畫畫互助互勉交流區[長期更新]

大概簡略佢講果D ，
因為要睇晒成套都好多集
佢講男主角雖然有D天份跟左個出名師博
但係唔係一開頭，個師傅就會step by step
咁教，亦都唔係佢想知解問完就會有人答佢
即係果套野幾乎每集有個大師兄例牌會屌鳩佢一鑊，但又靜雞雞俾D貼士佢
“我唔會直接同你講，你自己認真留意下人地點做，考慮下前思後果，觀察下人做同你自己做有咩分別”
人地鑽研咁耐，唔係三言兩語講兩句你聽完就識
而有D野其實好簡單，但你未到果個境界
講你聽完都唔知大師講咩又覺得好玄
學還學，習還習

雖然勤力畫的確好重要
但我會覺得適當地休息下都好重要
特別係你feel到自己為畫而畫 開始厭倦嘅時候
呢段時間唔一定完全咩都唔做
有follow鍾意嘅畫師嘅話 碌到佢哋啲畫嗰陣認真望下 觀察下畫風嘅特點
沉澱一段時間 再望返幅畫就會睇到以前冇留意嘅缺點
一句講晒 學而不思則罔 提升審美能力都好重要
大家共勉

佢又講左個關於 好耐之前
有三個日本人去中國學咩拉麵既比喻
印象都幾深刻

佢話日本最早期D拉麵都唔係咁得
有三條友去左去中國搵個出名既拉麵師傅
希望學到最正宗既做法

當時兩國交流都無咩問題
個師傅都好肯教授俾佢地
不過呢三個日本人學習既方法
佢地要求每個細節都要做到同師傅一模一樣
時間，食物來源，品種，切既方法，麵既長度，闊度，火侯，器具，湯料，配菜等等等等
中國老師博做野原則一向係：睇心情
俾佢地每個step問得好滿楚都唔係好識答，
不過佢話佢做果陣，你地可以旁邊觀察，記憶
果三個日本徒就喊咁口好撚感動
佢地話如果係日本，D師傅根本唔會直接俾你睇住黎偷師，一定驚教識徒弟無師博，打鬼走佢地
咁佢地師傅亦都覺得可以法楊光大拉麵既靈魂
毫無保留教識果三條友，之後佢地學有所成回到日本，就係而家好出名果D拉麵既鼻袓（聽講啦

我再精簡D講學果陣要觀察對比
練習之前，你要知想練咩效果同理解自己做緊乜

推下先

最後再簡短補充
日本人學習作品中既靈魂
某國人就學習得個殼既野

某老師講：
每件作品都係用心盡做既藝術
唔需要考慮咩進唔進步

朝早無人

早晨 多謝巴打分享 其實我畫嘢都係類似巴打分享嗰方向咁 盡力做唔駛理有冇進步依句講得好中 有啲感動 因為每次都用盡力一定點都有進步

thank for your insightful reply
你依個reply 好啱 #120 移動星星 絲打睇

唔好興趣變咗返工
令麻木沖淡咗熱誠

好似學語言
浸淫

令我諗起樣嘢
無論咩國家，啲畫師都經常話，每當有人問佢哋用咩筆刷
而佢哋一律係答，乜筆刷都冇所謂，default嗰啲都畫到想要嘅嘢，電繪重點唔是筆刷

以往一直覺得呢個答案勁伏
電繪最重要一環一定係學識駕馭筆刷
傳統油畫混色glazing，或者粉彩一路畫一路用手卒，甚至水彩擺低啲色就會跟水自動流，呢啲都好直覺式，或者好spontaenous
但電繪就要將每個動作分開，冇得擺低隻色由佢自然blend
一句「其實筆刷唔重要」真係

但依家諗番，佢哋冇講錯，亦冇老點
只係佢哋已經過晒摸索嘅步驟，知道點用筆刷可以達到想要嘅目的，變咗直覺一部分，所以就算個筆刷唔係最optimised，都識點做到啱為止
但未學成嘅人就要思考點處理，自己跟住大師作品trial and error，因為呢步好多人都唔會提

真
同你情況差唔多
搞到我開po都有d唔好意思


不過悟已往之不諫，知來者之可追
以依度嘅ching 為目標 好好努力追
同埋可以睇吓我pin 咗嘅notion，入面都係絲巴打建議

有人追求致強寶劍，一劍到手天下我有
有人追求致高武術，草都可以當劍用

東方不敗： 沒技術才會依靠高達
剎那： 我就是高達

不過功欲善其事，必先利其器
各種工具，有準備好過無準備
有，你犀飛利係可以唔用
但真係要用起黎你無就....

lm

其實我唔「識」畫畫，冇畀錢學過亦都冇乜琢磨過太多畫畫嘅技巧，但係我都「喜歡」畫畫，無聊的時候甚至每天都畫一張，呢家都畫滿了四五六本了。

你地d畫好有創造性啊！我感受性的。我喜歡臨摹，手機𥚃照片畫，畫我鐘意嘅人，可愛嘅小動物，漂亮的風景，或者臨摹別人畫好的我覺得很美的畫。

我大概都會以不專業嘅姿態自由咁喜歡畫畫很久很久，感覺，畫畫已經成為咗我某一種休息思考同感受世界的方式了。

想畫就畫，先係最緊要

一放就放低左幾年

AI 就好似砌模型搵人代工一樣
永遠不能取代我親手砌出黎既樂趣

好耐之前聽到的一句話：＂係唔係ai畫嘅根本無所謂，被ai大面積複製嘅風格同審美方向，已經沒有欣賞同學習嘅價值了＂。

亦即係話，努力去區分ai、人工都冇意義，你該做嘅，係如何避免和ai風格撞車，呢個先係末來人工嘅發展方向。

所以我睇到似ai的圖，根本唔會去花時間放大分辦，直接睇下一張就係了。

市場你改變不了
只能改變自己的思考方式


都係果句 AI 唔識用陰力