畫畫互助互勉交流區[長期更新](2) 你今日畫咗未？

試吓用依個
https://www.posemaniacs.com/zh-Hant

入面d model 可以擰來擰去
用唔同角度睇同一個pose 會對比例有概念啲

正呀 我都好需要依啲意見因為我對畫漫畫都係一知半解 尤其關於格既大細 我好多時喺個腦既分鏡 係好似片或者電影咁 每一格都好似有啲用 巴打我消化吓你既意見 再改一改之後既稿超歡迎你既意見

巴打關於第三個問題，其實我有刻意咁做到個時間既流動，真係想表達條女hea到日落，同埋心情上由陽光照到去到照唔到，暗示個心情愈黎愈底落 （個𥦬既影慢慢移開） 如果巴打唔覺 應該係做得唔夠明顯 想問吓 除咗光暗之外 有冇一啲方法可以令讀者理解到

點都好 都感謝巴打意見

糖水巴多謝你大力支持我會努力畫埋落去

你唔介意我咁臭串就好了
第三點我都有諗過你係咪刻意
但係你可以當漫畫讀者係 小學生 初中生
有啲嘢要白紙黑字講明嘅
例如最簡單 喺牆畫個鐘 而個鐘每格都唔同時間
呢篇漫畫就直接簡單
https://m.penana.com/story/107942/袁小姐的每一天/issue/103

如果想高章少少 例如加入台詞
每格台詞係播電視/收音機嘅嘢 例如開頭中午新聞 最後收尾係晚間新聞
再高章但係讀者未必明嘅就
一開始第一格畫個女仔瞓喺梳化玩電話
電話螢幕張寫時間
去到最後一格 個女仔玩電話玩到悶
個人埋咗個頭落梳化入面 一隻手伸出嚟 部電話跌咗落地
電話上面都寫明時間

不過我認為當務之急
係學識圈稿 加搵到人識睇圈稿比意見你
畫你已經畫到好靚 但未識分鏡
週刊職業家6日工作入面 畫圈稿最少佔咗兩日
可想而知 圈稿（分鏡草圖）嘅重要性

很實用

唔介意我覺得依個態度乾脆俐落幾好

我其實好鐘意睇一啲漫畫 用好少字 主要用圖去推進故事 想挑戰依件事 所以盡量都唔想用文字帶過 不過功力又唔夠我幾鍾意巴打最高章讀者未必明嗰一個方法我好鐘意收埋啲暗示

我有睇爆漫 都算知道圈稿既重要性，但係圈稿依件事真係有啲難我都係單打獨鬥 慢慢研究 如果巴打你唔介意 等我畫清楚份稿 我比你睇吓 你比啲意見我你話我畫得靚 都算係一種認同多謝你

我都多謝你

關於漫畫問題
我建議你嚟呢個POST
【香港人畫的新派漫畫】OMAKASE漫畫暨港漫動力討論專區(8)[繼續無限制鳩嗡]
https://lih.kg/bHqtwHU
呢個POST除咗有我
仲有3個連載過漫畫嘅巴絲同去過日本投稿嘅巴打喺度
只要你啲字睇得明，你圈稿畫到個人得個圓圈
嗰邊POST嘅巴絲都會睇得明你畫乜嘢
不過講明先，嗰邊有個傳統
就係講到幾天花龍鳳都好
大家都會話自己係9UP

太長唔QUOTE啦
補充返
我曾經聽過，話文字都只可以傳達到作者本身六成意思
我都鍾意用畫嚟說話嘅漫畫
但係我估圖片傳達作者意思嘅效率更低
所以想讀者理解自己作品
有啲嘢要用文字輔助係必要

同埋我覺得，現代人只係當漫畫係一種簡單娛樂
當漫畫係藝術品去品味嘅人少之又少
所以單純用圖畫嚟說話嘅漫畫
應該比較小眾

網格唔係亂咁用

右下角 張圖 全扣分

巴打 收到你我執一執啲稿喺嗰邊po

雖然用圖講故事係比較小眾 但係我都仲係希望向依個方向出發 如果可以畫得出無論咩人睇都覺得有趣既作品就好喇

我係真心唔識用網點我用網點都用得好掙扎
巴打介唔介意講多少少 如果以你既標準黎講 用網點點樣為止用得好我都想喺依方面做得好啲

轉返隻 紋理冇咁粗糙既先 ，

其實全張圖 得右下角 大腿出事 ，太顯眼

周末一推

巴打 靚腳上色

我又出嚟9up下先
跟據大峽菊既意見，我又唔知你前文後理，只係睇呢一頁，可以用一個懶啲既方法改善去滿足大峽菊既要求

呢一頁有六格，我認為每格大細唔洗改，可以將次序123456，改成345612
五文字個文字框依舊存在係同一位置即係文字1「倒…不滿」俾左賣腳既第3格，45無文字框，6就得句「只是」，1就食左「比起過去」、「彷彿現在」，2既死魚眼就配「欠缺什麼」
每張圖啲太陽光再打過去配合返個時間變遷，慳水慳力又岩大峽菊心水

謝謝蠔巴
繼續努力邊塗邊練

屌你又關我事

呢條友次次都要擺鳩我上枱

周末草稿一推

新黎報到，希望大家俾啲意見

因為望住對腳（或者係對鞋）覺得有啲奇怪。
問左朋友意見，佢地話好似好2D咁。再問佢地咩意思，但佢地話唔識畫畫野，所以講唔出奇怪位係邊。

想問似2D其實係咩意思？
而加係草稿階段，之後上顏色時加陰影，會唔會改善到？

我估佢地想講欠缺立體感
好2d=唔夠3d

歡迎
高踭鞋難畫到癲，呢隻右腳仲要有透視
透視捉得唔準好易無咗立體感

呢幅好有挑戰性我攞咗嚟練習
畫得唔準大家唔好笑我

個透視好似係咁


根據個箱嘅透視分拆鞋形，千祈唔好信感覺


勾畫細節，呢度開始有憑感覺微調
左腳純側面簡單好多


皺褶同襪頭嘅弧度有助解釋結構，呢樣大家應該知

跟機 不過我9 sketch 對鞋完全放棄咗

用個箱黎解釋易明好多，多謝你
特別係最後果幅既綠箭嘴

呢個陽子
好似係好好好耐之前其中一個畫畫post
有人推介黎練習
不過果陣好似係講緊光影果啲

我太新手
連畫返出個外形都用左好多時間

望住你幅圖
點解我既陽子望落好似又肥又矮咁既