畫畫互助互勉交流區[長期更新](2) 你今日畫咗未？

講漏咗我覺得實體未必就解決到個問題
關鍵都係搵個啱自己個老師
唔啱嘅老師，就算佢兜口兜面喺你面前，問佢問題都一樣係不得要領

謝謝嘆大 非常準確地形容到我面對的狀況
.
其實我唔求畫到好精細華麗，只求搵一D 主流／聰明D既方法去同上色（頭髮，衫，皮膚），始終社畜時間工餘有限，希望可以令畫畫過程順利D 享受到畫畫既快樂

密集式係為考試/搵工 出去實體班十有89都係放牛咁 比張圖你抄 抄到下堂講10零分鐘加D雞湯充下字數咁，咁我個人覺得抄圖我反屋企抄都得洗係你度比錢你自修?抄圖有問題唔識去D大陸/外國群問一定有人答你，咁上網課有咩唔同網課會先講2-3小時powerpoint跟住派功課 有助教跟同改咁樣LO 你要學上色呢家主流都係先固有色再色彩增值圖層上陰影 呢D K大班有教，但唔建議香港班性價比唔高

筆刷用19號筆刷加噴槍夠你畫全部野 其他筆刷一係你要玩筆觸一係做效果 一係減少D重複性勞動做質感，想知點用去YOUTUBE打油畫筆刷技法之類既野搵下 ,要筆刷去淘寶搵1.5人仔就有

謝謝白兄資訊 我study一下

搵到一條幾Detail既頭髮上色教學片，好慷慨既展示晒步驟同setting
https://www.youtube.com/watch?v=XJ_Fb5QBMXs
Credit to "SomeNormalArtist"頻道
.
Youtube都有好多畫畫/上色教學
由於我自己悟性低
好多時感覺係好多必要既步驟都有所保留
你會見到佢畫, 再擦走+blur來推返鬆, 做左3樣野
但教學會只同你講「畫」呢一個step
.
同學車好唔同, 所有野係好scientific, 俾幾多, 扭幾多 回幾快 師傅會教
你肯比錢 導師就肯教, 一定學得識點渣部車
學畫唔同, 有時搵到既教學比人感覺係 好驚「教識徒弟冇師傅」
打個比喻, 不論轉個街坊彎 抑或係 髮夾彎,
佢只係會教你 「扭軚」, 但扭多少 快慢 佢唔會教/ 只會好抽象咁講
亦都唔會教你入彎之前要收車 轉完隻彎要回軚 呢D必定要做既野
.
如果有類似上面既教材/課堂, 內容同步驟係清清楚楚
其實我相信好多人都唔介意錢
去得學 都係想精進畫技, 唔想不斷磨蹭而又突破唔到現有水平
不過好多時結果都唔fruitful
.
對不起 以上只係我作為一個畫得唔好又藉口多多既人既少少感受

識畫畫同識教畫畫兩回事
兩樣都識嘅人萬裡挑一
畫師想搵錢唔係接單就係賣課
好多都識畫唔識教

YouTube搵多啲唔同既人嚟偷師
各各都學下
不過有時樽頸位真係要比人屌下先改到
樽頸位中

唔係你悟性低 Youtube教學好多都係講皮唔講骨因為要SELL課程，另外如果真係認真講唔係人人都有心機睇咁長既片，你係YOUTUBE睇果D係無系統東講一D西講一D咁樣所以係連貫唔到個思路好正常。

以前中學出去學都係咁樣比人HEA，最後都係係大陸D 素描貼吧/CG討論區 睇人互屌學野

互屌好勵志

謝謝白兄厚道
其實大部份畫畫之人都係靠自身努力去提升畫技，偏偏係我畫唔掂 仲要呀支呀左要求多多， 真的很慚愧。在呢個post之中煩到大家，亦都相當對不起
。
斬件教學對我來講並非壞事，聚焦學習一兩項技巧，易吸收又冇咁顧此失彼。
。
就我自己而言，只要有課程可以解決到目前畫畫上既疑難，我覺得絕對值得幫襯支持。

唔止youtube, 參巧書 甚或 討論區有時都有討論某D技巧， 只不過我自己遇到既疑難係， 知道個方法也好，但自己嘗試起來都係唔太work （例如疊色做陰影，自己做出來一係好燶，一係就好flat完全唔夠立體感； 加冷色 出來效果就好似屍斑咁）。 因此 我搵實體課既出發點係希望得到指導 了解咩地方出錯左， 導致效果有所偏離。

有同感
其實我都唔喜歡一味 不明不白 地臨摹
反而拆解箇中技巧 再邊畫邊練邊記憶
對我來講比較有效 同 入腦

香港就算啦 ，根本搶錢 你估你係神童

4堂 每堂1小時多啲 收你一千幾蚊 你覺得吸收到/畫到？

電繪 先了解 筆刷屬性 之後玩熟 混合模式 ，已經大進步

畫班始終唔係art school
我覺得上堂都係輔助作用 要自己另外再睇書睇片
老師可以幫你訂學習方向，提下你啲盲點咁（當然好似樓上講post上網搵人指點都得）

唔好諗住淨係每星期show up個幾鐘頭就會有啲咩成果

至於價錢貴就香港通病，基本上學乜都係咁上下價錢了

謝謝手巴提供
.
BTW 我覺得 brush完
再用blur tool 抹返散 呢一個步驟都幾有作用
唔少既教學過程之中都會有做, 但 有所保留 唔會講
所以上面個教學頻道都好有良心 講得好足
最少 我自己可以從中學到新既頭髮技巧

網上真係寶庫黎 呢個實況主 啲live
唔洗訂閱就可以重播， 大把上色技巧吸取

有啲上色底 應該會明做緊乜



跟我一起在Twitch 上與看amana_3_！ https://www.twitch.tv/amana_3_?sr=a

其實如果真係做到 on demand, 你想學乜野技巧 佢直接教/拆解D乜
就算$2000 一小時課也好, 都絕對值得俾 (總比 上幾節放養課有作用)
.
像碌兄所言, 課程係幫你開啟度門, 了解左所需既步驟同setting
其實之後自己都要再練習同apply, 提升個熟練度
掌握好之後, 才proceed去下一課, 學新既野 > 自習熟練 > ...
呢種係我最想搵既教學模式

多謝您 手兄
而且係實時 冇快鏡skip的, 我好好參透一下

有件事想問下大家
大家係點設計自己logo
日本鍾意用自己畫風畫個替身比自己
或者係用招牌角色做logo
香港好多鍾意撩隻公仔當自己
大家有乜睇法