但實在不吐不快，我平時都係share下d meme圖，都好少打咁多字
話說今日20點47分有一行八人嘅客人入嚟食嘢，今日嘅情況比較特殊，估唔到客人喺未開始點餐之前，已經8人合力以迅雷不及掩耳之勢食咗個蛋糕
part time同事發現之後就同番當值經理講啦
咁當值經理就同返佢哋講其實係要收返100蚊切餅費，切餅費呢個問題呢，其實網上都好多人share過，討論過有關切餅費嘅爭執，咁而我哋開舖十年，係冇遇過以上嘅情況㗎，所以我都係食下花生就算
通常客人拎蛋糕入嚟就會問我哋同事：蛋糕可唔可以雪住先？或者有冇切餅費之類？ 咁我哋會回覆客人如果雪住先嘅話係唔收費嘅，因為都怕個蛋糕會壞，但係如果喺度食的話呢我哋就會收返100蚊切餅費
而切餅費呢個問題呢我哋一直都會酌情處理嘅，我哋舖頭一路以嚟連服務費都冇收
可能見係學生啦，或者個蛋糕比較細，又或者客人都消費咗一定嘅金額
我哋都會豁免呢樣收費（因為食蛋糕其實會影響大家喺我地舖頭消費金額，會食少左野架嘛）
好入番正題❗❗
1）首先客人話佢哋三月嚟過食 我哋冇收佢錢（我唔知有冇呢件事啦，就當你有，上面都有解釋過有好多因素，再退一步，你上年黎食平一蚊添，係咪要收番上年嗰價？）
2）然後話openrice都冇寫到要收錢（首先openrice唔係我地官方網站黎，其次我都冇寫過唔收丫🤣，入黎前問一句其實唔難）
3）你餐廳亦冇寫明（咁我都冇寫明餐廳唔可以痾屎，唔可以爛我d櫈，難度你又覺得冇問題？）
4）你哋都冇問我會唔會喺度食（咁呢樣就真係part time同事比較新，疏忽左）
咁我講多少少個人意見啦，都好歡迎大家討論下，指正下
以閣下嘅理論：係咪你八個人入嚟嗌一杯可樂，拎七個麥當勞餐喺度食，因為我openrice冇話唔可以食麥當勞，所以你會覺得可以食？
其實成件事我覺得好小事
咁又點解要打篇水蛇春咁長嘅野呢？
個人質素問題，等要排隊唔係要寫明卦？去完大小便要洗手唔係要我提你卦？
第一，我同事被你粗口辱罵，佢為左公司，佢專業，佢忍，佢冇講番粗口去鬧你！
我相信我地嘅熟客都會知男經理係邊一位，出晒名好招呼，從來冇收過任何投訴，我甚至覺得佢太好人，會比同事恰，唔聽佢支笛
講粗口條L樣，我好歡迎你黎辱罵我，唔好學人欺善怕惡
第二，同事亦見到你地影左好多相，咁我都需要保障自己，依家網上留言（或流言），可以整死一間餐廳
我先還原真相好過萬一比人吹花，吹花一間餐廳係冇成本嘅，建立一間餐廳聲譽係要好多人力物力心力
客人有好食嘅野同優質嘅服務，係我嘅責任
而保障我員工，亦都係我嘅責任
精選留言
