日本WH - 過得最唔似「我」既一年

又睇左三次都無發現 好彩係日本用既花名

駛唔駛剷?

原來佢地真係叫你 蟹 chan
仲以為係化名

樓主冇事啦 睇唔到
等你繼續

樓主你去左邊

蟹咩事架

Day28 訓左兩個鐘到死死下咁返工 返到去發現咁岩同Y君同一層 落到去見到佢就即刻問我訓得好唔好仲特登煲左煲熱水沖左杯暖水比我飲 之後話唔舒服你就再抖下 我整得架啦
當然我係唔會咁仆街所以一路吽下吽下做野
連午餐都無食 完全無胃口 食左半碟菜加個茶碗蒸「茶碗蒸し(ちゃわんむし)」就收左


放工見到A醬問我有無遲到 我又問返佢行山行成點 點知佢地去左附近既そば街道食そば解酒
但我都mark左想去好耐 錯過左

放工仲係吽吽下Y君車左我返女子寮訓左陣先落返去食飯浸温泉 食完撞到A醬就去左買雪條一路食一嘅係車傾計
講起其實我去日本前好躊躇覺得自己去working holiday 有啲任性 家境又唔係好好 有種掉低左屋企走左去既感覺 同埋一早知如果我係去既話都唔會有餘力比到錢屋企人 A醬安慰完我之後第二日仲比左封手寫信比我


屌真小天使
勉強熱心　べんきょうねっしん
悩み　なやみ
不安　ふあん
ちっぽけな=渺小

Day 30 lunch炸雞便當

一直都唔明點解佢地預製仲擺埋係盒入面既炸雞都係脆既 點解香港做唔到

之前聽返過夜班既Y君同前輩講 同老細申請又少客既話 都可以比我地去食客餐 我地大概早左一個星期問左老細OK就去左食啦~ 當奈奈farewell飯
仲記得果時a醬po左個story大概係buffet眾生相
因為我係咁 仲要頭兩盤一次過拎哂先坐低慢慢食





A醬係每樣熟食真係拎得一件 個盤勁空
奈奈係食左凍野先
不過無cap圖搵唔返lu

Sorly 呢幾日忙緊其他野唔得閒更盡量返工儲定啲更快少少 哈哈

話說上星期同Y君傾計佢話佢中左COVID「コロナを感染した(コロナをかんせんした）」
所以雖然已經過左呢個話題好耐都分享下少少佢地會點講


初（はつ)＝初回(しょかい)＝初めて(はじめて)
熱(ねつ)=發燒 やばい係度用係まずい果種既負面意思
まずい通常係 大獲/糟糕/難食/唔擅長等等既意思
布団(ふとん) ＝被竇
食欲(食欲) 我記得中文應該係用有心果個慾 但日文係無心果個
冷凍もの(れいとうもの)=冷凍食品(れいとうしょくひん)
熱治った(おさまった) 唔係用治した(なおした)
頭痛(とうつう) 筋肉痛(きんにくつう)
壁伝い(かべづたい)=扶牆
壁伝いじゃないと、歩けない
と=連接詞 因果關係 所以係 唔扶牆既話行都行唔到

不過Y君啲日文都係怪怪的 平時用唔著黎做教材

呢個係line?
靚過wts好多

係啊 我呢個係課左金買多啦a夢theme

睇完
懷疑樓豬係真毒，有好多位都....
btw好睇 睇到一個好生活化日本生活日記

請問機場有咩parttime可以搵？

我識兩個台妺都係機場賣店
如果要上網search就係咁揾 記得要揀外国人可/留学生可
如果有寫埋語学不問就係唔睇你識用咩文/唔洗識日文
例如呢個就係睇行李帶/checkin案內/liner之類既post
睇落好pay 但機場附近啲租屋會貴


另外唔睇日文既工 JR外國人向既觀光案內都有機會
我都識人做但佢日文好好應該競爭都好大

請問係咩網站見到？

做咩事 同我分析下 我要脫毒

第一次食馬肉刺身 我叫左3000円既定食 不過呢間唔好食啲刺身係冰箱拎出黎 我咬落去仲有冰沙
左上角啡色果碗係馬ホルモン （內臟）

呢碗野係咪馬腸黎
上次女朋友去食左兜牛ホルモン
佢話一啖咬落去全部係肥腸脂肪, 食唔落

9月底回到黑川住一晚，可以同樓主相認

咁又唔洗 繼續做好自己
等你出文

Day 31
一大早奈奈就要出發搭巴士返福岡特登約左係公司門口集合講88 黑川小天使1號要走了 有種離別既感傷 本身係喊包（泣き虫) 喊到鼻都腫埋 奈奈仲話第一次見人リゾバ同人講88會喊

之後終於影左咁耐以黎第一張合照 同埋因為之前A醬寫左封信比我 所以啟發到我回信比a醬同寫比奈奈
重點係本身毫無準備周圍又無得買 (有postcard既但完全唔靚) 最後問左a醬借信紙話要寫比奈奈 一手好醜既日文字 同a醬比真係一下子比左落地底比奈奈既



比a醬既

啲日文太柒唔公開了

連午餐都即刻唔香 雖然食左陣先記得影相


宿舍廁所個燈膽壞左去左揾大叔拎 點知佢比左另一個頭我 因為唔知可以點形容 最後都係新同舊既都拎返落去叫大叔揾下有無我果款


晚餐係南瓜咖喱 雖然阿姨會加啲詭異既蔬菜入去 但都架不住好食 我記得有出現過蕃薯咖喱同茄子 真係挑食啲都生存唔到

我唔記得腸定肚定邊 佢入面果層肥野去走哂 所以無特別覺得肥
但佢陣味食落好奇怪 雖然我接受到 Y君完全接受唔到

我返左香港做社畜啦黑川係上年既事了

見到你遊記好吸引

搞到我都想試下去
可惜我年齡應該超哂wh 限制

日本最盡好似係31歲生日果日之前交表都得 但我唔肯定 去到咁盡要check 下