畫畫互助互勉交流區[長期更新](2) 你今日畫咗未？

咁早

夜晚好多野做

加個框試下有無FEEL先

第一次試pixel art反鋸齒。

久違推po

汁

日日畫畫精神好
見字畫畫

有咩爽得過舊坑唔填 開新坑掙扎咗好耐用邊個構圖最後用咗佢

畫一張莉夏

想問下其實依家大家係點睇ai？中會畫畫嘅原因都係因為興趣？有無因為ai導致審美疲勞？

依個問題喺上個po都討論得幾激烈吓，雖然我無加入討論，因為我都思考咗好耐但結論都係興趣，即係我知周圍都有魚賣，都無阻我去釣魚既興致咁上下。

同埋我覺得如果你本身做既作品概念係有啲抽象或者有啲中心思想想表達，我就覺得由自己創造出黎既應該先可以完全表達到，靠AI只會係做到ok啦⋯⋯大概係咁上下意思啦⋯既程度（雖然都有比AI做咗個稿，再由自己執返個整體，但係依個就去到另一件事，就係到底AI佔既比重係幾多先算係自己既畫呢就好似宜家啲人整容咁，到底要整幾多先係大眾可接受既範圍呢？依個我就暫時未諗得通

審美疲勞就極期量會多啲防範（唔知防黎做咩，總之就係覺得要分得到），諗咗幅圖係咪AI先

但真正影響到既應該係畫畫搵食既人，宜家都開始見到有啲垃圾換皮既電話遊戲入面啲圖全部都係AI,不過我覺得如果個市場係唔受既話，應該都會去返比人畫掛，可能咁諗有啲天真

好認同思想表達個part

依家我最大嘅憂慮係自己畫完嘅嘢會無人欣賞，好驚啲人其實已經比ai搞到覺得畫畫其實係無價值嘅
雖然之前拎自己嘅嘢出去個陣總會有啲正面回應，係開心嘅，但硬係比ai搞到好焦慮然後呢兩年乜都無畫

我覺得你應該就一個好鮮明既立場有所暗示，不過你無講，咁我喺回應時又估下你立場再延申下

首先藝術係人文活動，係人與人之互動，人內心自我既活動。「對人類迷戀」從古至今都係Majority。無人會話「男人係戀女狂」，但「戀物既人會被定義為戀物狂」。人最後都會觀察返「人頪活動」。

可能每個gamer都會用過10分鍾(一段片時間)去睇TAS(Tool-assisted speedrun) 打俄羅斯方塊。(TAS己經出現在10年以上)但大眾唔會去不停搵TAS 打GAME 既片睇。而YOUTUBER直播單機俄羅斯方塊，俄羅斯方塊世界賽一定會比TAS既片多人睇。

要我推論你所暗示既係「當每個人都可以用AI一鍵出畫時，邊個會買畫」。然而我並唔認為藝術市場係由「大眾」去頂起，即使「大眾」都有你依個想法又如何? 你本人喺2020年代(AI誕生之前)成世人有無用過總共10000蚊買ART? 單一作品有無買過起過2000蚊?所謂「每個人」其實本身都唔喺市場入面。咁佢地依家話自己唔再係ART 既客人，又有乜所謂呢?

而真正買Fine Art 既客，佢地真正買緊既唔係一張有圖案既紙，而係買緊自己對一個「人」既迷戀。可能係對該artist、對model、對該信念。甚至個客買既係自己既回憶。我會話we sell our expression, but you are buying your own emotional memory。

如果你喺歐洲住過一排，睇過十間八間fine art gallery，就知道現階段用一千字教既ai art都仲未做到嗰種level。講緊係嗰種「貼題不知所謂」，ai 作品太有確定性。即係背後作者既指令仍然太淺。

而我相信ai終有一日會發展到fine art 既嗰種inspiration 同不知所謂。但人類藝術仍可以喺經濟世界上生存，因為主流有錢客人都係會種族岐視ai，人類artist 最值錢既係張身份證。ai 係取代唔到人類身份證。

Ching我唔係想攻擊你 但我覺得依個思考既出發點唔係太好，自己作品既價值好大程度應該係由自己賦予，唔應該係睇多唔多人欣賞而決定，雖然我承認有人欣賞，係會令到我開心。

但我覺得造作品係在於滿唔滿足到你對自身既追求，例如：有冇表達到你想像中既嘢或者表現上有冇進步到，依啲喺我心目中先係作品既價值

如果單單追求人地既欣賞就係你既作品價值，咁就好容易觸礁，令到本來有機會發展既嘢都無發展到，ching你不妨思考吓，到底當初點解會畫畫、係咪真係純粹追求認同，定係有其他原因

因為如果只係追求人既認同，就算無AI,都仲會有大把原因令你放棄，例如：見到細個你，畫齡少過你既人勁過你之類

雖然講咗好多但我都鼓勵ching你揸返起支筆，重新搵吓你畫既理由，如果你對畫畫重有愛既話

如果你當繪圖係一種遊戲
AI 就好似開老金咁上下野

你講呢啲藝術作品嘅human element係唔會被取代到
個niche會繼續喺度，而創作者多咗AI工具用仲可以整得快啲、類型廣闊啲添

相反，商用嗰班應該會有一部分被AI工具吞咗
市場唔係要靚嘢，係要「快得嚟唔貴腦細又覺得OK」
而又有部分大眾係唔介意食啲連QA都冇做過嘅屎，如果本身工作係serve呢部分市場，應該係時候要考慮轉工定隆胸
20世紀好多公司整clip art，結果依家咪清晒零；大家諗吓，對上一次見到人喺文件用clip art係幾多十年前？

當初都真係因為興趣同見到自己進步而畫，但之後因為想未來有一日可以靠畫畫搵到錢變得有目的性咁畫，然後到ai出現後就完全享受唔到畫畫個種樂趣

其實就唔係單純話追求人地嘅認同，但我覺得有人認同應該都係搵到錢嘅前提？

成日諗如果依家做嘅嘢已經係對市場無價值嘅，咁好難可以繼續做呢樣嘢，除非我真係完全當興趣去繼續畫，不過呢個問題其實係因為我好耐都無參與畫畫同art 嘅圈子，所以完全唔了解依家其他畫畫人、普通人、商業方面係點睇呢啲嘢

可能會話想靠畫畫搵錢呢啲咁有目的性嘅諗法去畫係on99，但實際係ai未出現、我開始畫畫個兩年，呢個諗法係比左好大動力我去進步，係後面因為ai出現先搞到個人慢慢無動力畫嘢

近期重新開始留意返畫畫嘢，同聽左下啲人講ai嘅運用，聽落其實都中有前景嘅，純粹就想係度知道下依家大家係點睇呢啲嘢

原來係咁⋯好奇一問，介唔介意講吓實質想做咩職業同埋係打算香港發展定點

講咁多，擺幅畫上嚟好過
大家一眼幫你睇到搵唔搵到錢

我成日話 畫畫人就好似馬拉松跑手咁
有人享受跑步而跑 有人鍾意比賽而跑 有人為咗獎金而跑
但係呢個世界 跑步嘅人多過睇人跑步嘅人
你有實力跑得快嘅咪有獎金有人讚助搵到錢
有啲人未必跑得快，但有人賞識嘅，一樣長跑長有
有啲人，跑耐咗，發現跑步唔啱自己嘅，咪放棄
有啲人、跑步好叻但唔鍾意比賽嘅，咪摺埋自己一個人跑
每個人喺畫畫（跑步）嘅目標唔同
終點大家都唔同，只係有時大家一齊比賽下咁

至於你話目標係搵錢嘅，我唔會話唔好
但你知道自己跑唔贏比賽嘅
就諗下會唔會繼續跑落去，定係放棄

至於你話AI會唔會搶人類飯碗
我會話先進國家未必會
先進國家一定會立法保障創作人嘅作品
所以喺先進國家，AI嘅威脅細好多
不過呢度中國香港唔好話比人偷畫風
告返你轉頭都仲得

主要都係想做freelance接下book cover、產品包裝、album cover，宣傳海報之類藝術性高少少嘅插畫job，海外又好本地又好

之前擺低左啲嘢都有一段時間，近期叫做開始睇返啲資訊
因為驚純插畫會收皮所以都留意左下動畫同遊戲美術方面嘅嘢
不過真係太耐無留意呢啲嘢所以自己無乜諗法，想睇下大家點睇

想問你幾歲
返過工未
接觸過社會未

you mean我諗得太理想？
依家純粹拎返我之前嘅諗法出黎討論下姐

有啲諗得太好
呢度好多巴絲都接過job
因為畫嘢而收過錢
點解人哋可以畫專輯封面
唔單止係實力問題
係因為人哋有個品牌（名）
人哋用咗十幾廿年去堆積自己個品牌
先接到呢類job
人哋用時間同實力證明咗自己品牌先接到呢啲job
難聽啲講，點解我要用個無名新人，仲要喺個封面封底落返佢名，會唔會因為佢啲是非影響到我

畫畫新人最初接啲豬頭骨job係乜
你知唔知
市場價錢係點你知唔知
自己係市場嘅地方屬於邊個位又知唔知

以搵錢作為畫畫動力我認為無問題
但你唔知個市場點運作
就妄想自己接到最頂級嘅作品就...
慢慢磨下先啦

其實呢樣你嘢講得啱的，我知前面有好多嘢要做，不過嗰個都係我對自己個brand最終方向嘅想像姐

其實就真係想學點樣發展自己個brand同市場運作，但無乜方向，有無咩建議

太長唔quote
我都同意菊巴嘅意思 砌個portfolio 開個ig page累積下作品先啦
就算你搵原畫師工 人哋都會要睇你portfolio
你擺上嚟嗰幅仲要係草稿
不過睇到都有咁上下基本功
認知內香港工作機會唔多 返支那嘅話嗰邊好撚卷
條路唔易行 需要好強烈嘅熱誠同堅持 可能先搵得返你依家嗰份工咁多糧
現階段最好應該係可能一邊正職 一邊累積作品 等到你有足夠嘅資本將佢變副業甚至正職

睇你自己想走嘅路線先
最初都係默默更新IG，落多啲TAG，識下畫畫朋友
有能力嘅去擺下同人展識下朋友
之後就會慢慢有需要買畫嘅人搵你
或者你啲畫畫朋友會介紹啲工作比你
最緊要證明自己唔係一個死人
係個不停畫嘢嘅人

你無啦啦失蹤兩年
一上嚟就話想接頂級JOB
人哋好難唔亂諗你

我知我講嘢係難聽 但加油啦