一人分享一個''細個靈異經歷''

中學時期，可能時運低或者自己成日衰多口，話想見鬼之類既說話，一個月只少日日都被鬼壓，維持左兩三個月。

被鬼壓既時候試過被鬼叫我個名，吹我耳仔。
有一次，見到有兩隻野企定定望住我，一個大黑影一個半空浮緊既面具。

比較深刻既係，感覺到有野坐係我肚上面，因為已經壓到覺得悶，次數真係多到煩，心入面係咁諗「屌你老母臭閪仆街，係就激烈啲啦」，即刻被野叉住我條頸係咁搖，搖撚到成個人天旋地轉，搖既速度好似坐緊過山車，即刻講「對唔住，大佬」再念南無阿彌陀佛。

咕嚕咕嚕咖

小學1 2年班嘅經歷

喺扶手電梯到跑，一個唔小心仆街，就咁隻腳被電梯插咗3個小洞出來，但係又完全唔覺痛，直接跑去塔lift上到屋企。入到屋即刻訓咗喺梳化上面，見暈暈地就側頭望向走廊，結果望到太空人 。
佢個罩係反光反到我完全睇唔到入面條友嗰樣，然後佢慢慢咁彈下彈下咁行過去我到，突然老母叫咗我一聲，我望一望老母再望返走廊已經唔見咗嗰太空人。

諗返起其實都幾好笑 唔知究竟係我隻腳流血流多咗搞到暈暈地先見到幼覺，定還是真係有太空人來探我

好可愛

記得細個7 8歲個時翻鄉下玩 咁鄉下屋企就有自己一間房嘅 個格局就系一個長方形咁 床系右下角 房門右上角 窗就係最左邊 我訓個張床打側訓係面對住房門 咁有一晚訓教啦 咁鄉下地方多蚊 習慣性老豆老母就會打開房門訓 同埋係房門出面插住盞發紫色光嘅滅蚊燈 咁間房個情況就有d紫紫地其實都幾驚 咁插好燈就訓覺啦 點之訓到半夜就覺凍 加上自己訓覺慣左踢開d被 咁就迷迷糊糊咁想搵翻張被 途中我就間到棟門 (本身開住)前面企左個人 我個下心lum應該系老母係隔離房過黎幫我冚被啦 我就叫左聲：媽咪？ 咁個人繼續企係到唔出聲 我之後又叫多聲：媽咪做咩唔應我啊？
各人都係無反應 夜晚晚望真d個人唔係我老母
d紫光隱約照到個人d頭發長到掂地 仲要好亂 個身大部分都係比d頭發遮住 見唔到五官 身上

系你老母

推

小學個陣夜晚訓教望出廳有好多野行黎行去，曾經有多啦a夢 當然唔見腳係度飄嘅都有

天后百樂戲院
無限樓梯 都遇過

可唔可以詳細講下？

睇睇下戲去toilet
要約過幾堂布廉
唔記得上定落一層
去完toilet 之後
過返的布廉之後又布廉
布廉後又布廉，過唔完....
好啦見到樓梯咪上返去囉，上極都仲有得上，上唔完，再落返落去又落唔完
成座戲院都係得5，6層
總之不停困左係一個空間
無限布廉+無限樓梯
最後尾係返戲院前方出返來
唔敢返入去睇戲

陰陽路？

應該都唔算細個
記得果時中五，臨會考前，我都會係課室或圖書館溫書。有一日放學後，我照樣去圖書館溫書啦，但發覺點解無人溫書o，平時都唔少人。我就唔理會太多，繼續溫書到7點左右，唸住想走。然而，係我行學校條走廊時，感覺特別"黑暗和血腥"，果時我已經陣陣地，平時都唔會咁。所以，我"不自覺"望一望右邊課室，點解"有一個人?"坐係到，都咁夜了同埋咁黑，都無理由溫書嫁。我再望真少少，佢好似少左一樣野...佢剩返下身，無左個"頭"坐係到!!頓時我被嚇得不知所措，為一想法就是跑.跑.跑。我以9秒9速度，由5樓跑到地下，但係跑過程，我覺得好遙遠好辛苦，唔敢望"後面"會有咩。

至此後，我都唔敢係學校留夜溫書。另外，我都一直以為係夢，應該無事了。但事與願違，隔日我發現自己好似"脫髮"嚴重左，一開始都不唔覺。但每日都"愈來愈少"頭髮，我開始驚。我將成見事講比阿媽知，佢都驚訝同摸一摸我後腦頭髮，的確有點兒"禿"了。我阿媽唔識o方面野，就請教我姑姐了。

姑姐一連三日帶左我返大陸某地方。果時我都好混亂，不過都遵循姑姐意見去。佢帶我去樓上一家店/住宅，姑姐就稱她為"神婆"。神婆唔知用咩方法，係第四日我的脫髮問題治好了。我覺得匪而所思，因為果三日裡混混噩噩咁，好似夢魂，一醒黎就好返。後來，我o頭髮都慢慢生返，同埋o件事收去內心入面，一直無提過，當發了一場噩夢一樣好了。

而家提起都會驚驚地

中學時期好興同啲fd玩筆仙，兩個人一齊夾住支筆，支筆真係識郁，你可能會覺得係個fd隻手自己郁姐，所以都係覺流流地。

咁有次我係屋企，見悶悶地，想玩筆仙，但自己一個梗係玩唔到啦，無人同我夾住支筆。咁我突然諗到「手仙」呢樣野，是但搵張報紙（因報紙上面有好多文字），係報紙上畫左個起點，食指指住起點，之後心唸住「手仙手仙，請你上黎！」，唸唸下，隻手開始有反應。你可能會覺得自己神經反射，或者手震令到自己手指識郁姐，咁我唔理啦，心唸住想問既問題，唸一個問題，手指就係報紙上面不斷遊走。直至問問下，我手指feel到有種感覺拉住我，然後我手指不斷指住「快 夢...快 夢」呢兩個字。認真，成張報紙都係字，正常人你點會一眼睇到哂報紙上有啲咩字？（例如我叫你係報紙上千尻幾個字裡面搵「我係連登仔！」你都要逐個逐個字摷出黎啦）。當時我心真係怯一怯，驚到手都縮開埋

利申：真人真事

3-5歲咁上下
瞓覺中醒左牆邊伸左隻腐爛既手出來
嚇到碌左落床（凶宅）

係廚房見到一隻好似猴子BB 咁既綠色怪物
（大個左聽恐怖熱線有人打上去講呢怪物係棲身係廚房的，名就唔記得）

中學年代
夜晚出廳去toilet
見到sofa 有隻長髮白長裙女鬼對住我笑
好來朋友上來過夜都見過
一星期比鬼壓幾次
瞓係旁邊對住佢笑等等........好多
有搵人問過話係家鬼，保護家人
自從廿幾歲後再冇遇過後家道一落千仗

19999999999

細個同朋友去高街鬼屋玩，果時仲未拆，其實果度周不時都會有人探險，咁果日咁岩冇其他人，得我同個fd。

入到去周圍行，都係溶溶爛爛同埋有D上手探險完留低既香、通勝、生果之類，冇乜特別，行左陣見無聊就諗住走，點知突然聽到一堆狗吠聲。

咁我同個fd都唔係第一次去，從來冇見過有狗，心諗唔通有流浪狗走左入黎？咁我地兩條友就諗住搵下，沿住狗吠聲搵，終於搵到一道好近聲沿，明顯係係碰牆後面傳黎，但果度其實已經係屋既邊沿，外面就係街，望出去完全見唔到狗。

我同個fd開始有D驚，咁就拿拿聲走啦，去到出口我個fd無啦啦仆街，咁我就走去扶佢，點知見佢面都青埋光速爬起身拉我走，走到好遠之後抖順條氣我個fd先同我講係門口度見到有個白衫女人飄左係我後面半空同佢揮手

你個朋友9up嚇你嘅可能性都幾高

細個淨係遇過一單
話說個陣仲係小學 咁上堂個陣去洗手間啦
入面得我一個 去完之後正常洗手走人
點知洗洗下手 右邊洗手台下面擺雜物個鐵櫃門係咁呯呯呯開合 跟住我就急急腳走

大個都淨係去布吉住酒店有小事一單
平時行過佛牌呀水晶店都有啲頭痛 除此之外感應力低

我有時訓覺，熄咗燈合埋眼之後，
會feel到有嘢想拎走我張被走，
如果我冇蓋被，會feel到有嘢拎起我隻手，
咁我都唔係咩細膽嘅人，
feel到有嘢搞我更係第一時間想開返眼睇下有乜嘢搞緊我，
通常我意識好清醒，不過想郁果陣會成個身變得好冇力，要勁用力掙扎個人先郁到，郁得返開眼之後例牌見唔到有嘢啦。

又有時訓覺張床唔知點解會自己震，震到好似地震咁，初頭一次我以為係我個身震緊，之後幾次我好用力縮埋一舊固定個人，都係震緊。

以上到依家都間唔中發生，頂我訓緊覺好心就唔好搞我啦

我張床都會有時左右搖

我都好肯定因為我好清醒而且試過好多次，但其他野好似冇乜唔妥

點解會咁，自然現象嚟？

但我好似係近年先會咁

我都好想知點解，不過我屋企人係乜都唔鳩理果D黎，同佢地講乜都冇用

Live左 睇到好寒

細個有次同啲親戚去深水灣燒野食
咁我地成八,九個人迫埋係一個爐到
個時個位係近著藍色攔杆對住海個邊
咁我同媽媽就坐係一格石級仔ai落欄杆到
個時好悶 我就見欄杆下有啲石仔
我攞起黎對住個海dum
玩咗一陣我坐翻低 ai翻住欄杆
突然 有人篤我背脊
我就望一望隔離 問媽媽做咩篤我
佢話無 咁就無理到
然後又有人好大力咁篤我
我嗌咗聲 再同媽媽講
媽媽就望一望後面再抱住我坐 係到話乜小朋友唔識世界 有怪莫怪 個啲
然後就無事再發生 不過走個時見到啲石仔係翻欄杆下面
同埋背脊瘀撚咗

以前屋企個熱水爐係廚房 開爐果陣會係d排氣窗度望到廁所入面
咁有一日呀媽未番我就諗住開爐沖涼 開果陣望一望廁所入面 見到有個綠色人形既野坐左係個馬桶上面 即刻嚇到我打比呀媽

推

睇到心血來潮 等我都講下
其實細細個都試過瀨過好多次
講住小小先

大約4、5歲果陣，成家人就一齊去果啲乜乜渡假村(係香港既）度過夜，咁一到夜晚果陣我就唔個點解就對住個窗係度笑同揮手
我老母就覺得好奇怪就問我 跟住我好開心咁同佢講：咩你見唔到窗邊既婆婆咩 佢係度同我揮緊手啊 之後聽番我老母講
果陣一聽到我咁講 佢即刻抱番我入房 之後成家人攬住一齊 一到朝早即刻走

第二件件事都係聽我老母講
話細個阿嫲走左 正常細路應該唔洗跟埋上山 話怕有烏糟野 但係我老母就唔知係邊度聽人講話阿嫲係親人 唔會有咩事
點知一上完山我就開始出事 一到屋企 就唔知做乜係咁跳黎跳去 跑黎跑去
我老母開始唔耐煩 叫極我都唔停又唔應人 就開始追住我係咁打
點知我平時最怕比人打 偏偏果陣時就唔驚 一直keep住跳同跑 嚇到我老母即刻搵人幫手 最後好似話係孫悟空上身
不過唔知係唔係真

細個瀨左好多次野 好彩大個左就好小遇到

上身嗰個，
我家姐試過，
嗰時上山拜完山，
落樓梯走人，
因為細路一齊玩，會行得快啲，
咁我同家姐幾個表哥就已經超過咗大人們視線。
嗰時我一味顧住跑落山，
落到山等咗好耐都唔見家姐同表哥，
等咗十五分鐘左右，
就有個表哥好急咁衝落嚟話我家姐突然落落吓樓梯發癲周圍跳周圍衝唔理人成塊面紅晒，
佢跑咗入樓梯側邊啲草叢度，
嗰時班大人趕到就即刻call 警察，
過咗陣先幾個人夾住我家姐捉得住佢。

第二個經歷係小學個時
有日係課室坐係自己個位到睇書
個日後面個同學唔知發咩神經 係咁踢我凳腳
後尾俾佢踢到唔耐煩
我無拎轉頭就咁嗌佢"XXX，唔好踢我凳腳啦"
跟住佢停一停
隔一、兩分鐘又踢過
我都係無拎轉頭就咁大聲嗌佢"XXX，唔好再踢我凳腳啦"
佢再停一停
點知隔一、兩分鐘又再踢
我真係嬲 想拎轉頭鬧佢
點知一拎轉頭
原來我後面個個位根本無人

到依家我都唔知到底係邊個踢我凳腳

點解呢句我會諗起金剛嗰3條羽毛嘅故事

八九歲到而家發生過兩次
就係有日夜晚
我住頂層 照道理應該無人做緊裝修
就算做都係朝早/下午 係樓下做
就係係房臨訓教果陣
聽到上面係到有啲「確」「確」聲
我即刻問啊媽 有無聽到樓上有聲
我啊媽就話 唔係啊嗎？ 無事既無事既
跟住咪番番入房訓
跟住過幾分鐘 仲係發出D確確聲係我樓上
嚇撚到我訓唔著

16 17歲果時 訓到半夜醒左 無啦啦發現成身好似比人綁住咁 郁唔到 其實就咁郁唔到我都唔係幾驚
但我嘗試郁嘅時候 有個女人嘅人樣係天花板向住我飄落黎 果下即刻驚到合埋眼 然後一路都有把女人聲唔知係我耳邊講咩 過左唔知幾耐先郁得翻 一郁得翻即刻衝過去老母間房訓 佢問我咩事我都無答

細個果陣麥記有出一個玩具係一架都幾大下既海盜船，上面有麥記啲角色，例如麥當勞叔叔、漢堡神偷，著住海盜裝喺架海盜船上面扮演緊唔同既海盜。而架船就放左係我家既客廳到，我間房連住客廳，我訓喺雙層床既上床，係望到放喺客廳既海盜船既。

好記得果晚，我已經上左床訓左陣，半夜無啦啦醒左，係張床既欄杆果條「喇」見到啊爸仲打緊機（熄哂燈，見到啊爸打機電視啲閃下閃下既畫面光）。然後我見到放喺客廳既果架海盜船，上面果個放係海盜船望台既角色（細個我形住係漢堡神偷，大個左上網搵返好似係一個叫小飛飛既黃色雞女）拎住佢既望遠鏡，不斷係度左右左右慢慢咁轉，好似真係探視緊啲咩咁。

果時仲細，真係仲係小學生，但唔知點解果下真係冇驚既感覺，反而望左好耐，想肯定自己冇睇錯，因為正常黎講果個角色係唔會無啦啦自己郁，仲要係得果個角色係度郁。

一直好想同人分享我見到既野，但無啦啦同朋友講又好突兀咁。我好肯定果晚我冇睇錯！

Toy story 姐