日本WH - 過得最唔似「我」既一年

lm 雖然已經過左WH既年齡

好想形容下果個煙味kiss係咩感受 但真係隔左太耐唔係好記得
淨係記得佢個煙味一d都唔濃烈唔嘔心 仲要第一下就咁輕輕掂一下我地兩個即刻彈開好害羞

寫寫下忍唔住擔心我離開左黑川呢份工同Y君之後既working holiday會無人感興趣添 提提大家我呢個係認真post黎的唔好搞錯重點

睇返最後果幾餐員工飯堂d相發現全部都係炸物




仲有炸獅子狗 ちくわの磯辺揚げ （いそべあげ）
本身炸物係叫唐揚げ 炸獅子狗都可以ちくわの唐揚げ
但因為佢個炸皮有混左D紫菜（のり）入去 海苔有另一個叫法係磯辺所以變左ちくわの磯辺揚げ


兩個月已經瘦左10公斤左右 真係返工日日行黎行去 d野又重 食飯又唔算食得好多 同埋日本蔬菜真心好食 成日會特登夾菜食 仲有超市便利店無車去唔到 想買零食野飲都無 不過我有懷疑過係咪日本天氣太乾 個人d水都抽乾埋先輕咁多

Day56
其他同事仲有推薦過有間食開心果芭菲 同y君講完之後佢話呢日放工去食 但因為佢放假出左街 要3點幾先返到黎車我 但間鋪last order 3半 我就話算啦今日唔去啦都趕唔切
因為一早約左佢又好似好對我唔住咁話咁車我去兜風 之前已經去左大觀峰
呢日天氣又唔係特別好 所以去到大觀峰附近求其搵左個展望台hea下就算


揸揸下周圍兜下又見到之前熊本地震仲未重建好既地方


發現阿蘇有間幾靚既mont bell


上次行左少少山之後Y君好似好有興趣想多d上山呼吸大自然既空氣就想買對行山用既鞋 順便去mont bell睇埋~
同埋因為我d行李都有增加左少少 我都想買個backpack黎取替本身個走佬袋解放雙手
不過係真的貴 放棄XD