就行返上車見到佢個新造型 第一眼覺得睇唔慣望多兩眼突然覺得連顏值都上升埋 真係望望下望到臉都紅埋最後拍左下佢個頭話幾好啊剪得 幾岩你



佢一路揸車一路問佢個新髮型係咪好奇怪 我話唔係啊之前係可愛d 依家有型d
佢: 咁我就放心了~ 開心

大概個變化係由好耐無打理髮型既菇菇地既宅男 突變做㗎仔頭 清爽左好多既feel

之前同大隻仔同事傾計講起我鍾意食拉麵, 佢話拉麵黎講佢鍾意二郎系同家系

二郎系就話有聽過姐 家系係真係有D陌生
不過聽佢形容完我覺得我會好鍾意食 因為係重口味同硬既太麵  就search左係熊本市中心有既家系拉麵同埋Y君一齊去食




因為我同佢都係有諗住考電單車牌+買黎揸 咁岩去食完拉麵 隔離就有間中古車店 尻行左差唔多半粒鐘 就上返車諗住返宿舍

中途係山路度見到有個牌好似寫住類似係觀星點之類佢就話不如揸去望下

其實都係好普通一個無乜樹遮住既大停車場咁 但個星空又真係好靚 不過凍到手震腳震影唔到相 始終係山上面 靚過前一日係停車場睇既! 雖然我影相影得好柒
個月亮勁光 呢張相搞到我好想換電話 屌雞到好似仲用緊iphone6s咁

影夜空要用腳架長快門先靚

次次去都係突發 得個電話 同凍到震既一雙手

睇咗咁耐都未加甜

講起甜 係山上面個停車場睇星星果時 佢講左句望住星空覺得好浪漫
對視果時因為附近真係黑 見到星星係眼度反光緊咁閃閃下
佢話咁浪漫要唔要試下kiss A0的我咁岩果時真係凍到打左個冷震就話都係返去啦好凍


同埋本身係超市尻行買左果一堆零食我都漏左係佢車度 返到屋企先醒起
Msg佢話我漏左d零食 佢即刻打返過黎話洗唔洗即刻拎比我 我話唔洗lu聽日拎都得 之後又吹左陣水先收線
我好似又錯過左第3次機會XD 所以大家對甜都係唔好咁大期望

本身同Y君去大觀峰果日A醬話佢會返一返女子寮順便拎d野比我 但咁岩時間撞唔岩所以佢話佢掛左D野係我房門口記得要拎 係a醬媽咪既手作蜜瓜包
「召し上がれ(めしあがれ)」　有睇食戟之靈既應該成日聽到~
請好好品嘗 既意思



有一粒雖然扁左但咁岩扁成左個心心 同佢合照左張send左比a醬叫佢幫我多謝姨姨

蟹醬用實力單身

Y君比樓主瘋狂拒絕都未放棄
唔講出嚟都唔知樓主有心動過

下我自認為我都有flirt到佢架啵一開頭係我主動問佢去邊玩好架!

Y君都講埋出口…樓主

咁flirt完人又拒絕邀請係咩心態

唔係呢 守護左廿尻幾年既初吻 我果下真係未做好心理準備
不過我承認其他邀請係果一瞬間我真係無意識到輸經驗

實名負皮你 呢個post其實係　A0小毒毒蟹の進化の道
不過就快有進步架啦等多陣

今日得閒d打多少少先~ 廢事釣住你地咁耐

Day 54
呢日有少少不愉快 我同A醬同層 本身之前我地+Y君約緊呢日放工去行山賞花
不過因為A醬岩岩先放完假返黎想洗下衫抖下先諗住改day 55先去行 所以前一日去熊本果時我已經同左Y君講改左日子 睇星果時都仲有問佢雖然唔行山但係咪都唔返夜 佢果時係答「唔返都得架」
但到呢日大叔叫A醬返夜既時候 大叔有講起A醬今日part Y君 之後我就開始燥 心諗琴日明明話唔返 依家返又唔單聲 *雖然依家睇返我都覺得自己嬲得好無理由
咁岩我自己上樓既時候撞到Y君 我問佢你今日返夜? 佢話係啊諗住聽日先行山 今日返多日夜先 蟹ちゃん係咪都返夜 聽大叔講搵到人返了
我: 唔係我 今日係a醬返
之後88都無講我就走左

放工等埋a醬就行 一出門口見到Y君坐左係平時個位度食煙 我見到連招呼都無打 點知佢煙都未食完就跟住一齊行去停車場
一路得佢地兩個傾計我一直無出聲 佢上返車 得我同A醬行緊返宿舍果時突然收到Y君send左兩個sticker黎 (我懷疑佢知我嬲要撒冧) 跟住我又回返兩個sticker比佢 佢又再send但無內容我都廢事覆佢 之後就去左a醬間房傾計

傾傾下a醬話不過依家咁樣嘈左交唔會覺得好可惜咩 你就黎走架啦啵淨返最後幾日咋
我諗諗下好似真係好浪費 最後msg左Y君話我想練車(唔記得左有無提過~六月份屋企人黎九州一齊玩諗住自駕遊但我係雪藏牌 但Y君前輩A醬都勁好 肯借車陪我一齊練) 佢秒回OK過左幾分鐘就到左
但佢話佢到左果時我黑人問號 因為我以為佢仲要一陣先出到門口 點知係覆OK果時已經出左 跟住個內心就忍唔住諗 佢咁快出黎睇黎都係想見我有重視到我既

日本人多數比較婉轉d?
其實日本仔見到d港女係咪會覺得港女好臭西格
定係覺得直腸直肚直接屌你老母 咁先正

蟹ちゃん突然打咁多文，感覺到被重視

明明之前醉左都拖左手
做咩而家又唔主動啲 y君同蟹都係

都係睇人 但我遇到既大部份都覺得直腸直肚幾好
不過因為日文無粗口無屌過佢地老母 同埋我真係講野好直 佢地聽到有時都會覺得shock 但知我係外國人又唔會話反感

可能好識打扮果種㗎仔真係會鍾意d內斂少少既
我覺得佢地m底都算多

酒壯膽 無酒無膽