而家少人睇直播係香港好都正路啦,
首先而家咁多娛樂,跟本好難吸到新人去追一個唔係奶台又唔靚仔既人。
其次娛樂方便左,唔開電腦就咁用手機都可以玩幾個鐘。使咩仲好似以前冇野做坐係電腦前面等你九點半開台
![](https://cdn.lihkg.com/assets/faces/normal/sosad.gif)
就好似而家冇人會坐係電視前面仲追830 930劇,因為好睇既我隨時都可以上網睇番。
另外就係生活習慣,香港生活節奏咁快,要睇既搭車翻工食飯時間隨時ZIP時間開出黎睇,所以而家達哥可以KEEP住兩三千直播其實都算係咁。
另外會每日都直播既人黎講,達哥啲REPLAY 其實集集都有萬幾人睇,其實都已經唔錯啦。
所謂少左人睇其實好多原因既,係啲人係要穿鑿附會拉落咩19年姐。
講真達哥都十幾年啦,正常一個人點都會有轉變又或者叫成熟左,無論係處事手法/待人接物/睇事物既方式點都會改變,點會仲好似十幾年前橫衝直撞,所以有啲人就咁一句話「達哥變左」去評論佢又未免有啲唔公道。但無可否認,
不過而家達哥個直播模式的確係少左啲吸引力既,
首先係冇左FIFA呢個可鳩UP,可熱血既環節。
跟住玩既game又冇以前果d咁夾佢直播,例如屍人,Saints Row,古惑狼,outlast,uncharted等等呢啲比佢發揮。
所以實屬可惜。