日本WH - 過得最唔似「我」既一年

tanpopo.. 利申唔識日文
btw樓主好適合教書，好有耐性同心機

反而係我好多謝一路有睇post到依家既巴打絲打 仲有一直有留言支持既各位
我每個留言都有睇 亦都見到唔少人記到d日文走 比左好大既動力我
雖然我知既都唔係好多 有時寫出黎我都驚大家會嫌太長太小學雞會無興趣睇但希望我既經歷+相+日文小解釋+豆知識 會令到大家對d詞彙既印象更深刻啦 唔好淨係掛住睇我d宮心計 thank you
不過我依家苦惱緊 因為後面d工無第一份工咁精彩 諗緊可以點寫好~ 仲有中途旅行果d大家又有無興趣呢

ぜひ、応援してるからね

下一站 蛍火の杜へ（螢火之森） 取材地
上色見熊野座神社 (雖然好靚但我懶得P圖 因為太多相同好多野要打 所以我基本上都無特登p圖 將就將就)

主要係求結緣「縁結び（えんむすび）」同工作 因為佢入面既御神木係竹柏樹(なぎ）
日本既神道係對大自然既信仰, 因為萬物皆有神, 數量甚多, 所以亦都被稱為「八百万神(やおよろずのかみ)」
所以除左參拜神社供奉緊既神之外, 日本人會覺得周邊鎮守住神社既樹都係有神體, 所以尊稱為「御神木」
特別係神社入面有時會見到特別大棵特別耐歷史既老樹, 日本人都係會參拜埋的

竹柏有淨化除魔既「功能」, 實物上特徵係佢啲葉無脈絡 比起一般樹葉無咁容易撕開 所以都有良緣不斷嘅意思


爬到中間就會見到佢個神社 雖然本身冇諗住求啲乜嘢


但一場嚟到仲要行到身水身汗所以都係求咗個籤 好似中吉定小吉
再繼續條路好斜 小腿就黎爆炸 去到最上面就有一座勁大既石「穿戶岩」
傳說中穿戶岩係健磐龍命（即係阿蘇大明神）追殺既鬼八法師, 為左逃跑而一腳踢爆左大岩石變左咁樣有個大窿
因為咁大舊石都阻唔到鬼八法師, 所以呢舊岩都有「必勝」, 「有志者事竟成」既意思
雖然我唔知我影緊咩 我個機位係窿底哈哈哈哈


落斜先悲劇 又濕又滑又斜 每步都淆緊自己會sir 落去
其實佢上黎果時有提供行山竹 有樓梯都係勁L大級

行完成身汗之後就決定左返黑川隔離既白川附近浸温泉啦 要揸返去既山路好迂迴


y君之前跌爛左電話 所以順便回程果時去一去電訊公司鋪頭 我同奈奈就係附近散散下步見到有one piece既宝くじ(たからくじ) **宝物(たからもの)




估下我有無中




點知去到白川發現死城咁一個人都無 連旅館都係休息中 定唔知執左


Y君就話難得一齊出黎咁不如去瀨之本啦 因為無車既人係絕對去唔到
之前都有提過下瀨之本係我覺得黑川入面個景最靚最露天既温泉 因為佢真係算係山頂


入去果時一個人都無 所以偷偷影左相
唔好學


浸完出黎太陽都落山嚕

りゅうめいいたします

上色見熊野座神社好靚，可惜唔渣車去好難搞

浸完上車奈奈話好啦返宿舍嚕 我呆左一呆因為我以為會食埋晚餐先返去 因為Y君都覆左okok 所以我就無出聲 送到返去女子寮樓下準備落車果時
Y君： 蟹さん一緒に晩ごはん食べない？（蟹さん要唔要一齊食晚餐）

我：おー喜んで（樂意至極）*把口雖然咁講但我掙扎左一陣 想去係因為公司果日係便當 唔想特登行返去食 唔想去係因為奈奈唔係度我秒變社恐

Y君： 助手席嫌なの？運転士みたいな（你唔坐副駕駛？搞到我好似司機）

我：。。。。すみません、お邪魔します（唔好意思打攪哂 之後就即刻坐返前面）

因為一直都無乜同Y君單獨玩過 除左返工佢替前輩果啲日子會傾計之外 一齊出去玩都唔會傾計 所以我又好撚尷尬 加上佢講埋我當左佢司機我更加唔好意思

88左奈奈之後就去小國町度食晚餐
ちくわ揚げ　ちくわ係獅子狗
同埋イカの唐揚げ 炸魷魚


第一次食馬肉刺身 我叫左3000円既定食 不過呢間唔好食啲刺身係冰箱拎出黎 我咬落去仲有冰沙
左上角啡色果碗係馬ホルモン （內臟）



仲有甜品わらび餅(わらび餅) 同雪葩（シャーベット)
わらび係蕨菜 所以わらび餅雖然無草味 但都係同一般既糯米糍/年糕（もち)係唔一樣

之後有特登揸車帶屋企人去 佢地無興趣

咁私人既事都肯同你講
係咪有下文

日本出軌率係咪世一

奈奈特登製造機會俾Y君

擺明係

Day20 返工晏就係前一日既便當 都係走唔甩 因為食堂姨姨記得係我地幾條友無食 被逼食返


最近又變返我同前輩兩個人做 H妹妹比人調左上二樓 但呢日食飯果時係飯堂撞返佢
佢一入黎即刻叫前輩～仲坐左佢最近個位 成個飯堂得我地四五條友 都要同前輩坐到膞頭貼膊頭 飯堂係中間一張大枱 四邊各一張木長櫈坐得逼啲係可以三個人 但通常都兩個人坐 大家無close得咁誇張 同埋張木櫈坐得太多人會好似就黎要散咁
我同前輩食通常係坐埋同一邊長櫈方便傾計 H妹妹近既程度係 係前輩既另一邊逼埋上黎三個人坐

跟住前輩忍唔住坐靠近我果面 我又忍唔住坐過左隔離張櫈 大佬好逼 右手都抬唔起黎食飯
食食下突然有個40左右既西裝男人入黎揾H妹妹 仲握手話この前おかげさまで無事に完了しました。ありがとうございます。(多得你之前幫手最後完美解決到, 多謝你)
H妹妹撥住頭髮嬌地嬌氣細細聲講いいえいいえ、無事でよかったですね（唔洗唔洗, 解決到就好啦) 個西裝男走左之後 其他人八卦問佢咦西裝男邊個黎
H妹妹: 確かに総社からのマネージャーとかですね。(應該係總社黎既管理層啦)

因為我對H妹妹無興趣 前輩又對八卦無興趣 繼續討論緊放工去邊玩 大家都基本上唔會有其他野做就suppose左大家都去到 最後前輩話我應該未睇過鯉のぼり不如就放工去睇啦 仲可以去浸附近個溫泉(不過係附近黎講算小貴) 有人車又有街出我是當然無意見的 我地食完傾完就即刻洗碗係佢地仲八卦緊時候就走左

點知放工同大家講今日去杖立溫泉睇鯉のぼり既時候 a醬同s姨都話今日唔得閒 Y君就要番夜班所以去一去6點零就要返番黑川 所以最後係Y君同前輩一人揸一架車去 本身我諗住同奈奈一齊坐邊個架車都無乜所謂 好死唔死佢話哎也如果我同蟹一齊坐一架 咁另一個人咪好慘囉 明明一齊出去玩 但得一個人揸
我心諗 喂佢地一D都唔慘啊唔好拋棄我

樓主對住兩個3 5 識7 嘅㗎妹都咁落力介紹， hk 交通點都冇日本咁亂。 相對日本人都好虛偽，帶埋佢地遊走hk都可以咁講野。

因為杖立溫泉都係第一次去所以除左睇魚之外都係要觀光下
點知遇到隻勁痴我既貓仲要係我最鍾意既品種 好想抱佢返屋企
即刻諗起呢首歌https://www.youtube.com/watch?v=uxYLXaXtH9I
鍾意小動物既人睇呢個mv應該會喊死

喵喵係我禁緊電話既時候走埋黎自拍

近到對唔到焦啊喂

本身一直有帶貓糧係書包 但放左係車

瘋狂貼貼

仲係Y君背後R蛋


因為溫泉好高溫 所以入面都有個比大家蒸蕃薯/雞蛋 呢張台個窿係蒸汽出口位 要蒸果時係要將個木籠搬埋去蒸汽位先蒸到的


隨機小測驗又來了: 「蒸蔬菜」同「蒸蕃薯」既日文係?
蒸蔬菜唔識要自己打自己手板三下 好似都講左幾次

係蒸籠附近有個販賣機我就無影到啦 因為我地忙住要夾銀仔出黎買蕃薯 個個都無硬幣係身 唯一一個500円係新幣唔收 最後去左後面個旅館唱左個500円先買到 上網偷既圖



好似都係幾粒雞蛋粟米2舊蕃薯 但先500円都ok抵
之後就拎左去蒸啦 等緊蒸好既時候好痴我既貓貓突然比大白搶野食 隻大白個身已經睇落好多蟲 仲要行到勁埋 我地全部散開左 我都驚會帶埋d蟲上車
本身我仲有盒團子比Y君拎住 點知大白一跳過去巴左盒團子一下 Y君鬆左手跌左盒團子落河沖走左......... 欲哭無淚 128円一粒都未食過就無左


終於蒸完蕃薯 但岩岩食完飯無耐唔係好食得落 同埋巧熱放唔落口


食食下發現風停了 變哂死魚


之後就黎太陽落山 y君都要返去番夜班了 我同奈奈同前輩就去浸溫泉 入浴料1600円 100%溫泉仲要入面都幾大 有5個泉 秘景feel露天泉 上網cap左張中間最大果個泉



仲有桶溫泉 一個人坐果種

我地唔可以一竿子打翻一船人 人地個家族特別D但講到血統就有d搞笑

除左係一場黎到要浸番個溫泉之外 仲有因為想埋鯉のぼり夜晚既ライトアップ(點燈)
浸完即刻滿心期待奔返落去睇 點知……一動也不動


仲要已經八點幾連食飯既地方都無 最後前輩車左我地去便利店買野食返去食 因為我叫奈奈過黎我房一齊食 前輩仲話好慘明明一齊買 我同奈奈就可以一齊食 佢要孤伶伶番去自己食(一人ぼっち) *之前紅左一排既孤獨搖滾 佢叫ぼっちちゃん就係因為佢成日孤伶伶
果時新出既莓醬雪糕 又好酸又好甜 好似仲有隻抹茶? 果時同奈奈一人一款share左黎食


便利店既垃圾食物


頭先掛住講喵唔記得左up埋d散步相
勁靚紅白粉都有



其實佢d水都係好清 認真望可以睇到河底


成個杖立都係係山谷入面 好q大風(間唔中)


睇google map會見到杖立溫泉其實係大分縣同熊本縣交界
上係大分下係熊本
所以係中間反覆橫跳 我就來回大分熊本又折返人間w

Day21 無咩特別
午餐

晚餐

唔記得係邊個幫我拎了 總之好多人見到我坐低食飯就會推個辣椒粉過黎哈哈

放工果時同A醬散住步返宿舍路上見到好靚既花 佢仲特登down左個app黎睇呢個花叫咩名


四月既黑川綠油油~


Day22
lunch係最愛既炸雞~~


晚餐仲加多塊漢堡

食食下飯突然上次見過既40歲左右西裝男又行左過黎同我握手 仲要勁大力 話久仰大名啦聽聞蟹さん係呢度唯一一個外國人
我話唔係啊之前都有個台灣(雖然我都無見過)
佢: フロントとか接客に興味ないですか。（你對前台或者其他前線位係咪無興趣
我: ありませんですね。(無)
佢: 興味なってきたらぜひ教えてください、４国語もできる蟹さんがフロント行けば助かります。　（如果有興趣既話聯絡我, 4國語言都用到既蟹さん去做前台既話就真係幫大忙了)

內心OS 唔洗期望 我係唔會去架 炒散你由吹我唔脹既

食完就去左浸溫泉こうの湯

號稱日本第一深既立ち湯深162CM(不過係男湯) 女湯得130
浸完去沖涼既時候仲有阿姨搭嗲問我係邊度鄉下 D口音咁特別
我話香港 跟住阿姨就話佢都好鍾意香港啊~ (好多人都係會咁講)
跟住就問話香港有咩推薦 我都係話要去山頂睇夜景啊同飲茶果D

繼續留名支持樓主

d飯菜真係好吸引

日日都食得咁好咁嘅

食白飯都要落辣粉