畫畫互助互勉交流區[長期更新](2) 你今日畫咗未？

近期覺得自己畫得幾好嘅一塊臉，用一程火車時間喺張枱度震下震下咁畫的

話說連登個up相功能係咪虧虧地？Up咗幾廿次都失敗

長期用手機APP， 幾乎未用過電腦版上圖

今日發現一個講粵語Yt twitch直播既人

之後入去ig睇下咩料 ，好老實 畫技好普通 ，如果佢都賺到錢


呢邊d 巴絲 如果識將自己既技能變錢，絕對比佢更賺錢


睇到我好頭痛 我係佢唔開播 加強上色技巧算

呢個世界賺到錢嘅永遠係識marketing嘅人
技術可能只係佔兩三成

唔放啦，你遇到佢既台 滿口觀念/術語，但睇佢d 畫 好平凡
個個就係佢

仲有d 繪畫觀念好守舊，要叫人識背書 咁透視畫一樣野 先叫入行門檻


科技咁發達 ，一唔明 開個3D模 已經做到 你想要既透視， 唔明點解仲要背書咁畫

Anatomy嘅知識唔淨止幫你「正確」咁畫嗰樣嘢
了解咗或多或少會幫你了解到部分landmark
例如scapula原來係兩塊會浮動嘅骨，輕輕hint佢個外形就可以表達到更多嘢
即使個model（真人或3D）身上明明係冇見到呢塊骨嘅，畫家腦入面有呢個知識，就可以選擇畫嘅時候加兩筆落去表達舊骨個位置，而人身上係充滿至呢噂landmark嘅
換句話講，學識咗，畫家個toolset自然就會多咗樣嘢

所以，個知識對創作過程係有價值嘅
但學唔學、學幾多（有人認為要由零construct到一個正確anatomy先叫滿意，有人只記重要部位etc.）、幾時學就係個人取捨
呢樣的確唔係入門門檻，事實係好多人即使冇受呢啲傳統訓練，亦一樣搵到食

充滿至呢噂landmark充滿住呢類landmark

入行的確無乜門檻 開個ig已經可以自稱插畫師
但透視唔係好基本咩唔通下下開3D模 “long”底畫

上邊冇話 透視唔重要 ，一唔明 就開3D模已經解決 透視錯誤問題
，唔明 點解個台主 仲要咁死板 要人背書背默先叫 做 入行門檻。


3D模=參考 ，唔識畫就去搵參考 好正常 ， 點解講到有問題

教書就應該係咁
識書本知識好重要過實技
識畫唔識教就無乜用

依個問題 我上個po都遇過

我嘅解決方法係
用另一個image host來upload相
我係用imageshack (一個免費嘅image host) upload 相，然後copy 條link ，再用條link喺連登upload相

因為連登用緊個image host 係na.cx ，當na.cx冧咗就upload唔到相，所以先至要用其他image host


當然覺得麻煩嘅話 多數等一陣就正常返 可以upload相

銀鏡伊織

巴打你畫既肉感同胸部形狀依舊高汁會唔會考慮吓再下一成 研究吓唔同bar既畫法

覺得思考吓如果依個角色 會著咩底衫 都幾講到個角色性格 同埋更加色
因為見到巴打好多bar 既畫法一樣同比較簡單 有種少少浪費咗個發揮既空間

我試吓簡單打個比喻：老土眼鏡妹著情趣底衫 有型辣妹其實著公仔底衫之類 甚致唔一定係有落差對比 幫啲角色揀返你覺得啱佢既底衫 巨乳多數既底衫無咁可愛 款式成熟啲 胸細底衫就可愛啲之類（雖然老土 但一時間諗唔到有咩更好例子）

我覺得都可以成為畫畫既樂趣同埋可以比人知道 到底巴打你係點理解個角色 戴返個頭盔 純粹普通意見 與本人癖好一啲關係都無

接一接巴打既保礦力棒 附上保礦力舊圖一張

想問大家平時有冇其他平台交流心得
朋友圈有冇人畫畫 又想推廣 但又唔知點入手
想學又唔知報咩課程，淨係識上youtube 睇教學
自己去到咩程度都唔知

獻醜了，最近非常鍾意博德之門3，所以係禁畫Astarion

想問大家平時有冇其他平台交流心得
朋友圈有冇人畫畫 又想推廣 但又唔知點入手
想學又唔知報咩課程，淨係識上youtube 睇教學
自己去到咩程度都唔知

大部分時間自己柄埋畫
試過tg，但冇咩人講野
或者搭唔到嗲
介唔介意透露吓畫咩同學咗幾耐
不過問多都冇用
貼張圖最實際

貼推

Emma Stone <Poor Things>
木顏色加Marker A3 size
~40hrs

謝謝蠔油兄 好開心可以有繪友好詳細咁傾談到畫畫既話題
.
好多時畫到尾聲, 開始唔太夠精神同狀態
所以呢類點綴我都係用比較省力既方式去加配
.
蠔油兄 你幅都好正, 好表演都女生個種骨架柔軟感受
眼神 面相就各人有各人喜好, 我自己幾喜歡呢種畫風
.
蠔兄 有P站/其他貼畫平台可以提供一下來follow嘛? 謝謝

我都好開心可以同巴打你講吓畫畫上既意見我現實中冇咩畫畫朋友 所以冇咩人同我傾

我都會成日畫到後期 好多位都想hea咗佢 ，通常去到依啲位就係意志力既戰鬥 。不過我宜家通常都會畫之前已經會諗定咗幾個要點做目標 ，咁就會覺得有啲目標跟同達成 ，無咁覺得自己無止境咁加嘢上去 心理上無咁攰

巴打你閱讀到我想表達既嘢 好感動！我喺自己個人IG po畫多數都無咩人理，只有幾個熟啲既朋友會讚吓 但都無咩討論 多謝你鐘意依個畫風 ，其實我宜家都比較傾向係轉吓畫風 因為見到好多新動畫都有好多新既靚畫法，想試吓，但畫極都有種走唔出依種畫風既感覺

我有一個唔太經營既畫畫IG 如果你唔介意我產量極低既話，都歡迎你follow我https://www.instagram.com/hohong_2100?igsh=MWZ2cDQwNnR4bmc5Yg%3D%3D&utm_source=qr

另外我同巴打你有啲類近，我畫畫某程度係滿足童年既夢想，細個曾經好想做職業既畫師

已fol
比起產量 反而睇得出蠔油巴背後所下既功夫
大部份既畫 既 透視角度, 姿勢, 其實每幅都冇乜點重覆
如果冇鑽研.拆解過當中既骨架同細節 一定畫唔出/畫出黎會炒晒車
支持

新鮮熱辣
推po!

巴打多謝你🙏🏻我見你有玩痛車 其實咁樣整一部痛車個流程係點 係畫完之後直接比車房貼定係有好多嘢搞？

雖然好耐冇update 但樓豬仲未死



圖4 本身想臨摹#66訓啦好嗎巴打嘅畫 但發覺好難就放棄咗






覺得自己喺step 1嘅階段 去唔到step 2