日本WH - 過得最唔似「我」既一年

因為岩岩到埗又仲有整整一年時間會係日本 行程都無諗住咁chur 作為自由既靈魂 我連福岡除左博多天神之外仲有咩地區係出名既都無search過 所以行到中洲先發現 原來呢個地方仲出名係夜遊び 就算係晏就都已經見到有dキャバ嬢同ホスト係度拉客

唔小心闖左入最集中果條街之後即刻dup低頭由街尾狂奔到街頭
之後發現我行L錯左路 我心心念念既一蘭完全係相反方向 最後默默地行過多兩條街離開哂dキャバクラ先行返去岩果面




點知4點零既一蘭都仲係要排隊 明明我印象中既一蘭就係量少+貴性價比麻麻地 而且博多天神周街都係拉麵店 但個個塞哂係一蘭度 仲要好多都係日本人


我喜好係重口味+硬麵+辣 一蘭既辣係幾好食既但唔係太鍾意幼麵 同埋佢都仲係有d麵粉味 浸耐少少又會覺得佢會爛會杰撻撻



因為一蘭起家就係福岡 所以有只有福岡食到既限定版 不過因為我乜都無查所以我果時唔知
比我揀多次我會行多幾步去天神試下限定版 釜だれとんこつラーメン（重箱丼）

天神西通店
福岡県福岡市中央区大名2-1-57

順帶一提個碗特別既仲有太宰府分店 五角合格拉麵


PS我無食過既相都係上網搵的~

要睇下內容 例如前面講緊另一條友點點點睇 我就咁咁咁睇既時候同一段野入面有角色既轉換 都係會用返わたし方便理解

我諗日常唔講わたし既意思係 例如我好累 我好肚餓用日文唔會講私は疲れた 私お腹すいた
而係就咁疲れた　お腹空いた　因為呢種係好個人主觀既感受 唔會漏左個主語就唔知你講緊自己

文字黎講都有分正常定casual 普通傾計既話同口語一樣 寫文章既話通常都會寫

介紹自己skip咗わたし，咁是咪就咁 ”XXです”？

yes~通常自我介紹都唔會加主語 因為大家都知係你介紹緊自己

總結黎講 唔會誤會係講緊其他人既就skip得
人地"有機會"以為你講緊其他人既就日本人都"有機會"會加返主語

睇完你嘅文，最近又真係plan 去黑川溫泉做中途站
樓主有冇邊間黑川旅館介紹？

我返工咋唔係好了解其他旅館入面係點最多都係去過個溫泉
係後尾同屋企人去過美里但好普通唔係好值 房細+早晚餐都唔好食
如果鍾意傳統和式&想食懷石料理既 唔建議 優彩&瀬の本高原

有睇 3條友我都係識d日文果時開始睇到依家
我本身仲覺得yuma好cute唉

似唔似Y君唔評論住 因為劇透比你地聽 Y君係仲會出現

食完一蘭又繼續起行~ 行行下就去左天神某DONKI 因為唔係帶左好多野過黎又擔心返工宿舍無淋浴露洗頭水果D諗住早早買定先唔洗心掛掛 但唔知點解行行下又去左二次元區


有d想買黎整又驚自己無乜心機



行完donki附近有間牛角 lunch任食最平都係2280好想食.. 一蘭唔加底係真係食唔飽

又行左唔係好耐就到左櫛田神社 櫛田様被稱為博多區既守護神 佢係保佑不老長壽 生意興隆的神明
應該唔少人聽過既7月初係福岡搞既 日本國家重要無形民俗文化財祭典「博多祇園山笠祭」都係係呢個神社舉行的~




山笠其實係用紙造既類似花車咁既物體(不過係人力抬的) 某程度上同青森既ねぶた好似 但我自己睇相山笠通常係向上發展 而ねぶた係向橫勁巨型勁浮誇既都有
呢個係福岡既山笠~



因為好多人行左一陣就想快d走 之後去左商店街尻尻行 好多鋪頭已經閂左門 搞完一大輪都已經6點幾太陽都落山了


路經一間藥妝 天氣涼係涼 曬起上黎都真係好毒 本身雖然唔易曬黑但好易曬傷
又um左千幾円出黎買防曬 覺得呢個牌子既有色幾好用幾自然又唔易甩 不過要洗要用卸妝油



最後行返去博多站行商場 未入到門口已經見到有我愛既駿河屋同書店



果時既HMV仲搞緊泰仔既展


仲有なにわ男子出左新碟


講起なにわ男子 因為本人唔好呢種健氣正太 同佢地d歌都好動畫feel
不過都有一兩首接受到
https://www.youtube.com/watch?v=HZmQ1-UxlFs

是日晚餐原本諗住係もつ鍋 福岡出名既牛腸鍋 點知排哂長龍過左隔離食芝士吉列豬扒


仲要自己磨芝麻 不過真係好香

但結論係無特別推薦 好膩


返番膠囊望住自己個櫃慘不忍睹 太多野拎野放野都好困難 眼不見為乾淨


福岡Day 2 訓飽起身出門食早餐~
膠囊買左包早餐既package以為佢有canteen提供早餐 點知係比左一疊早餐卷我自己去café換早餐set黎食
ABC三選一

呢日係 set b~ 入面係煙肉炒蛋



好少係café咁悠哉悠哉嘆早餐 諗住開返d舒服d既歌黎聽下 點知禁到個list明明寫放鬆但入面既歌好似唔係好放鬆


食完早餐行返去商場醒起琴日錯過左既牛腸鍋 去望望發現無人排隊 所以食完早餐都未落格的me又去左食もつ鍋 11點零入到去都幾full 佢比左個4人位我佢仲要全部都有門隔開哂私隱性好高~
好低調咁叫左個1680set就算



係好肥既腸

同好瘦既馬肉

想話日本商場成日都會宣傳EPOS張卡 仲會出好多唔同角色既聯乘
呢日行過係ヒプノシスマイク


其實就係一班聲優組左個幾個rap group要battle咁 唔想睇聲優本人生成咩樣既話唔好禁入黎睇~ 出左堆歌仲開過concert仲出左動畫 有d歌幾好聽
https://www.youtube.com/watch?v=SSvGPQNrtwQ

食完野散步行行下就又行到去川端通商店街

唔知大家有無個小習慣 去到一個好似地標咁既地方就會search下佢有咩出名 有咩特色 有咩歷史
一search呢條街就彈左一間有d歷史既「川端ぜんざい広場」佢官網自稱係日本第一甜既紅豆年糕湯 仲要淨係開星期五六日
的確好L甜 仲要唔係好食既甜度 覺得整到咁甜無乜意義 本身唔係太好甜既我d紅豆湯無食哂不過年糕好食但得兩塊仔


仲有另一樣特別D既係佢鋪頭入面都有個好大既「飾り山笠」

多謝指教

Then食得太飽都係係附近坐下先 商店街附近有個公園仔好chill


商店街又有間賣韓國野 果時仲未食厭日本野所以對韓國麵完全無興趣


街頭有間炸雞便當 前一日路過果時已經流口水 決定呢日既晚餐就係佢啦


行過對面街就有間超市 買埋野飲去返中洲條河度食



好好食就算係便當都仲係好脆好juicy 個汁又好食拎走左個汁無影到 買左蒜蓉醬油

食完隔離就係運河城順便去行下 果段時間係星之卡比EVENT

仲有間cafe不過無去食

咁都叫渣

推吓先

本人覺得無諗住一齊又撩人扑野既都唔會係好人

Day 3 早餐係set C


食完就慢慢搭鐵+巴士去糸島了



主要目標係燒蠔小屋 咁岩我去果排好似已經尾水 無乜人


仲有教點樣燒出美味的蠔


我印象中好似呢台野加埋個炒飯都係食左2000幾円




炒飯有幾粒蠔 但佢個飯係濕濕地唔係中式炒乾哂果種 鍾意食飯蕉 搓左d小飯團自制焼きおにぎり



食完又要等巴士繼續前進 一個鍾得一班 影相食野記得睇時間

中間本身想係打卡果D位落車 點知未落車已經見到好多人我又要改變計劃去左差唔多最盡頭既櫻井神社先


車站行過去既路上一直有陣牛屎味


個神社好靜好少人 加埋D 白櫻花個感覺唔知點解有D淒美

去完神社又上返巴士去二見ヶ浦夫婦岩
多人排到一個點 天色又麻麻又得自己一丁友廢時排了
I人表示排完我都唔敢set腳架自拍/叫人幫我影 唯有zoom近少少諗住後製cut走哂d頭頂(當然懶到依家都未整 是但啦)


再行過一段路同佢合個照就自己收貨


之後行左去附近既小店食雪糕

事關巴士一個鐘先得一班 望望google map離下個想去既point都唔係好遠 最後都係靠兩條腿行左過去打卡


有呢個唔知點解可以整到呢個造型既木心心

咁岩行到呢度就有兩個香港女孩子搵我幫手影相 影完之後主動話到佢地幫我影 仲要我淨係識V字手 佢地睇唔過眼叫我坐下企下影下背脊


大鞦韆 坐果個位係一塊滑浪板 好平好跣好驚坐唔穩就跣左出黎


朝早出門果時都見到會落雨 但行左大半日都無落到諗住OH YES可以乾住返博多(因為仲未買遮所以睇完天氣報告都係無遮係手)
點知行緊去大鞦韆既路上就落雨了 背嚢濕到入面都濕埋


搭巴士果時發緊吽豆 吽吽下聽到司機好燥底咁叫住兩個諗住落車既人stop聽左一陣應該係果兩個遊客係巴士唱完錢以為自己比左錢 無入落個錢箱位就諗住落車 爭d唔小心霸王車左

夜晚返到博多去左拉麵街食一幸舍 (個人覺得一幸舍好食過shinshin 但點解shin人氣咁高)

上次喺福罔食一幸舍覺得完全唔好食
完全係吹大咗

等更新

支持樓主

今日下晝發現呢個post，由#1追到而家半夜三點幾終於live

睇你嘅文字好舒服，內心os又好搞鬼

期待你嘅更新



對於我哋呢啲錯過咗/當年唔容許任性嘅人，真係睇得好安慰

糸島真值得去
踩住架單車 好舒服

我而家就係喺日本WH 緊
不過同樓主目標唔同
目標係去晒成個日本旅行 同埋儲御朱印

樓豬加油
下星期一都出發去大阪WH
租咗間屋 但未諗返工呢樣野
打算去東北仙台嗰邊玩返一個月
比自己思考下人生意義
有無大阪WH既ching/tg group可以圍爐