日本WH - 過得最唔似「我」既一年

放工前同左大叔講我想跟車去超市買野 姨姨們同我上哂車之後突然見到頭先個和牛男加一個女仔係車外面同姨姨們講いつもありがとうございました。またいつか会えるように。多謝大家一路以來既照顧 日後有緣再見
雖然得一面之緣 應該炒散last day了

大叔車住成車女人放低左我係超市之後就去送其他姨姨返屋企 話十五分鐘後黎接我 對於平時係香港行個超市都無左半個鐘既我黎講係大挑戰 買返啲生果，肉，意粉同啲即食野就完左 買左士多啤梨



比埋錢出黎都應該先差唔多十五分鐘 大叔已經係出面得閒到抹緊車窗 又係勁唔好意思咁即刻放低野問有無野幫手 佢話隨手抹下姐行得架啦就踏上左歸途

返去又尻尻下食埋晚餐浸埋温泉就返去
蓮藕 都是蓮藕不過好食 日本啲蔬菜真係好食啲 仲要九州人好鐘意食甜 我就黎頂唔順

好奇佢地覺得張本智和呢啲人有無口音
https://youtu.be/6-Xg5a2jmco?si=CE4dZssnmfh6HKBX

張本點會有口音阿⋯佢係日本出世日本大㗎喎

多謝巴打解答
有啲誤會
因為我兩個問題擺埋一齊
第一部分係講緊你會唔會因為口音/腔
有理解/聽唔清楚之類嘅問題

不過都好詳細
同埋反而解答左我一路嘅疑問
尤其我係初學
如果可以慣用比較純正嘅口音
以後都少啲矯正/理解錯誤嘅機會

我識嗰個美國日本人
一聽我講都話我講得正
但好唔日本人

心諗是咪玩野
係客氣說話定做咩
點樣正但好唔日本人

我諗佢意思可能就係巴打講嘅問題
可能我個字發音
甚至高低音都啱/近
但就係hit 唔到exactly native 個感覺

樓主好有心

樓主寫得好details，好睇

樓主呢個post好有幫助
支持

留名

口音導致理解唔到好似無 但高低音搞錯佢地係真係會唔明
岩岩學日文都知例如雨同飴　同一樣既字唔同高低音已經係兩個意思 想話雨降ってるね但讀錯左飴 佢地就會係個腦諗緊跌緊糖？邊度跌緊糖 甚至因為ふってる仲有其他動詞既意思 唔好諗我地咁樣連埋動詞講爭少少佢地一定明啦 反而就係前面錯 後面動詞佢又唔知應該套邊個意思上去 成句炒哂車就會R爆頭

你朋友咁講既話我覺得佢係指你發音OK但用詞造句唔好 因為你係真係同緊一個人講野 如果用返跟書學既講返出黎變左書面語 比著我地聽到外國人字正腔圓用廣東話咁問你吃了飯沒有呀 都會覺得佢發音好好但唔似香港人講野

最常犯既係成日會講　わたしは　俺は等等既主語
而日文係通常會略過 呢樣小問題都會導致自己既日文似唔似本地人

仲有啲例如やばい　マジで　本当に
呢種睇落好尻但好常用 就算你乜都唔識 只要感受到大概咩氣氛用返落去 加啲えー咁樣 就已經勁日本feel
但廣東話真係好少呢種 通常聽人講野 一唔係就點頭 一唔係就55 好少做到咁浮誇

同埋ですね　でしょう　ですよ 呢啲好簡單既野 都係係口語上幫到自己扮日本人的

塞左比日本人聽 佢話100%本地人講法
定你想話講得咁lur 佢地會唔會覺得唔日本
依家既日本後生仔特別係關西人都係咁既款快到喊

tldr
overall好定唔好？

好遇到好多好人同人生第一次既野

會唔會長居？

有呢個想法 但驚自己係一時衝動 所以返左黎冷靜下順便儲錢再諗

生活體驗好過香港就應該狗衝

好撚好睇 樓主快手update please

想問下拎住wh去玩，同本身就咁去玩有咩分別？
本身都180日免簽
想了解下個原因

因為佢父母大陸人黎 佢細個同時有學中文同日文
好似何詩蓓廣東話好流利 講野腔調都有少少唔同

好新鮮 第一次聽香港人去日本留學既分享你係讀English based?

長住可以拎永居唔一定要入籍 反而入籍好似仲簡單啲

好睇 lm

姐係依家已經返左黎?

返左黎幾個月了

唔係呀，普通留學生唔係英文
嚟到讀咗兩年語校先，中途去考EJU（留學生想入日本嘅大學基本上一定要考嘅試），再報大學
入到去都係日文上堂日文交功課日文present等等
當然我讀嗰個學部有用英文上嘅堂，不過日本人都可以take，所以基本上同日本學生冇乜分別

見上面講緊學日文嘅嘢，雖然有啲阿媽係女人，但個人覺得想學好一種語言最好嘅方法始終都係去當地同多啲本地人接觸
我又講吓自己嘅經驗
我一開始係齋背咗50音就嚟咗依邊
讀真嚟到讀嗰兩年語校，讀寫係可以但講同聽嗰方面真係冇乜信心，因為語校你身邊嘅人都唔係日本人，唯一接觸到嘅日本人係得老師，但講真你又唔會點同佢接觸交流
所以頭嗰兩年都唔可以話自己「識日文」

係入到大學+開始做pt，講同聽日文嘅頻率同機會都多咗勁多，因為身邊全部都係日本人，仲要後生仔女
識得越嚟越多fd，接觸得越嚟越多人，同佢地講嘢+聽佢地講嘢會學識咗好多slang，知道真正日本人係點樣講嘢（點樣諗嘢）
我覺得學一種語言，除咗溝通到之外，最重要係理解埋佢背後嗰個文化，佢地嗰個民族啲人係點樣諗嘢
講日文嗰時用到日本人腦嚟諗嘢，嗰刻先係真正「識」嗰個語言

去到依家我都幾有信心可以話自己幾融入到去日本人圈子比啲fd話過差啲唔記得咗我係外國人