一人分享一個''細個靈異經歷''

留名

幾年前 我阿哥唔知邊度買左個口風琴返黎
個盒有d殘殘地擺左係佢間房
佢都冇吹過咁濟
有日屋企得我一個
聽到有口風琴聲
只係吹左一兩下就停左
望一望咩都見唔到
事後就冇乜點理個口風琴
再冇幾耐之後唔知係咪已經扔左
我亦都冇問過

勿相認
由細到大都會突然聽到好似鐘聲嘅“滴答滴答”聲
但又唔係一秒一下咁
而係好密嘅“滴答”聲
通常係冇啦啦響幾秒又冇左
有時幾個月都冇有時一日出現幾次
每次聽完之後三日內一定會啲唔好嘅野發生
例如唔見銀包，壞電話都係小事
有次聽完之後即日女朋友話分手
咁多年都唔知係咩事

我張床隔離都有個鐘
反而有時係無啦啦聽依D鐘既滴答滴答聽得好清楚

但好多時根本係聽唔到就訓著，就算訓唔著都冇話聽到聲

但某幾個夜晚會發覺個鐘好響好響既滴答，唔知咩事


唔知關唔關事，因為我條眉好粗，所以都比較難遇到靈界朋友

不過有D唔知算唔算遇到


有一年17歲，做暑期工幫公司送文件去紅磡唔知乜街，咁D同事話要轉小巴既，我走左去車站度搵，結果唔知做乜自己係忘我既情況下行左一隻腳出車站馬路，即係個巴士總站係有兩條線，靠右果條打直泊左兩架巴士，我就由靠右想行去對面，由兩架巴士中間咁穿出黎，但我唔知點解當時我係冇聽歌既情況下完全唔睇車就衝出去，之後有架巴士衝緊出黎停得切，岩岩好停係我面前，個巴士佬狂炳我話我想死行遠D，我果陣唔知點解好似冇感覺WFC咁同佢講，知道，唔好意思，我冇心

冇記錯果日係農曆七月十三，然後夜晚番去仲開電腦邊聽歌邊打機，當年我靜係聽側田同EASON，但唔知點解播播下歌有女人唱歌，仲要係其他我唔識同冇聽過既歌，好似好懷舊古典味咁，我停左側田把聲，發現把女人聲仲係度，咁我再將電腦所有開緊既網、GAME都熄哂，但把聲依然係度唱緊

但好離奇，當年由於打機既關係，我係用HEADPHONE既，我用HEADPHONE聽，HEADPHONE係有女人唱歌聲，但電腦喇叭就冇聲，當年個喇叭都係買左幾日，冇乜用過，肯定唔係壞

之後嚇到即刻衝入房訓，過兩日先用電腦，就冇事


聽阿爸阿媽講，我細個成日夢遊發癲，但我細個果陣都唔知發生咩事，由細到大成日搵野都係搵唔到，其他人一去搵就發現原來根本係好當眼既位，但我明明搵左幾次

有時係我間房會聽到好多雜聲，例如好凌亂好多人傾計吱吱噚咁，但一出房乜聲都聽唔到，總之只要靜，有時就會聽到一D雜聲，有時一個人係屋企沖涼，好似聽到有人番黎，入左書房撳緊MOUSE咁，但沖完出黎發現乜人都冇得我一個，有時又會聽到地板好似係有人行過果種「咔勒咔勒」聲，好似有人行緊咁，問屋企人聽唔聽到，阿爸阿媽都話聽唔到，話可能住低層會收到好多其他聲，我都唔知邊樣真，不過由細到大，小事既運就好撚差，大事既運算OK，起碼大病死唔去，冇乜大意外咁，但搭巴士成日撞車壞車，搭輕鐵壞車、番學考試搭香港線搭到有人打交要停左一陣車等等啦，搭巴士旅遊巴撞車壞車次數加埋應該超過10次，所以近5-6年我基本上一年都搭唔到5次巴士

眉粗關見唔見鬼咩事

眉粗陽氣多數比較重

3年了，推下先，有無人有多D分享

聖士提反？