一人分享一個''細個靈異經歷''

果陣小學 岩岩搬新屋無耐
每日朝早都有
見到客廳個貼牆櫃上面有個半身人影
開頭以為我自己果個啦
但係我行左行右個影都無郁
開頭唔理佢
但日日朝早都見到 同老豆講
有日佢朝早出黎睇 話咩都無 但我仲見到
摸落去 有影果忽牆係涼啲凍啲
之後我媽同左我呀婆講
呀婆黎屋企做左啲法事
第二朝就無左

細個有個朋友同我講話yes卡封印到鬼
之後仲送左張封印左鬼既yes卡比我
拎左番屋企唔識搞 嚇到我喊到仆街

點解有咁多"媽媽"
我細個嗰陣老豆老母都係好夜收工
咁我有一日放學就入咗房瞓
瞓到咁上下我就起身去廁所
一出到廳就見到娘親坐咗喺梳化
身著住佢平時返工件衫
仲掛住個職員證

我下意識叫咗聲"呀媽"
就入咗廁所
出返嚟望望個鐘 係七點幾
娘親係九點先收工
之後就覺得好暈好眼瞓
就入返房瞓 瞓到真。娘親收工返嚟

LM

唔算係細個，但都想share下

話說我姐一直有鋪影月亮癮，一見到有圓月就會用手機影低，扮下文青咁
咁喺大約兩年前嘅八月尾，我ot完番歸嗰陣就喺屋企樓下撞到我姐，佢又影緊月亮
因為佢部手機真係好撚虧，所以我就諗住幫佢手影完再sd番俾佢啦
點知我一舉起部手機向住個月亮，就見到有個塊面灰白色嘅女人隔住個mon碌大對眼望住我，嚇撚到我即刻急步行番屋企
事後我先發現，點解個月亮咁圓係因為嗰日係七月十四，然後影相嗰個位就係啲人平時跳樓嘅落點

聽過我講嘅唔好相認

屌那星 一入呢個post 睇睇下成幢樓停電 隔幾分鐘又正常返

細個跟屋企人同佢地啲朋友去食飯 食完去食糖水 記得好似係九龍城附近 坐係街邊露天位
啲大人一直係到傾計 𡃁仔嘅我無嘢做咁就周圍望
之後望到遠座山頂每過一陣就有閃電 (當時我哋坐緊嗰到係好天)
而每次閃電嗰時都見到山頂嗰到有座好大嘅城堡
嗰時有問屋企人 嗰到係邊到嚟
佢地無理到我

自己一個係屋企
無啦啦間房有好大鼻鼾聲
嚇到我匿左係廁所半個鍾

樓上樓下咋?

好近喎

呢件事都係媽媽同我講返先知 個陣我太細個 所以冇乜記憶
話說我媽媽就係屬於見到靈異野既人黎
佢就話係我兩歲個陣 某日既晏就有電話打黎屋企 咁有電話打黎都正常既 而當時既我已經識講野識簡單溝通 所以洗緊奶樽既媽媽就叫我去聽電話 問下係邊個打黎
洗完奶樽既媽媽之後就行左出黎問我係邊個打黎 我就答佢「有個哥哥打黎話要同我玩」之後媽媽就見到有個同我差唔多歲數既細路仔企左係我隔離 我媽媽嚇到打電話叫爸爸即刻返屋企 同埋抱我出街

細個果陣 見到末界毋江校界驗才刀閒耳校卻改勇城子不不容容岩學平概證步澀

第2個經歷係由我家姐講出黎
識我既人唔好起我底

2: 黑白無常

幾年前家父身體欠佳，佢話想返大陸葬
結果成個暑假就返左大陸陪家父渡過最後日子

講下間屋少少背景
十分殘舊既屋，玻璃亦係大陸人好鐘意用果種黑媽媽既玻璃
大陸間屋有兩層連天井，我地兄弟姊妹訓上層地下，家父行動不便訓下層同呀媽

講返先，我家姐一直以黎都見到班 兄弟

去到暑假中段，呀爸有日夜晚好大聲嘈醒左我地
我地落到去呀爸一改平時既暴躁，好冷靜同好精神咁同我地講，呀嫲黎左探我(呀嫲已過身)，仲有牛頭馬面黑白無常
我地安慰佢話邊有咁快黎探你(其實都知呀爸就快唔得)

擾攘完一輪就返左上層訓
我地係望住上層玻璃門口訓
訓到兩三點左右，家姐想叫醒我，但我好眼訓無理佢
但果段時間feel到地板好凍，好寒
我家姐訓我格離，我feel到佢上半身起左身，好似望左d野咁
我訓住咁叫佢快d訓啦就無理

到第日早上，呀爸無啦啦同我交代身後事，要好好照顧呀媽
佢一直眼望佢房門口
無講野，半個鐘後就無氣息

如是者去到守孝果陣(親人係呀爸棺材格離守住，守3日)
家姐冷冷然咁同我講

就係果日佢叫我起身果陣，佢係因為見到玻璃門到有兩個黑影(月光係透過天井直射我地玻璃門)
兩個黑影好搞笑
一高瘦，一矮肥

但佢地就好似小朋友咁蹲左係到望住我地
我家姐好不安就一直望住佢地
佢地亦無想走既意思
到我家姐頂唔順訓返底，眼尾偷望一下佢地就走左
而咁岩第日呀爸早上就唔得了

Sorry for 件事太長，如果阻到其他巴打睇文既唔好意思

完

黑白無常又叫一見發財, 你家姐有無橫財?

不過臨死真係會見到
我阿婆臨去之前果幾日都係咁
見到牛頭馬面同觀音大使

有無巴打記得一個故好似當年膠登睇到的
有位巴士小學雞時去麥理浩夫人渡假村之類既小學雞camp
點後遲左集合
on99跟住d小朋友玩聲行左出村
之後好大霧入左條山徑
山徑旁邊有d石俾
d石俾方形有個人樣
係輕微向住前方的
到位巴打一路行
d石俾個人樣開始由好開心咁笑變到開始木口木面
到主角行到一個位
聽到有把聲叫佢 唔好再行啦 再行返唔到去
之後主角回頭
先發現條路係由喊樣石俾行返出去
到行返出山徑
霧散左，主角見返渡假村

有無巴打記得呢個故？

細個好細膽, 沖涼都唔會關門
咁我個洗手盤係浴缸隔離, 拉埋浴簾係唔會遮到個洗手盤既, 所以平時會背對洗手盤沖涼
有一日如常咁沖沖下, 突然聽到水龍頭聲, 然後有人彈冰冷既水去我背脊
果時我係透骨寒左一寒, 即刻轉身一睇, 隔住個半透明既浴簾, 見到有個著住牛仔工人褲, 差唔多高細路既影
果刻以為係我家姐整估我, 即刻著衫出去問佢
點知佢一直攤係度睇電視, 根本無入過去, 而且著住唔同既衫
所以彈我水既應該唔係人黎
其實果排不停發惡夢, 仲會半夜夢遊出廳亂行大喊

後來大個左同呀媽講起, 先知當年佢有幫我去問神, 原來果陣係比個小朋友搞
請走左佢之後我先無再夢遊
而家諗番都起雞皮

推

公公走左無耐我上左佢屋企
重借左佢張床黎訓
訓訓下突發醒左
發現自己俾鬼壓郁唔到
嗰時好驚好想嗌但又嗌唔到
突然瞇瞇糊糊咁見到有團白影摸左我額頭一下
成個人即刻變到唔驚重覺得舒服左
最後訓足兩三粒鐘先醒

留名
好撚正

呢件事係啊媽同我講返
阿媽話記得個時係清明時節 我地一家就去拜祖先 而我呢就係啱啱識行無耐既歲數
個時大人有好多野要準備 而且山頭一眼睇晒 所以老豆老母無話特別睇住我
個陣乜都唔識 我就趁唔為意去搞人地個墳 不過可能係走過去停留下掂下咁樣
最後返屋企個程車不斷喊點哄都哄唔掂
老母返到屋企幫我沖涼先發現我屎忽瘀晒
而且係似俾人打瘀
至此之後老母就唔俾我再亂掂又奶野

有晚札醒左
之後見到窗口水平對出十幾米嘅地方有隻ufo飄係到

真人真事，唔係發夢見到

小學放學返到屋企既時候見到部牛龜咁大既洗衣機係廳中間
打哂比屋企人都話無可能,全部未放工
果日嚇到我

百變星君?

細個同朋友去高街鬼屋玩，果時仲未拆，其實果度周不時都會有人探險，咁果日咁岩冇其他人，得我同個fd。

入到去周圍行，都係溶溶爛爛同埋有D上手探險完留低既香、通勝、生果之類，冇乜特別，行左陣見無聊就諗住走，點知突然聽到一堆狗吠聲。

咁我同個fd都唔係第一次去，從來冇見過有狗，心諗唔通有流浪狗走左入黎？咁我地兩條友就諗住搵下，沿住狗吠聲搵，終於搵到一道好近聲沿，明顯係係碰牆後面傳黎，但果度其實已經係屋既邊沿，外面就係街，望出去完全見唔到狗。

我同個fd開始有D驚，咁就拿拿聲走啦，去到出口我個fd無啦啦仆街，咁我就走去扶佢，點知見佢面都青埋光速爬起身拉我走，走到好遠之後抖順條氣我個fd先同我講係門口度見到有個白衫女人飄左係我後面半空同佢揮手

入口係邊想睇下

中學時期好興同啲fd玩筆仙，兩個人一齊夾住支筆，支筆真係識郁，你可能會覺得係個fd隻手自己郁姐，所以都係覺流流地。

咁有次我係屋企，見悶悶地，想玩筆仙，但自己一個梗係玩唔到啦，無人同我夾住支筆。咁我突然諗到「手仙」呢樣野，是但搵張報紙（因報紙上面有好多文字），係報紙上畫左個起點，食指指住起點，之後心唸住「手仙手仙，請你上黎！」，唸唸下，隻手開始有反應。你可能會覺得自己神經反射，或者手震令到自己手指識郁姐，咁我唔理啦，心唸住想問既問題，唸一個問題，手指就係報紙上面不斷遊走。直至問問下，我手指feel到有種感覺拉住我，然後我手指不斷指住「快 夢...快 夢」呢兩個字。認真，成張報紙都係字，正常人你點會一眼睇到哂報紙上有啲咩字？（例如我叫你係報紙上千尻幾個字裡面搵「我係連登仔！」你都要逐個逐個字摷出黎啦）。當時我心真係怯一怯，驚到手都縮開埋

利申：真人真事

你嗡乜鳩
隻手有反應果陣你未識驚，到指住"快夢"兩你先識驚
做乜鳩??

細個訓上下格床 我訓上格

果日間房冇閉門 可以望出廳

有日半夜三更無端端扎醒左

之後望出去 見到有三個男人。痞左係個土地度 我心諗唔通食緊香爐灰 定係福祿壽加埋土地打緊四圈

仆街唔知係咪知我諗咩

三個人企係身望著我 我即刻用被苙著個頭 全程勁驚唔敢動

之後眼光光等天光 。到放低張被諗著望下時 床頭竟然放左個蜘珠俠錢甖 ，個角度係望著我

之後驚到起身掉左隻錢甖出街。完