畫畫互助互勉交流區[長期更新](2) 你今日畫咗未？

仲用到就冇謂換
成幾千蚊塊

唔知呢邊有冇人買左新ipad pro

唔開小防抖既情況下 ，斜畫直線 順唔順 ，還是仲係有小波浪

呢樣要問有無勇者衝1TB換個塊畫畫玻璃

好彩你唔係用Procreate
呢個Apps Del咗幅圖就真係冇咗

Ching兩年都末完成幅畫，個心會唔會囉囉攣，感覺有嘢未完成咁
小弟呢幅畫都拖咗好耐，事源一月頭睇完奇諾之旅後，好想畫下可愛嘅奇諾，於是用咗幾日起咗呢個稿

正當以為好快畫完嗰陣，我睇返奇諾嘅設定圖，發覺佢頂帽同件衫唔係咁樣
但掙扎重畫好多次都達唔到想要嘅效果（尤其佢頂帽有兩種質地 + 護目鏡，好難畫），就默默放低了

原作嘅奇諾真係好好J

呢三 四個月都開咗其他圖，冇點掂過
直到前幾天，發覺RG就嚟，真係好想幫奇諾整一樣Goods，所以重啟咗呢個艱巨工程

經過幾個鐘嘅改畫先去到而家咁
諗住呢一兩日完善埋啲光影就OK了
由於呢套番係講去旅行嘅，所以想將呢張圖整成背景透明嘅卡片（好似兩 三年前Save12嗰啲透明卡咁），去到邊個地方都可以同奇諾來影相，唔知會唔會有人想要

procreate 唔明點解冇垃圾筒

之後筆刷庫又冇 再開一個資料夾放
搞到筆刷版面好長有得在歸類咪好

之後再加多個 後徹前徹 顯示時間點就更好了

準備會換
但唔會要個塊玻璃
我寧願買紙膜

真係，雖然我最欣賞佢嘅Simplification，但好似Simple過頭
筆刷雖然有好多Setting，但都係冇垃圾筒，同埋啲分類搞到自己好亂
字體就對英語系國家外嘅用家極不友善，冇字體可用，一係匯入到其他Apps edit，一係自己搵新字體Down（都係冇官方字體庫）
原本想轉下Clip Studio Paint，因為見到佢可以多平台共用，但比起Procreate，啲界面真係頂唔住
唯有繼續用，希望日後佢會改善下

Ina birthday 2024 fan art

其實會，每次開app見到幅草稿都覺得好正，但又無能力完成

當初其實就係因為我感覺呢幅嘢同另外一啲草稿個feel真係太撚正，好想完成呢幾幅嘢，但因為功力仲未夠去畫好佢地，所以開始左漫長嘅基本功訓練，以為練基本功練到某一日就可以畫好佢地

咁諗其實係on9到仆街

因為咁練無實際完成作品嘅經驗，所以實戰上黎永遠都係會卡住，然後卡下卡下就無曬熱情，然後就擺低左

其實好多時睇資訊、問前輩，都話正確做法係完成左先再檢討，亦即係一開始學畫畫嘅做法，不過係我on9同執著先搞到咁，以為自己好特別可以用自己方法跨級做出黎

以我以前進步得比較快嘅時期黎講，事前睇下理論、做少少練習，畫緊個陣用下教學同參考素材做輔助，跟住黎儘量完成就可以進步到，呢樣都係我依家要重新做返嘅嘢

btw參考儘量比時間搵下，唔適合嘅唔好照用（例如自己中未有能力推算到另外一個角度個陣，唔好用啲完全係另一個角度嘅圖做參考）

如果轉個諗法
複製多幾份草稿
今日完成左呢幅草稿
隔幾年 功力深厚左 重新用呢幅草稿再畫？

會唔會多啲動力去畫？

畫幅畫點都係有頭有尾好啲
咁先係一次完整嘅學習機會
Every artist’s first drawing is bad

如果你覺得要練到好似達文西咁先有資格企喺起跑線，咁一定辛苦
現實係好多人畫到神鳥鳳凰已經起跑，沿路再進步

MH3又出成堆奥扎奇

我明嗰位巴打點諗
我最初都係目標做連載漫畫家咁去畫畫
所以對自己要求好高
唔同嘅係我進步得快係輕鬆畫嗰陣，佢係要求自己嗰陣
不過我都唔建議咁樣逼自己搵到錢嚟做動力
因為我逼到自己有焦慮症
同埋有人搵我兼職畫幾張
我都會比壓力自己，覺得畫唔好而推咗

各位網友，今日肯畫未

焦慮好番未
有時見啲人話減壓就應該畫畫
我心諗，真咩

有心啦，隨住年紀增長，人嘅責任都多咗
所以應該好唔返叫做食住藥無發作
但我認為畫畫係減壓嘅
但任何減壓係前題係，唔好對自己有要求
做運動唔好要自己勁，畫畫唔好拎嚟同人比
咁自然就減到壓

唔畫啦，去叫雞算

要將壓力畫成攻擊力
剩係畫得靚唔會減到壓

其實一路都有咁做，每練一排都有返去畫，我擺出黎個幅係練左半年後嘅base on開頭個草稿畫嘅第二個version黎

對個畫面嘅想像得太好，我又未有能力，但執著淨係想畫個啲，所以點都係會卡住

我睇twitter，好多大師都係話 畫畫應該係
完成主義 而唔係完美主義
利伸 做唔到咁放開

太複雜啦你地諗得
想畫就畫，唔想畫就唔畫

唔係講笑，個時睇得多教學見到啲人作畫勁流暢，以為練得多都可以做到咁，個時中試過有一段幾長嘅時間係以kim jung gi個種free hand一筆過爲目標去練

到依家理解到佢個思路其實係純粹將已經仔細觀察過嘅形狀重新組合後擺落畫面，就好似我地寫字咁本質上都係一大堆形狀組合出黎，而呢樣嘢其實對大部分畫畫種類都無必要，將常用嘅形狀練好（例如經常要畫人就記人體各部分形狀），其餘正確咁運用參考已經可以