日本WH - 過得最唔似「我」既一年

一早已經諗好去唔係比自己抖下嘆下, 唔係純玩一年既話都係要老老實實打工生活
所以雖然係2023年既3月中先出發, 但早係2月初左右已經上網搵定工
仲要因為我係oversea, agent果面特登拎埋我skype id黎聯絡同做 interview(雖然唔係好正經果種in, 主要係普通傾計睇日文流唔流利, 我諗因為我揀既地方真係算幾偏, 傾左一個鐘左右) agent仲有講明果度d人事都比較多舊人同好少調動, 會有好多姨姨叔叔級既管理層, 所以要預番可能會溝通上唔夠順暢 仲要有濃厚既九州方言咁我搵工既緊係話無問題我會努力溝通

係呢度有d野想分享下, 日本有一種打工模式叫做リゾバ(Rizoba)
意思就係係resort例如溫泉區、觀光景點周邊打工短至兩星期 長至三四個月都會有 (不過最大部份一樣係會留2-3個月左右既applicant最易請)
而我就係因為想搵包食宿既工先唔覺意接觸到原來有リゾバ呢樣野

唔單只係外國人WH既時候會揀リゾバ, 日本當代年輕人都唔少會偏好做幾年リゾバ先去搵正職做(當然仲有好多年輕人無聽過咩叫リゾバ)
有一部份原因係佢地畢業就職活動競爭同壓力都好大, 同埋都會想襯後生玩多d先

大部份既リゾバ都會包食宿, 有機會宿舍每個月要收錢 / 每日得免費一餐 / 早午兩餐包埋放假日, 都係睇番個份工個係點offer出黎
另外仲有唔少工可以係唔同agent度見到同一份工, 但offer出黎既野係唔一樣
以我係果度一年四份工都係リゾバ黎講 總結出2023-2024リゾバ有三大agent
1) リゾートバイトダイブ (DIVE)
2) HUMANIC
3) グッドマン(GOODMEN)
日新月異,真心唔肯定依家仲係咪呢三個最大 但起碼我最後一份工周圍都仲係呢三間
每一間都有自己既特色同優缺點 如果大家有興趣再講得仔細d~

而因為本身自己目標都係想返一D偏遠地區想用全日文(自己日文唔擔心溝通唔到既程度), 唔想比人叫去用中英文應付返外國客, 所以揀左一個日本本地好似好大熱但唔係大量外國人會去既地方 (每日零零汀汀一兩group總係會有)

第一份工就去左熊本縣阿蘇附近既黑川溫泉
首先係博多搭高速巴士出發3個幾鐘車程 愈搭愈深山
但覺得好治癒好舒服 一個小山頭上面都有好多樣化既植物




黑川溫泉鄰近杖立溫泉, 呢架高速巴士都會停呢個站,
撞正每年四至五月初既 例行活動「杖立溫泉鯉魚旗祭典」　（鯉のぼり）

有關鯉のぼり既詳情遲D再分享~ 因為有一日專登去左睇

開箱第一個宿舍 後尾先發現 呢間已經係上簽 怪自己無好好珍惜

Lm
嚟緊11月都打算去日本WH 等緊佢批visa
不過我做咗幾年野 打算帶嚿錢去玩一年 唔返工了
返工留返喺香港返

我仲想睇埋自己接唔接受到日本職場
雖然最大部分都係財力唔夠雄厚

但返工仲有個好處係 例如你揾份返一個月都可以既滑雪場リゾバ
可以申請雪lift pass 加自己有gear既話就可以任滑
又唔洗擔心夜場無車出城要住貴酒店
同埋好多人會傾向chur返工賺錢 有啲得閒啲既post你直程可以request一日淨係返四五個鐘 一個星期四日咁 就可以住宿舍同狂滑雪

聽落好似唔錯
不過我日文得N4 同埋我同女朋友一齊去
所以都係打算輕輕鬆鬆玩吓算

留名樓主加油, 等睇你滑雪相

台狗有隻北海道女細
請緊人教滑雪
雖然台狗老細應該西但佢出價唔錯

LM

lm

因為一直有同幫我搵工個agent keep contact, 第一份工我係靠上面提過既Humanic黎搵到既

佢有問到我幾時會去到日本, 係邊度落地係邊度住（因為我會係福岡玩兩個星期先開始做野 人生第一次福岡 對於唔係做野既行程都有興趣既話遲啲再睇下開唔開post講）
所以臨番工前一星期佢仲有幫我search埋係邊上車, 搭幾點既車去之類 仲要知我第一次日本打工 有同我講埋去到點樣同staff講我係黎炒散既「派遣(はけん)」　我改搭早左一班車佢仲有幫我通知返果面dstaff (係我唔好, 無一早通知佢我決定左早d去) 勁多謝佢



但後尾聽番呢間風評都未到好好~ 唔係會拖糧果種, 純粹服務唔夠好。可能係我咁岩係佢最需要打工仔既時候撞左上黎, 所以好著重我呢個客仔

果日朝早佢仲有sd email黎問我準備好出發未, 仲sd埋落車後點行過去既地圖比我勁sweet




PS:
由於呢位我第一個認識既agent係一直用email同我聯絡, 我仲不得不感嘆過日本真係好old school同formal


落車後即刻拖住堆行李去做野果間温泉旅館 順帶一提一早諗好我會周圍去唔會留死係一個地方 所以帶左最小量既行李黎 一個28吋 加普通背囊 加一個走佬袋就已經係我成副身家 有去過黑川溫泉既人可能都會知 無論你係去邊間旅館 如果無車接送要徙步既話 係點都係斜路上落


千辛萬苦終於拖住啲行李去到前台講我係黎炒散
佢地叫我寄存行李「お預かり(おあずかり)」比佢地先再去common area等下


因為自己係呢一年都學左好多野 打打下醒起就分享埋啲大家都有機會用得著既日文出黎

正呀，好想去

我想下年去，所以而家係咪應該要學定日文，完全唔識日文

唔識都會揾到工 睇你自己aim咩
我係想真正感受日本本土生活 所以揀得好鄉 就會需要識日文

黑川溫泉都應該多香港人去喎，好易撞到要serve香港人

LM

話說標題話係最唔似我自己既一年 原因係原本既自己幾摺下唔鐘意跳出comfort zone 無論係一個人生活定幾個月就轉一次工 定係逼自己去social 對於自己都係一個挑戰
所以係一個陌生環境用自己唔算熟悉既語言溝通會令我好緊張仲要坐係度好慌係到諗緊佢見到我我要點打招呼夠正式之類
等左十分鐘左右前台隔離個office 就有人黎招呼我了
一開始佢想用英文 但唔流利 我用英文講我識少少日文 你可以講日文
佢即刻鬆一口氣話太好啦佢英文唔好 同埋佢啲資料得日文 跟住就帶我行員工入口同食堂 同埋去見黎緊既直屬上司 都係一個好nice既阿叔

第一份工實際係做執房 因為呢間係果個area都算比較國際化 同埋我想返工既時間都係得返後勤post 前台果啲通常要求三個月以上 為免要去招呼外國客 我都係選擇係後勤同日本同事為威喂 （雖然我摺但我會努力）

呢度包工作日午晚餐 宿舍租金加水電煤全免
我住女子寮三樓 房有洗衣機 有獨立廁房 廚房電視 但無得沖涼 要落一樓大浴堂沖
之後發現仲有男子寮同混合寮
問題係 宿舍同公司既距離 話遠唔遠 行返工10分鐘左右 但公司行返屋企大概15-20分鐘 因為係全上斜「上り坂」
真係行完上去感受到小腿腫脹

唔小心po左添 第二張係第一日既晚餐 佢係會有啲菜放係枱中間比大家自己夾 都已經係有肉有菜 仲白飯任裝 已經好滿意

第三張係自己間房望出去既景雖然係要行好遠 不過個景都係舒服既 當行多兩步做下運動

gchi

LM支持

LM!!!

北海道同青森成座雪山都係唔識滑雪嘅澳洲佬
同埋一堆香港台灣大陸人
識英文加廣東話同普通話同埋識滑雪嘅話幾好做

Lm 支持

係 長野白馬都好多香港台灣不過滑雪我仲係初丁
教滑雪既日本人識啲英文已經好揾

阿叔帶完我行公司之後就比左鎖匙我返宿舍
一瞬間個腦暴風諗緊仆街啦我仲要拖返啲行李上斜
好彩去前台拎返啲身家既時候入面個大叔出左黎話車我上去重點係揸車都揸左幾分鐘 我一路搭一路屌唔係嘛咁撚遠既 仆街了返工放工點算 仲要三層樓係得樓梯 我果32KG喼大叔話佢拎 我拎返背囊同走佬袋就得
點知佢一抽發現重到拎唔係好郁 我即刻勁尷尬咁係咁唔好意思一路抬住個喼個屎忽上樓

因為仲要登記在留卡既住址 所以一早同左大叔講 佢話轉頭放工3點左右會有車出一出市役所果頭 到時車埋我去
佢仲手寫埋宿舍地址比我so sweet




上車先發現成車都係姨姨呢個又係對I人既一大挑戰 佢地仲要傾得勁開心我完全搭唔到嗲 尷尬到淨係識玩手指
原來好多staff 都係住喺附近個町度 所以呢架係每日都有既接送巴 事關黑川內真係無乜野買到 要去超市買藥莊都要搭車3-4個字先去到町既超市或者便利店買

市役所內外都係木製 得一層平房但好大🥹仲要細分 登錄在留卡就係町民課

留名支持