一人分享一個''細個靈異經歷''

成日覺得華富村好邪
一到夜晚訓得好唔自在

利申：已經搬走

華富村聽過話有個棺材冇人敢搬，搬親嘅人都出事，之後起咗個停車場封咗佢 ？係咪真事？

需要唔算係童年，但都想睇下ching有咩試過
件事就發生係半年前。

話說我人生入面只會發一種惡夢，就係返唔到屋企。而d返唔到屋企既夢由我15-20歲都不停發緊，而加大約有半年冇發過而d夢。

P. S 同最近"蠟筆小新" 撞鬼返唔到屋企果集差唔多

而我發既惡夢大多數情節都係係lift入面禁唔到制，上唔到去，或者上到去一打開屋企道門，發現入面唔撚係自己屋企。跟住我就會起勢咁搵自己屋企係邊，但點都搵唔到，點都返唔到屋企。


果日我如常咁同看更吹左2句水，就去禁Lift, 一切都好正常。

先提一提，我未試過係真實情況入面試過好似惡夢入面咁返唔到屋企，都未試過有任何撞鬼既經歷。

返翻現場，我如常咁入Lift
咁我就禁9樓，姐係我住果層
道門好自然閂埋啦，但部Lift郁都唔郁，咁我就心諗，唔會咁開心惡夢成真下話


果一刻都真係幾淆底，可能大家都覺得好小事，咁大個人連困Lift都驚
但係我咁大個仔發過而個惡夢幾十次，次次都嚇到彈起身，今曰終於發生係現實生活上。 你老未，春夢又唔見我夢想成真。

之後我冷靜落黎，試下禁開門制，又試下禁唔同既層數，當然都係冇反應。
最後謂有禁警鐘（咁大個仔未禁過，終於要柒一柒）
係我正想禁之際，道門就自動開左

第一個
細個住係阿婆到
樓下有個公園仔 成日經過阿婆都會拉我行快啲
但我成日想過去玩
因為啲氹氹轉同千秋會慢慢自己郁 好似好得意
直到有一次係我衝左埋去個氹氹轉 我阿婆拉我走
我回頭先見到
個滑梯格離有個紅衫女人對住我笑 係到揮手 條頸係已經斷左 90度釣住係個身
滑梯上面有個白衫細路無表情 係下面sir上去
Sir完就會再重覆
我望到呆左 不過唔知個陣做乜尻會行番過去
我阿婆勁快抱走左我

細個試過一次 但係因為太細個同埋屋企人死都話係我發夢 搞到自己都懷疑係咪真係發夢
就係以前訓覺一直都同老母一齊訓
佢訓入面我訓出面
有一晚我訓唔著 我就訓係到背向老母望住出面
我既視野理應係一福牆加個電制
就望望下突然有個男人同女人企係我面前 但係背對住我
我記得佢地大概係著唐裝同好似旗袍咁既野
但係個陣都唔覺係咩 因為細個同眼訓
然後個女人打直咁跌左係我身上 我嚇一嚇
就係下一秒 個女人同男人變左訓左係張床到 女人對住我
然後個女人
突然哄埋黎 個樣係醫起堋牙 擘大對眼
所有野係幾秒內既事
我個下嚇撚到即刻撲去老母到 我係咁話出面有野呀！！！出面有野呀！！！ 係咁咸
老母比我整醒左 佢話出面冇野 出面冇野 你望下出面
我又真係望左過去 又冇野喎
但從此以後我訓覺唔敢訓出面同埋唔敢向出面訓...
向出面既話要用被遮住個頭....
個一排間房仲裝左個燈仔比我 因為我真係太驚
童年陰影呀屌

話說我同我女朋友試過幾次撘lift停左喺冇開門嘅餐廳
係熄哂燈 落左閘咁
幾次都係

應該間野關左門但唔記得較唔停果層？
有次係某酒店都試過 6個人嚇到仆街唔敢行出去

有一晚同女朋友出街
係觀塘上地鐵
坐低臨關門個陣有個女仔係月台想沖入黎
但最後都係關左門入唔到
好記得個女仔十零歲著牛仔褲瘦身材
普通MK打扮
去到油塘轉車
一出門口個下我見到佢係隔離個道車門落車
同我一齊轉車

明明佢係觀塘上唔到車
有咩可能同我同一班地鐵係油塘轉到車....

利申非幻覺100%真實

可能唔靈異
請見諒

留名

細個呀媽成日留我一個係屋企
咁我好中意拎凳仔去門口 企上去望防盗眼
有一次係防盜眼見到個小丑望著我笑，類似mcdonalds叔叔個type

之後呀媽好似貼咗關二哥定唔知咩神嘅poster落門口外面，係cover 咗隻防盜眼嘅

我唔知做乜勁又拎凳仔去八掛望
見到關二哥望著我
個時我以為我見到嘅只係poster所以無野
但之後諗番正常係應該咩都睇唔到

細個成日八掛望防盜眼，只係個一兩次瀨野

自己一個係屋企
無啦啦間房有好大鼻鼾聲
嚇到我匿左係廁所半個鍾

痴線我都試過.. 仲要係經常性 一行入房就冇左 不過我已經習慣左 就算聽到都冇感覺

細個呀媽成日留我一個係屋企
咁我好中意拎凳仔去門口 企上去望防盗眼
有一次係防盜眼見到個小丑望著我笑，類似mcdonalds叔叔個type

之後呀媽好似貼咗關二哥定唔知咩神嘅poster落門口外面，係cover 咗隻防盜眼嘅

我唔知做乜勁又拎凳仔去八掛望
見到關二哥望著我
個時我以為我見到嘅只係poster所以無野
但之後諗番正常係應該咩都睇唔到

細個成日八掛望防盜眼，只係個一兩次瀨野

之前係咪貼mcdonalds叔叔 poster?

細個呀媽成日留我一個係屋企
咁我好中意拎凳仔去門口 企上去望防盗眼
有一次係防盜眼見到個小丑望著我笑，類似mcdonalds叔叔個type

之後呀媽好似貼咗關二哥定唔知咩神嘅poster落門口外面，係cover 咗隻防盜眼嘅

我唔知做乜勁又拎凳仔去八掛望
見到關二哥望著我
個時我以為我見到嘅只係poster所以無野
但之後諗番正常係應該咩都睇唔到

細個成日八掛望防盜眼，只係個一兩次瀨野

之前係咪貼mcdonalds叔叔 poster?

無呀咩都無貼

我阿嫲頭七個日下午有隻七彩既雀飛左我間房個窗口到
我阿媽話我嫲變左隻雀搵我

利申： 住30樓 平時無雀會飛落我窗口

細個一放學就返屋企打下機啦（上午校）

屋企隔離左右明明冇人 隻狗係門口吠 我就住緊村屋既

咁就吸引左我行出去 之後二樓有把極高音同大聲既哀號

搞撚到我攬撚住隻狗係門口坐左4個鐘等老母返

反而係我啊妹 佢有見到綠色人或者狗

小學4年班時候發生, 果陣夜晚自己一間房訓, 有一晚類似半夜醒咗, 一打開眼, 見到房門打開咗, 房外空間變咗青灰色, 見到有位著住白色衫嘅女人, 長頭髮遮住咗樣, 慢慢咁向我行近. 同老母講, 佢話我係咪發夢啊, 當時我都以為係. 但期後連續2,3晚都係同樣, 老母嚇到即刻同阿嫲講, 之後去求咗道符, 之後就再無見過.

都唔算細個啦，但記得係幾年前係mega box睇完套南京南京（套戲勁長，睇完都成凌晨十二點幾一點），套戲本身無咩人睇加上時段咁夜，散場時候好多人都趕住搭番穿梭巴返九龍灣，而我女朋友因為話好急尿所以就去左戲院下一層個廁所，去過mega box既都知，佢地廁所係要推防火門入去再行一段小路先去到，我去完之後企左係走廊到等女朋友，其實果時候燈光都好夠，唯獨我見到左手面走廊天花射燈“斬斬下”,仲聽到有個呀婆係到講野，但好細聲聽唔到，我向果個方向行過去，見到有間房叫"清潔房" 聲應該係入面傳黎，我諗住再行多幾步聽清楚佢講乜既時候，天花幾組燈突然熄哂，咁我果時梗係淆底啦，心入面係咁道歉，同埋話比佢知我無心打擾，自己等埋條女出黎好快就走，過左5秒左右之後果幾組燈又著番哂，我9秒9咁行番轉頭出番商場出面，女朋友原來已經出左黎，仲話等左我10分鐘有多，但成件事上面一定無10分鐘咁長，至此我都無再去過mega box睇戲

3-4歲
住村屋，門口有個花園
阿媽煮飯執屋個陣會比我自己係花園玩
我阿媽執完屋出花園望下我，見到我自言自語好似同人玩緊咁，佢就問我係到做咩，我答佢同緊姐姐玩，佢驚到即刻抱返我入屋
我阿媽話我個時成日見到個姐姐，但係我成家一次都未見過

聽老母講以前大廈有個看更好鍾意我地一家人
但我個時太細 無乜印象 後尾個看更好似病死
大過左我老母同我講番
原來我細過一直都見到個看更 （看更死左之後）
起初我老母以為我太掛住看更 無乜點理我
部lift 都唔知點解成日停係我地個層 無人禁過因為得我地一家人住個層
後尾老母見到我一直同空氣傾計就開始驚
後來我地大廈每人出少少錢幫佢搞左場法事（叫你咩一路好走 多謝你呀 早日投胎個d)
之後就無再出現過
但今時今日我都相信佢一直守護我地一家人
Sorry for 1999

早知唔禁入嚟睇

小學個陣夜晚訓教望出廳有好多野行黎行去，曾經有多啦a夢 當然唔見腳係度飄嘅都有

叫佢比對隨意門你

背景:

幼稚園同小學住舊式公屋



我就住人前面走廊最後一間
(Lift右邊向下箭嘴係另一條長走廊 一層兩條)



住我門對門對面係獨居阿婆
(唔好誤會佢係鬼 佢係好人)

開始:

小學五年級有次中秋節玩到凌晨回家
一岀lift就馬上要行果條長走廊行到尾

老實講身為小學雞
平時夜啲行已經驚 會頭也不回咁急走
(住過/見過嘅人會明條走廊真係好撚長)

咁果次行個環境有少少唔同
平時咁夜 左右兩邊嘅木門肯定關晒
(舊式公屋係鐵閘加木門)

而果次嘅木門開同關嘅各佔5050
從鐵閘望入去 都係無開燈好黑
正係有少少神枱紅光

咁我一邊行
一邊覺得我背後打開木門嘅家庭
十幾户企係鐵閘到望注我 真係好唔舒服
到我返屋企門口 就拎鎖鑰開門

係臨入門前
我其實想望右睇究竟有無人偷望我
再狗衝入屋關門安全大吉

點知當我念頭一起 準備望
住對面個阿婆大叫:「唔好望！入屋閂門！」

到之後放完中秋假放學返屋企
因為仲早未食晚飯我就去咗阿婆屋企
同平時一樣陪佢傾計 佢又請我食汽水同食零食
傾傾下我問返佢點解當晚叫我唔好望

佢話
「唔好問咁多 你咁細個玩到咁夜返屋企好危險你知唔知 你知婆婆係對你好保護你就得啦 以後唔好再自己咁夜返 要叫爸爸媽媽接」

我答完知道佢就叫我咁食嘢啦

聽落好似好正常係咪
但幾年後諗返

點解婆婆屋企對木門關咗
都知我返屋企
就算聽到腳步聲
佢又點聽到我心聲想望右
諗起都覺得怪 但唔謊 因為佢係保護我

之後中學都搬咗 就失聯...

细個
1.我啊哥話我知，有一日我喺啊麻屋企，拉著我大佬(我平時唔Q理佢) ，指著門口話啊爺企門口。( 果日係啊爺過左身回魂)

2.同之前D post有D似，事發之前一日啊爸啊媽過左澳門，話左九點先返，成間屋得我，大佬，家姐，咁我好天真地如常訓教。
到左事發當日，我七點鐘被隔離條友整醒左當時我訓出面佢靠牆，我背向佢，咁我用腳"了"佢幾下佢縮，咁我用手掙撞佢佢又縮，咁我似為啊爸啊媽早左返就轉個人向佢，我見佢用張被com過頭見唔到啊爸定啊媽就用手拉開張被，一拉開，有個陌生人，灰白色對住我笑，當時即刻轉返面，縮埋一舊同埋急屎!!
頂到我家姐起身返學，我即時衝去我啊媽間房，開柜通拎左份波羅蜜多心經出黎，打開再沖返入房放落枕頭低，再縮埋一舊，繼續急屎!!
頂到我大佬起身叫我打機，一路忍到啊媽返黎先呵屎同睇下灰色人走左未。
因為我大佬唔俾我開門呵屎。好記得當日係正日七月十四。

3.中學拍拖幾對死仔去長洲war game加租三層村屋過夜，因為女朋友佢驚鬼所以一齊沖涼，第一次見到女朋友全裸(無咸野，真係沖涼，有，有用毛巾遮重要部位) ，之後佢同我講窗口有個女人裝我地沖涼，咁我去關窗真係有個長頭髮女人喺窗口遠小小既地方企定定，咁我無理佢關左窗就繼續同女朋友浸浴缸，沖完出返去見到客廳隻窗先醒起，仆街呢度二樓黎喎，頭先條女點企架?
訓教果時，我同女朋友一間房，訓到半夜我隔離房個frd坐左我床尾係咁un，房門開左我醒左女朋友無醒咁我細細聲屌走佢啦，條仆街唔走，不過無un，我用被包返好女朋友對腳就無理佢照訓。
第二朝女朋友開房門，我都未出聲個frd已經屌我，話我爆佢房門，坐佢床尾un佢。。。我無出聲，因為我知出事啦，之後提議快手執野出去曬下太陽行下就走。

4.出左黎做野聽返黎
"我果日夜晚收好夜，坐紅van單邊第三個位最早上車，之後得幾條友上車，全部坐前面，去到光輝圍果頭，雙排尾位有個女仔叫有落，咁正常落車俾錢啦，但係司機唔收，個女仔又係都要俾，夜媽媽仲玩呢D，唔好煩啦，我同佢叫後數啦，個司機屌我叫我唔好咁多事，之後司機搶左個女仔張錢話無得找就叫個女仔落車，個女仔同我點頭答謝就落左車，之後司機叫我地全車人唔好三唔識七都叫後數，我想駁佢咀架，見到張錢我o 左咀( 你估中啦，係溪錢黎) ，之後佢一路渣舊溪錢一路講，你見頭先有人經過你坐你後面咩!最後開窗掉左舊溪錢，兜左去警局先行返正常路線。"

3-5歲咁上下
瞓覺中醒左牆邊伸左隻腐爛既手出來
嚇到碌左落床（凶宅）

係廚房見到一隻好似猴子BB 咁既綠色怪物
（大個左聽恐怖熱線有人打上去講呢怪物係棲身係廚房的，名就唔記得）

中學年代
夜晚出廳去toilet
見到sofa 有隻長髮白長裙女鬼對住我笑
好來朋友上來過夜都見過
一星期比鬼壓幾次
瞓係旁邊對住佢笑等等........好多
有搵人問過話係家鬼，保護家人
自從廿幾歲後再冇遇過後家道一落千仗

19999999999

唔明的咩？