一人分享一個''細個靈異經歷''

話說應該係大約四至五歲倒既事，我對果陣既記憶比較模糊，但唯獨對呢件事印象特別深刻。

記得當時老豆老母嗌左場大交，將枱上既所有野都掃哂落地。我本身係房到，聽到咁大聲就好驚咁行出去望下。咁我間房門就係對住老母間房既所以我一出去就望到老母訓左係張床，我行過去先發現阿媽塊面發哂黑，應該話成個人近乎灰黑色，於是我就猛咁問阿媽咩事，我好記得當時佢係完全唔理我。


當呢件事維持左十零秒後，啊爸聽到就走過黎問我發生咩事做咩係咁嗌阿媽，我就同佢講阿媽好似病左訓左係到。啊爸望到間房就即刻帶左我出街，事後聽先話原來阿媽一早出左去唔係屋企...

會唔會係你老豆帶左個黑妹番來啪 比你老母捉到係到
嘈交 條黑妹仲訓左係床

（我既朋友包括自己）
（陰陽眼朋友）
話說有一次去探險，我地有5個人一齊去 我地行到門口既時候大家都feel到有陣強烈既陰風吹過（夏天既晏就）咁其中有個細膽既就fd就話不如走算啦 但有另外一個唔怕死既fd就話，唔怕啦啊x對眼會見到野 佢會話我地知架啦 到時我地先走咪得囉 ，最後說服左一輪之後我地5個就行左入去 入到去我地3個（細膽）都覺得好唔自在成個人 咁行到入去之後。。
:嘩 屌 都冇料到既
：咪亂咁講野同行咁快啦
於是當我地走既時候我地5個人同時望到隻紅衫女人 化晒妝 個身好似腐爛晒個啲 恰埋隻眼咁企係到 我地即刻9秒9跑反出去熱鬧啲既地方
：你地見唔見到。。。。
：見到
最後有陰陽眼個位佢同反我地講話：其實由我地企係門口個時已經有8隻同我地一齊行 而且佢地不斷叫我帶你地走 只不過係我冇理佢地 但唔知點解你地竟然見唔到個8隻 但又會見到紅色衫個隻
：咁你唔叫我地走！
：你地唔驚反次 你地唔會擺休
最後陰陽眼個個病到七彩

有畫面

細個老豆執左把好型既劍仔番黎
把劍刃唔利但係劍柄勁吉
劍柄係骷髏骨頭 惡魔角 咁樣
見佢冇咩殺傷力又幾“煞氣”
身為小學雞既真係勁鍾意
掛左係飯廳窗口朝拜咁
之後老豆老母成日鬧交
成屋企又勁黑仔
越望把野越邪
有一日終於攞把劍去後樓梯扔
仲用其他垃圾遮住佢
一天都光哂







過左十幾年既而家
把劍仲係我企

即係點？佢自己翻黎定屋企人執翻翻黎？

快啲放上yahoo 拍賣，發達大計

https://youtu.be/tTOARS8FdWI?t=39s?t=39s
大家又點睇呢條片?0:39開始
最後佢用手機錄仲誇張

點解外國鬼咁鍾意搬野

終於追到live

細個大概7、8歲暑假翻加拿大探親戚
住係親戚屋企 有3層 我同爸媽訓係2樓
有晚凌晨一點左右諗住落1樓廚房斟水飲
一開始都無咩野 到我倒水個陣d 櫃係咁又開又'山'
嚇到我杯都跌埋 然後扮鎮定話我飲水姐你唔好搞我
佢無再郁我就拿拿臨衝翻樓上話比阿爸阿媽聽

下一日親戚話唔係第一次係咁
搞到而家夜晚都唔敢出廚房

以前屋企凌晨成日電話嚮，我就會走出去聽。
但次次拎起電話都冇人講野，加上夜晚熄哂燈，神台d 紅色燈好嚇人下，所以久
大個左我老母就同我講，話有可能係Fax

我屋企都有呢個情況
諗緊係唔係有人玩電話

第2個經歷係由我家姐講出黎
識我既人唔好起我底

2: 黑白無常

幾年前家父身體欠佳，佢話想返大陸葬
結果成個暑假就返左大陸陪家父渡過最後日子

講下間屋少少背景
十分殘舊既屋，玻璃亦係大陸人好鐘意用果種黑媽媽既玻璃
大陸間屋有兩層連天井，我地兄弟姊妹訓上層地下，家父行動不便訓下層同呀媽

講返先，我家姐一直以黎都見到班 兄弟

去到暑假中段，呀爸有日夜晚好大聲嘈醒左我地
我地落到去呀爸一改平時既暴躁，好冷靜同好精神咁同我地講，呀嫲黎左探我(呀嫲已過身)，仲有牛頭馬面黑白無常
我地安慰佢話邊有咁快黎探你(其實都知呀爸就快唔得)

擾攘完一輪就返左上層訓
我地係望住上層玻璃門口訓
訓到兩三點左右，家姐想叫醒我，但我好眼訓無理佢
但果段時間feel到地板好凍，好寒
我家姐訓我格離，我feel到佢上半身起左身，好似望左d野咁
我訓住咁叫佢快d訓啦就無理

到第日早上，呀爸無啦啦同我交代身後事，要好好照顧呀媽
佢一直眼望佢房門口
無講野，半個鐘後就無氣息

如是者去到守孝果陣(親人係呀爸棺材格離守住，守3日)
家姐冷冷然咁同我講

就係果日佢叫我起身果陣，佢係因為見到玻璃門到有兩個黑影(月光係透過天井直射我地玻璃門)
兩個黑影好搞笑
一高瘦，一矮肥

但佢地就好似小朋友咁蹲左係到望住我地
我家姐好不安就一直望住佢地
佢地亦無想走既意思
到我家姐頂唔順訓返底，眼尾偷望一下佢地就走左
而咁岩第日呀爸早上就唔得了

Sorry for 件事太長，如果阻到其他巴打睇文既唔好意思

完

同我啊爺一樣
個個星期都知佢走有晚突然醫院打黎話心跳過高左右啦
我都唔記得。咁個樣凌晨1點幾左右之後冇事
第2朝同我地講話尋晚你地走左之後。有2個白色衫話會今日3點帶佢走。我地個個心諗唔會掛都有問個姑娘有冇2個咁ge人
一到夜晚凌晨1點半左右我冇啦啦起左身..5分鐘之後醫院打過黎話就快唔得。之後我地去到人齊見佢最後一面睇返個鐘係3點05。

唔恐怖

爺爺死左
唔知幾多日後我發夢
我要送禮物比爺爺 但爺爺死左送唔到
突然爺爺把聲係牆同地下嘅垂直連接位出現
我走過去扒係地
係條縫到見到爺爺
伸盡隻手遞份禮物比佢
最後送到
老老實實我覺得呢個係真報夢
因為我一直好後悔冇用盡時間陪佢

細個老豆執左把好型既劍仔番黎
把劍刃唔利但係劍柄勁吉
劍柄係骷髏骨頭 惡魔角 咁樣
見佢冇咩殺傷力又幾“煞氣”
身為小學雞既真係勁鍾意
掛左係飯廳窗口朝拜咁
之後老豆老母成日鬧交
成屋企又勁黑仔
越望把野越邪
有一日終於攞把劍去後樓梯扔
仲用其他垃圾遮住佢
一天都光哂







過左十幾年既而家
把劍仲係我企

即係點？佢自己翻黎定屋企人執翻翻黎？

安娜貝爾

陶瓷娃娃潮文

前幾年有屋企人過左身 佢頭七個時報夢比我聽
話有幾多錢係個櫃到 叫我拎左佢
夢入面岀現左個數字
點知我第日去數個時 個數目係一模一樣 連個位數都一樣...我之前根本唔知佢有錢係果個位

其實都唔細個。
自己一個去左旅行，一向都冇敲門嘅習慣
話說第一次入間酒店都覺得好殘舊幾古典
第一次正常插鎖匙開門嘅時候都幾正常（係啊，舊到連keycard 都冇要鎖匙開門）
之後夜晚出左酒店去觀光 玩到十點幾十一點就返到酒店。
問題黎啦，我插左條鎖匙落個鎖到開左成5分鐘有多都開唔到門 。插左入去一直左右扭，可以聽到門鎖開左嘅聲音 但就係有野頂住門開唔到。個時又眼訓電話又冇電咪落去搵職員幫拖，點之個職員一直hea覆我it’s okay it’s okay , I will follow you , room 108 right?。之後佢叫我自己上去等佢，等左好耐都未上黎 之後我嬲起上黎一掌拍落門到 ，仆街道門竟然自己開左條鎖匙都拎得返出嚟
我見冇事咪唔訓教等個職員上黎同佢講返，但佢竟然成個鐘都冇上黎。個時都覺得怪怪地，想落去睇下個職員係唔係櫃檯。但又驚開唔返門，咪執晒行裝再搵野卡住門落去櫃枱搵職員講冇事啦，點知變左個女職員，之後問問下個女職員話個晚得佢一個職員當值 ，冇其他人。

呢件事就上星期發生，唔係細個發生。
咁我就同班fd去銅鑼灣總統戲院睇annabelle2啦，當時我地坐中間個堆位偏右位置（向螢幕方向嘅右邊），而我就坐最右。咁我前後一帶都冇坐嘅，而且同我隔著條走廊，戲院邊邊個堆二人位都係冇人的。
補充番戲院出口係正螢幕底右邊，入口係最高個排隔離。當套戲做左3分1左右個時，有個帶cap帽，隱約見到係間條衫嘅男人由螢幕右邊出口個度行入嚟，跟著佢慢慢沿我個邊嘅樓梯咁行上唔，仲係我旁邊經過。我初頭以為係有人去廁所冇為意。但去到套戲3分2時，又畀我留意到有一個帶cap帽嘅人由出口行緊上嚟我個邊樓梯，但我明明記得中間個段時間冇人行過落去。跟著佢經過我身邊個陣我好奇望一望佢個樣。最得人驚係我隱約見到佢帶著口罩同陽眼鏡，係戲院咁嘅裝扮仲要兩次咁經過+冇落過去都重覆上番嚟，你都咪話唔驚 最重要係散場開番燈我發覺成個場係冇呢條友係度

細個有年每晚十一點左右就會聽到外面有鐵鏈聲，果種聲好奇怪，因為d聲係直接係個腦岀黎，而唔係現場聽聲果種感覺，
因為樓下就係街市，而且果時好早就比嘈訓教，基本上都無乜特別注意，直至同年媽媽發現有絕症好快就走咗d聲至開始消失
之後上網睇番至知原來聽到呢種聲姐係屋企有人準備要走，牛頭馬面要做野，睇完之後立即心寒咗一下

睇左頭幾頁，原來咁多人見過假老母
我又係，細個係鏡到見到假老母企左係我後面
點知真老母突然唔知係邊到行出黎
喊到仆街

我懷疑係咪細路仔想像力太豐富

其實細路仔認錯媽媽係唔出奇
利申:細個試過係超市認錯過

細細個一直都唔太信呢D野，因為畢竟未發生係身上，但有次落街，隨手點著左支煙，咁岩見到有小朋友等𨋢，咁咪打算一路行後樓梯一路食煙，形容下條後樓梯，

（基本上條後樓梯無人會行，因為大廈有2條後樓梯，其中呢條個出口係鎖死，因為出口直接走出街無經過管理處，怕有賊走上黎，所以唔會有人行。）

咁我住7樓，因為其實平時我都行開，所以個人比較大膽，當我一路食煙一路行到5樓既時候，我感覺到後面有人跟住，相信大部份人有會有呢種感覺，本能反應係向後望，雖然燈光好暗，但見唔到有任何野，當我再往下走，走到4樓，呢種感覺又出黎啦！我再向後望，見到有個黑影閃左去上層，呢個時候已經慌慌地，我加快腳步，再落到3樓，再往後望，個影唔夠我快，我好肯定見到個影係因為我轉頭而避開我，我唔知係咩，但可以以咁快速度而無任何聲音，相信無咩可以解釋，大家都估到，我即時往下狗沖，第一次腦海思緒好亂，沖到出街再往後望，發現樓梯出口有黑影企左係到，當我認真睇已經消失左，從此唔再夠膽行了。

細細個一直都唔太信呢D野，因為畢竟未發生係身上，但有次落街，隨手點著左支煙，咁岩見到有小朋友等𨋢，咁咪打算一路行後樓梯一路食煙，形容下條後樓梯，

（基本上條後樓梯無人會行，因為大廈有2條後樓梯，其中呢條個出口係鎖死，因為出口直接走出街無經過管理處，怕有賊走上黎，所以唔會有人行。）

咁我住7樓，因為其實平時我都行開，所以個人比較大膽，當我一路食煙一路行到5樓既時候，我感覺到後面有人跟住，相信大部份人有會有呢種感覺，本能反應係向後望，雖然燈光好暗，但見唔到有任何野，當我再往下走，走到4樓，呢種感覺又出黎啦！我再向後望，見到有個黑影閃左去上層，呢個時候已經慌慌地，我加快腳步，再落到3樓，再往後望，個影唔夠我快，我好肯定見到個影係因為我轉頭而避開我，我唔知係咩，但可以以咁快速度而無任何聲音，相信無咩可以解釋，大家都估到，我即時往下狗沖，第一次腦海思緒好亂，沖到出街再往後望，發現樓梯出口有黑影企左係到，當我認真睇已經消失左，從此唔再夠膽行了。

補充 呢條後樓梯出口鎖死 我係係2樓狗沖到第二條後樓梯落街

睇到心血來潮 等我都講下
其實細細個都試過瀨過好多次
講住小小先

大約4、5歲果陣，成家人就一齊去果啲乜乜渡假村(係香港既）度過夜，咁一到夜晚果陣我就唔個點解就對住個窗係度笑同揮手
我老母就覺得好奇怪就問我 跟住我好開心咁同佢講：咩你見唔到窗邊既婆婆咩 佢係度同我揮緊手啊 之後聽番我老母講
果陣一聽到我咁講 佢即刻抱番我入房 之後成家人攬住一齊 一到朝早即刻走

第二件件事都係聽我老母講
話細個阿嫲走左 正常細路應該唔洗跟埋上山 話怕有烏糟野 但係我老母就唔知係邊度聽人講話阿嫲係親人 唔會有咩事
點知一上完山我就開始出事 一到屋企 就唔知做乜係咁跳黎跳去 跑黎跑去
我老母開始唔耐煩 叫極我都唔停又唔應人 就開始追住我係咁打
點知我平時最怕比人打 偏偏果陣時就唔驚 一直keep住跳同跑 嚇到我老母即刻搵人幫手 最後好似話係孫悟空上身
不過唔知係唔係真

細個瀨左好多次野 好彩大個左就好小遇到

悟空都幾忙.成日上人身

係街睇到而個post已經寒一寒

第2個經歷係由我家姐講出黎
識我既人唔好起我底

2: 黑白無常

幾年前家父身體欠佳，佢話想返大陸葬
結果成個暑假就返左大陸陪家父渡過最後日子

講下間屋少少背景
十分殘舊既屋，玻璃亦係大陸人好鐘意用果種黑媽媽既玻璃
大陸間屋有兩層連天井，我地兄弟姊妹訓上層地下，家父行動不便訓下層同呀媽

講返先，我家姐一直以黎都見到班 兄弟

去到暑假中段，呀爸有日夜晚好大聲嘈醒左我地
我地落到去呀爸一改平時既暴躁，好冷靜同好精神咁同我地講，呀嫲黎左探我(呀嫲已過身)，仲有牛頭馬面黑白無常
我地安慰佢話邊有咁快黎探你(其實都知呀爸就快唔得)

擾攘完一輪就返左上層訓
我地係望住上層玻璃門口訓
訓到兩三點左右，家姐想叫醒我，但我好眼訓無理佢
但果段時間feel到地板好凍，好寒
我家姐訓我格離，我feel到佢上半身起左身，好似望左d野咁
我訓住咁叫佢快d訓啦就無理

到第日早上，呀爸無啦啦同我交代身後事，要好好照顧呀媽
佢一直眼望佢房門口
無講野，半個鐘後就無氣息

如是者去到守孝果陣(親人係呀爸棺材格離守住，守3日)
家姐冷冷然咁同我講

就係果日佢叫我起身果陣，佢係因為見到玻璃門到有兩個黑影(月光係透過天井直射我地玻璃門)
兩個黑影好搞笑
一高瘦，一矮肥

但佢地就好似小朋友咁蹲左係到望住我地
我家姐好不安就一直望住佢地
佢地亦無想走既意思
到我家姐頂唔順訓返底，眼尾偷望一下佢地就走左
而咁岩第日呀爸早上就唔得了

Sorry for 件事太長，如果阻到其他巴打睇文既唔好意思

完

訓係床 又點樣feel到個地板？

細個訓覺成日都聽到樓上跌落地下既波子聲 到大個就唔知點解無再聽到

冷縮熱漲呀巴打，我屋企都係咁

唔係話一定係靈異， 但係“冷縮熱漲”， “水管”呢D解釋你諗深D真係解唔通囉。 聽過既都知， ”波子聲“ 有特別既pattern
突......突...突. 突突突
越黎越密， 但係越黎越細聲， 你諗下真係一粒波子跌落地下反彈先係咁既聲， 乜水管個D個物理結構根本唔會發出咁既pattern 既聲。

其實都唔細個。
自己一個去左旅行，一向都冇敲門嘅習慣
話說第一次入間酒店都覺得好殘舊幾古典
第一次正常插鎖匙開門嘅時候都幾正常（係啊，舊到連keycard 都冇要鎖匙開門）
之後夜晚出左酒店去觀光 玩到十點幾十一點就返到酒店。
問題黎啦，我插左條鎖匙落個鎖到開左成5分鐘有多都開唔到門 。插左入去一直左右扭，可以聽到門鎖開左嘅聲音 但就係有野頂住門開唔到。個時又眼訓電話又冇電咪落去搵職員幫拖，點之個職員一直hea覆我it’s okay it’s okay , I will follow you , room 108 right?。之後佢叫我自己上去等佢，等左好耐都未上黎 之後我嬲起上黎一掌拍落門到 ，仆街道門竟然自己開左條鎖匙都拎得返出嚟
我見冇事咪唔訓教等個職員上黎同佢講返，但佢竟然成個鐘都冇上黎。個時都覺得怪怪地，想落去睇下個職員係唔係櫃檯。但又驚開唔返門，咪執晒行裝再搵野卡住門落去櫃枱搵職員講冇事啦，點知變左個女職員，之後問問下個女職員話個晚得佢一個職員當值 ，冇其他人。

好明顯就係職員A知道有野， 唔想上去， 但係又驚你翻黎尋仇， 搵職員B黎頂左個位， 之後仲要話由頭到尾得職員B一個啦

話說應該係大約四至五歲倒既事，我對果陣既記憶比較模糊，但唯獨對呢件事印象特別深刻。

記得當時老豆老母嗌左場大交，將枱上既所有野都掃哂落地。我本身係房到，聽到咁大聲就好驚咁行出去望下。咁我間房門就係對住老母間房既所以我一出去就望到老母訓左係張床，我行過去先發現阿媽塊面發哂黑，應該話成個人近乎灰黑色，於是我就猛咁問阿媽咩事，我好記得當時佢係完全唔理我。

當呢件事維持左十零秒後，啊爸聽到就走過黎問我發生咩事做咩係咁嗌阿媽，我就同佢講阿媽好似病左訓左係到。啊爸望到間房就即刻帶左我出街，事後聽先話原來阿媽一早出左去唔係屋企...

補充一下當時''阿媽''隻眼係望實我

巴打父母係咪搬咗入去間屋先開始吵架

3-6歲呢段其間成日見到d嘢，唔係恐怖嘢，可能係普通一個人又或者係一件普通死物，但係一眨眼或者轉個彎就會唔見咗
最記得係深圳羅湖城行街嗰陣見到無啦啦有架遙控車左串右插然後轉彎，我跟住架遙控車轉彎啦，點知架車架車已經消失咗，反而見到有個人化粵劇妝同著晒d衫嘅人企係度望咗我一眼就行走咗，我打算再跟住佢尾已經無咗，但係其實我一啲都唔驚，佢地就好似一個普通人咁，一下子就會消失

細細個一直都唔太信呢D野，因為畢竟未發生係身上，但有次落街，隨手點著左支煙，咁岩見到有小朋友等𨋢，咁咪打算一路行後樓梯一路食煙，形容下條後樓梯，

（基本上條後樓梯無人會行，因為大廈有2條後樓梯，其中呢條個出口係鎖死，因為出口直接走出街無經過管理處，怕有賊走上黎，所以唔會有人行。）

咁我住7樓，因為其實平時我都行開，所以個人比較大膽，當我一路食煙一路行到5樓既時候，我感覺到後面有人跟住，相信大部份人有會有呢種感覺，本能反應係向後望，雖然燈光好暗，但見唔到有任何野，當我再往下走，走到4樓，呢種感覺又出黎啦！我再向後望，見到有個黑影閃左去上層，呢個時候已經慌慌地，我加快腳步，再落到3樓，再往後望，個影唔夠我快，我好肯定見到個影係因為我轉頭而避開我，我唔知係咩，但可以以咁快速度而無任何聲音，相信無咩可以解釋，大家都估到，我即時往下狗沖，第一次腦海思緒好亂，沖到出街再往後望，發現樓梯出口有黑影企左係到，當我認真睇已經消失左，從此唔再夠膽行了。

補充 呢條後樓梯出口鎖死 我係係2樓狗沖到第二條後樓梯落街

跟到咁貼?
好大仇口/爭佢錢?