日本WH - 過得最唔似「我」既一年

加速

前輩：明明是我先來的

浸完溫泉食埋飯 然後就起行去Y君宿舍了
因為上次行過實在太累 差唔多一程行成粒鐘仲要上斜 我應該傾閒計果時有提過下
晏就食飯果時前輩有問我今晚會唔會搭車 我話A醬唔揸車去無車搭
佢：咁我揸咪得
我：不了不了唔洗咁麻煩你 我同A醬奈奈一齊行路得架啦
佢：咁一唔係你去果時同佢地直接係Y君度集合囉 我車你去咪行少程
我：我無咁虧 我行到的
佢：乜咁唔想坐我車咩
我：唔係唔係
跟住同樣既對話糾纏左一陣 嘈到其他人都上左黎食飯先完

唔小心買左罐無酒精(ノンアルコール)
本身以為佢個のんある係牌子名 因為佢係平假名果下無意識到 原來係無酒精既簡寫



奈奈有帶埋啤牌過黎 終於學識左傳說中既大富豪 有啲似鋤dee 但又可以3-7人玩 仲要我贏得最多
仲有玩七並べ(しちならべ) 排七 如果佢係讀ななならべ就正

前輩好慘
幾時先嬲完佢

其實G叔幾多歲
叫得叔都估3 40歲左右
但又想溝妹妹仔咁

係46-50range真係好叔唔係講笑

同佢無甜 唔洗期待

我覺得係 樓主 憑實力單身
咁前輩就 換對象 啦

BTW, 個遊記好好睇, 支持

要體諒下我我有心動過架 係佢走去flirt其他女先

d內心戲好正，樓主加油

蟹宜家份工咁得閒 可以上連登出 post
好似幾爽

3 40已經叫阿叔好慘

這是重點嗎 不過真係一時時 上個星期就唔係好得閒出

飲飽食醉最後差唔多兩點先行到返女子宿舍 好彩我第2日放假 睇張相既模糊程度都知我地果日飲到咩程度

但我發現原來果日前輩有送埋我地去到女子寮先落返去男子寮 但真係記唔起點解同傾左d咩哈哈哈哈


好似一直都無講 其實條路係 混合寮=>行路30分鐘=>公司=>行路5分鐘=>男子寮=>上斜20分鐘=>女子寮(得呢條路行) 所以佢要送我地一來一回又無左半個幾鐘

Day18 放假~無乜野發生 自己煮左兩餐 因為真係好鍾意食麵所以其實我覺得好幸福番工果時又有定食食完美



因為無枱 我一直都係放係雪櫃上面立食的 高度幾fit

day19會同奈奈一齊放假 本身都約左一齊出去玩 不過無車所以都係諗住附近行下 點知晏就突然收到奈奈msg話Y君19號都放假會車埋我地 所以可以去遠d玩 奈奈放工敲我房門黎同我傾左陣聽日去邊玩
可能因為17號晚飲酒玩game果時大家都有講過下理想型啊戀愛果d話題 無啦啦問起我覺得日本男仔點 覺得Y君點 我話無乜點啊咪幾善良又識關心人 做咩突然咁問
奈奈: 哦~無啊問下咋~
(後期奈奈先同返我講 Y君係以為得我放假所以透過奈奈黎問我會唔會一齊去玩 PS我同Y君無交換contact 點知奈奈都放假最後變左一齊玩)

白汁雞皇都落辣椒粉

In short

樓主幾モテる
真正憑實力單身

不過我覺得本身long D都比較難長遠發展

Day19 講起熊本有一種生果會成日諗起
燈燈燈燈~ 就係士多啤梨啦 🍓

いちご 既豆知識來了
佢日文名既由來有傳係因為一月至五月先係士多啤梨出產最多最好食既時間 所以就係いちご (一 & 五 既日文) 但因為北海道果面係5-8月先係士多啤梨季 所以用時間黎叫佢又唔係好岩
亦都有人話係由大和時期用既「イチビコ」演化出黎
いち＝最 び＝緋紅 こ＝果子　最後就變いちご啦~

不過個人覺得季節好記D 一月到五月既果子=いちご


仲有種植出售既時候士多啤梨係當要登記叫「野菜」 而唔係「果物 （くだもの）」 不過去超市既時候都係去番生果區搵佢就得（無用小知識）

點解無啦啦會講起士多啤梨呢 因為呢日迎黎左我人生第一次いちご狩り(いちごがり)*日文叫法係狩獵士多啤梨, 其實係等於任摘放題,唔同季節仲有ぶどう狩り、桃狩り等等　
***記得要預約 雖然唔係好多人但大部份農場都唔受WALK-IN 除非再近旅遊區d
一朝早又坐左差唔多成粒鐘既車先到 去到士多啤梨園附近仲要唔係石屎路 dun到屎忽痛
直接揸到佢counter confirm完booking果度既staff就會叫人揸車黎接我地去d棚度 搭幾分鐘


仲獲得左一張手寫既優惠卷for買雪糕同野飲


入面去就是這樣 一個人都無~~

佢每隔一兩行就會有個牌, 寫住果幾行係咩品種既士多啤梨


佢執邊有水喉 但大家都係就咁摘完就即刻食

有pair生得好似一pair櫻桃既士多啤梨



依家先估岩岩出世既士多啤梨Bb係咁既樣 原來啲籽好似係花蕊密集恐懼


y君仲發現左粒係生成一個完美既心型塞左比我影相




最後仲買左個盒拎走 任裝 要com得返個蓋 因為放假出去玩 我地會買啲手信返公司比大家一齊食好似真同事咁

so true

好以 D 宮延勾心鬥角劇收視高過旅遊節目咁

因為阿蘇唔只係得呢間士多啤梨園 揀佢係因為佢係無限時 好似2800円？ 本身諗住食飽抖下再食過 點知完全無枱無櫈 最後食飽食累先過左兩個幾鐘 所以11點零就同返staff講要走了 又車返我地返counter果面


入去諗住食個雪糕 雪糕係第二個胃（アイスは別腹)

唔好講笑 真係感受到佢係真士多啤梨整出黎既勁多果肉 比較似係雪葩 重點係唔會好甜（我唔鐘意食太甜） 我鐘意到後期想叫佢地車我返黎呢度食雪糕 真係好好食 念念不忘佢下面仲有啲果醬 都係現場有一樽樽賣 果個醬都係唔甜好士多啤梨 因為佢個場啲士多啤梨都係好好食 諗起都流口水 太激動sorry for 1999 btw咁先證實到真係好好食

繼續起行去下一個行程 繼續搜集我地既one piece銅像 一路上見到好多山體崩塌點



robin個像就係東海大學 現熊本震災museum 隔離 地震既時候東海大學校舍都震裂埋 出面仲有條大坑　




將羅賓銅像放係度係因為呢度係大學舊址 亦係現時嘅熊本震災博物館 係one piece 入面既羅賓都叫做代表左知識同智慧 亦都係個考古學者 擔當著令後世緊記呢個歷史教訓並傳承落去既任務
而佢嘅技能成日都會好似開花咁 係呢度官方就形容羅賓係度開出「復興」之花

頭先嗰段好似有啲Heavy 我地繼續去玩啦喂
阿蘇亦都有一個地方都算係著名景點 就係白川水源啦 日本真係好鐘意睇水 好多淹啊湖啊河啊水源啊都經常係一個景點
泊左架車係白川水源駐車場之後去左揾野食


白川水源係名水百選榜入面既其中一位 位於白川吉見神社隔離 佢係地下涌出黎既飲用水 據聞係終年14度水温 所以一入去就覺得好涼爽 協力金100円
如果有樽就可以裝水走 無樽佢都有賣膠樽的 1-5L既樽都有 佢得一個位好集中咁放左啲裝水既兜兜 果度就係水源～果個位先係最乾淨可以直接生飲既位 千祈唔好屎忽痕拎住人啲兜兜去下游裝水（咁岩我地去果時就係見到遊客咁做比人喝住左）
行入去既路上好舒服 但唔知點解四月份啲葉仲係紅紅地


突擊測驗 呢個植物日文叫咩名 up唔出自己碌返前面温書

姐係係日本有拍拖
Btw個士多啤梨雪糕好正！

真係好好睇樓豬一定係個好心地善良嘅人嚟 仲做啲日文小知識比讀者睇 呢個係第一個我追到底嘅遊記另外想講你係雪櫃上面立食好可愛我考咗好多次最近先合格到n1 本來對日本有啲灰心睇完又愛返日本了 我會一直追的 樓豬有時間先好寫啊 唔好捱夜 好好休息