生小朋友真係伏到仆街，將自己成個人生可能性摧毁咗….

窮養有時仲開心
擺太多資源有時會逼死個小朋友
父母角色好重要

真 所以
想做會有想做既借口
唔來做會有唔想做既借口

買樓結婚生仔
係令奴隸一世聽聽話話嘅中伏套餐

睇見我老豆老母都知係伏啦

細個唔逼佢
大個到社會逼死佢囉
你生個小朋友出黎就係預左佢做m記譚仔 自己窮仲要害多幾件咁不如咪生啦

一班未生過仔 又無家庭溫暖既點會明
會選擇生既 係知道家庭既重要
原生家庭幸福自然自然都想要個家

講到有錢人 唔痛
蔡局長 夠有錢未 廿幾萬一個月
結果呢
醫生生仔就一定開心？

見到細路就覺得憎
其實係咪反人類

你條垃圾，將對自己責任同可能性，放係未出世嘅小朋友度。你本身伏到仆晒街啦,講經

所以要極鍾意小朋友先好生

唔一定
我原生家庭好幸福都唔想生
我覺得二人家庭好幸福 無拘無束
星期六日訓到自然醒
有假期有閒錢就去旅行
鐘意就煮九大鬼唔鐘意就出街食
收工心血來潮約朋友/睇戲/做運動/happy hour
偶然約埋父母去飲茶快閃台灣又得

我啲錢鐘意點洗就點洗
想去邊做乜都唔洗諗細路

不過我幾時都鼓勵人生仔
我第時啲生果金同兩蚊津貼靠你個仔納稅

通常要問埋幾歲？
2，3字頭咁諗好正常，
4字頭都咁諗就真係唔想生。

幾歲唔講啦 總之身邊啲朋友都有啲生左仔
我覺得唔生仔都可以享受家庭樂
我眼見身邊朋友既四大長老為左湊孫幾辛苦，又同自己仔女有啲爭拗，又同話親家唔幫手

我同父母不知幾幸福，個個週末都一齊食飯，有時我親自煮餐好既俾佢地
有時攞一兩日假同佢地快閃台灣食好野，有時係香港去行半山日/去離島/睇多啦a夢
佢地退休後帶佢地試好多新野，例如浮潛
我唔駛佢地幫我湊仔做家務管工人，反而我陪佢地遊山玩水

有個朋友佢老婆好想生仔，佢自己好一般，結果順老婆意思生啦，但一個唔好彩中咗孖胎，所有嘢都變成雙倍，而家對孖胎十幾歲，佢日日掛係口邊就係佢好羨慕啲朋友冇生仔。

其實無所謂，不嬲都各有好處。

生仔意義係窮人服侍有錢人

有錢人之間亦互相爭鬥 鬥贏成為人上人

當無人生仔=無韮菜俾佢地割就會擔心自己變下一個窮人

所以提倡生仔都係高官權貴

有無問過佢地有無後悔
就咁聽都知佢地既決定無錯

我有小朋友都可以去旅行 睇戲 都有happy hour
錢就無想像中咁誇張 你能力應該可以輕鬆負擔
我估你係呢個moment唔鐘意小朋友者

其實兩個都係真

睇住佢成長 放工返到屋企叫爸爸攬住你 帶佢出街見到佢玩得好開心 呢啲真係另一種快樂嚟

不過湊小朋友真心好攰
係需要間唔中me time / 同老婆出去拍下拖 / 同朋友食下飯調劑下

係生活差既地方既人人先會咁諗
返工都冇撚左十幾個鐘 住又細又貴 生完又係上流唔到 本身又唔係窮到要靠仔女養老
為dna為家族都on9

因為佢地窮到未有知識認知自己係人礦
而個仔都係人礦
到某一代有足夠認知
佢地都會選擇唔生

咁佢地又無後悔 不過有個就叫我地唔好生
去旅行係可以 但又要就學校假期同考試期 行程又要諗小朋友岩食咩岩玩咩

或者我本身生活太多野想做
自己本身都學緊兩體一藝 平時放工都好鐘意練
又鐘意行山同試新野（獨木舟，油畫之類）
我實在唔想一星期攝幾個鐘湊仔/陪玩/教功課

有無諗過係你窮？試下少D抱怨多D增值下自己啦

但四大長老我就聽過私底下同我媽呻
我媽啲姐妹，A要幫手湊3個孫（雙職父母，有請工人），B要幫手湊2個孫（雙職父母無工人）
A成日呻親家唔幫手，自己好唔想做但又放唔低，仔女夾係中間好難做
B偷偷同我媽講早知叫佢唔好生第二個孫，同個女成日為湊小朋友嗌交
A同B見我媽share我地一家去玩既相都好羨慕，次次聽佢地同我媽講電話都好負

冇錯，我見過好多兩公婆原本感情好好，但因為教小朋友上有分歧連婚都離撚埋。 其實湊仔真係冇想像中咁簡單，讀書叻又驚大壓力得制jump, 讀書唔好學壞又驚會去坐監。總之就係長憂99, 所以真係好想知個滿足感係咪大過長憂99個痛苦

有好多擔憂唔係可以錢解決（無錢就更多擔憂咁解）
生仔有如做一份長達18年既group project
慎選隊友係最重要第一步

我父母係鐘意小朋友，我自小係有愛家庭長大
但佢地都無叫/迫我地生仔，都話責任太大
佢地話，最緊要你地有多幾個錢旁身，加上日日生活開心就得