【Megalomania】《巔峰造極者》

289R得星期六日先開，佢哋星期二出發等4日車

前日至行完山，依家睇幾有feel

咁你都留意到
墨b做漏research

我寫完睇到 不過以後嘅事講唔埋

巴打你個名難怪一睇就發現

推！

幾時先有文

一陣

第七章 麥里浩徑全走

全走的意義，貴在堅持。

是次活動對任雪糖而言是場小測驗，因為假若他日真的要登上高峰，意志力是不可或缺的東西。全走挑戰有四十八小時限制，所以兩人都不能緩下步伐，大部份風景要走著欣賞，不能停留過久。

陽光明麗，清風送爽。

麥里浩徑1段上，為數不多的行山客漫步林區，他們大多是退休年紀。

沿途經過的第一個景點，是香港儲水量最大的萬宜水庫。

陽光照耀下，水庫映出水藍色澤，令人心曠神怡。

放眼望去佈滿青山綠丘，盡顯湖光山色。

全程是接近平坦的柏油路，遠離城市化污染，舒服得叫人想睡。

任雪糖和南宮妍體力充沛，走得相當輕鬆自在，花了大約三小時，便到達寧靜的海灣浪茄，同時也是麥里浩徑1段的終點。

「休息十五分鐘。」南宮妍呷一口水。

兩人走落水清沙幼的海灘上，遠眺一望無際的蔚藍大海。

這裡有著寥寥幾人駐紮露營，他們在乾淨的沙粒上追逐奔跑，身體的擺動不像城市中那樣拘謹僵硬，想笑也自由地大笑。

任雪糖和南宮妍兩人，就坐在一棵橫倒的樹身上。

「啲景色真係好治癒。」南宮妍喝一口水。

「你有冇嚟過？」

「有。」南宮妍扭好瓶蓋：「試過喺到自己紮營。」

「……自己？」任雪糖好奇像她這種女生，應該不缺朋友陪伴。

「我比較鐘意自己一個人，特別係依啲地方。」

「你都似特立獨行嗰種人。」任雪糖點頭。

「起身喇，我哋其實都走慢咗，不過當係熱身差唔多。」南宮妍站起，查看手機：「今晚前最少要走夠五、六十公里。」

緊接下來的麥里浩徑2段，多以山間小路為主，沿途不少補給點，兩人特別在西灣的士多停下，點了份香腸煎蛋麵和冰涼的可樂，吃飽喝夠才走。

碗中剩餘的麻油湯底，滋味得任雪糖都忍不住喝幾口。

長途行山是高卡路里消耗活動，吃東西補充能量相當重要，哪怕是任雪糖眼中的垃圾食物。

橫越西灣海灘後跨過雙鹿石澗，兩人繞著大蚊山腰來到鹹田灣。

行到大浪坳位置，本來大好天色竟漸漸陰沉。

任雪糖抬頭一望，竟見大片烏雲籠罩著上方。

「唔會想落雨呱，明明天氣預告……」

南宮妍突然插口：「你知唔知自己做得最錯嘅係咩？」

「……咩？」任雪糖愣然。

「信咗天文台。」

任雪糖真的自我反省起來，不禁反問自己為何會相信天文台，明明由小至大都被它非故意地陷害十幾次。

「不過山就係咁，捉摸不定。」南宮妍步行速度倏地變快：「加快腳程。」

兩人快步穿梭著陰暗的林間小道，經過赤徑口石灘再到北潭凹，幾經辛苦去到麥里浩徑第3段，前前後後花了四小時。

「唔經唔覺五點鐘……」任雪糖輕擦著額上的汗。

「有冇開始掛住屋企？」南宮妍一身汗。

「開始掛住滑雪，如果可以喺麥里浩徑滑雪落山……」任雪糖幻想著那畫面，都不禁嘻笑了出聲。

「你個腦咩構造……」

麥里浩徑第3段，全長10.2公里，預計晚上九點鐘才走完。

唔知有冇得睇日落呢

推

墨巴 新年快樂

新年快樂

文

係唔係要睇左其他故先睇得明

天空下起毛毛細雨，反而為汗流浹背的兩人帶來些許涼快。

開首的山路需急攀至牛耳石山，接著山徑相對平坦。

由於下雨會導致泥地濕滑，每步都不可急促，鞋底需要牢牢踏實地面，才可以邁出下隻腳前進。

半小時後，變成大雨傾瀉。

剛好抵達嶂上營地的兩人，為防出現危險決定暫留原地。

「要等到停雨……」南宮妍視線尋找著可躲雨的地方。

「嗰個得唔得？」任雪糖指著營地區中，一個被棄址的露營帳篷。

「好過喺樹下面嘅……」南宮妍跑過去：「去睇睇。」

露營帳篷的支架雖不怎麼穩固，頂部有半塌的狀況，但作為休息擋雨的地方可以接受。

於是乎兩人一起坐入露營帳蓬中，等待雨勢停下。

「咁大個營都唔帶落山……」任雪糖打量著營內環境，不少食物包裝亂放。

任雪糖試圖撥開營內垃圾，給自己騰出更多休息空間。

「咩嚟……」任雪糖突然摸到手感很怪的東西。

南宮妍打開手機的電筒一照，驚見任雪糖手中東西是已經用掉的安全套。

「哇！」任雪糖嚇得急忙揮臂甩開。

安全套從其手臂上一甩，不偏不移的飛到南宮妍臉頰上。

南宮妍緊閉著眼睛，咬緊了牙關，全身皮肉都憤怒地跳動：「我頂你個肺──」

唔洗

任雪糖呆住：「喂、唔、唔好意思……」

南宮妍迅速拿開臉上骯髒的東西，然後抽住任雪糖的衣領：「你同我食咗佢！」

「呃。」任雪糖雙手舉著示意和平，安撫南宮妍情緒：「你塊臉無創口唔會造成感染，而且大部份性病存活喺空氣超過一粒鐘就會死絕，唔洗驚……」

「我淨係要你食咗佢呀！」南宮妍按住任雪糖的後腦，逼他貼向用掉的安全套。

「無事無事……」任雪糖拿出自己水瓶，倒落南宮妍中招的右臉頰上，並抽起自己的衣服給她抹乾淨。

「噁！」南宮妍有作嘔的反應：「我係咁聯想到啲腥臭味……」

南宮妍忍受不住，坐起衝出露營帳篷，接受大雨的洗禮。

「淅淅淅淅──」

「除你件衫俾我。」南宮妍向任雪糖伸手。

任雪糖二話不說，脫下拋給南宮妍，供她擦乾淨臉龐。

南宮妍不願再回到露營帳篷，唯有去到某棵樹下躲雨。

這樣子無可避免會弄濕自己和身上物品，但總比剛才的情況要好。

任雪糖也總算知曉，為什麼露營帳蓬的主人沒把它帶回去。

「請你食條朱古力。」任雪糖拿出一包TWIX拖肥夾心朱古力

南宮妍冷眼盯著拖肥夾心朱古力，然後伸手取走：「原本真係要打你一身先落到氣……」撕開包裝，即吃一條。

南宮妍門牙一咬，焦糖味的拖肥就像拉絲般延伸：「又幾好食，邊到買？」

「其實間間七仔都有，但佢哋從來都係貨架上冷門嘅朱古力，大部份香港人淨係識揀Kinder、M&M's同明治。」

「好有研究嘅樣喎FoodNu人，平時食開朱古力雞胸啊？」南宮妍揶揄。

任雪糖不好意思說，自己家族生意正是跟糖果食品有關。

「知己知彼，百戰百勝，要了解自己敵人，先可以預防佢哋。」

「索性再了解深入啲啦。」南宮妍把另一條拖肥夾心朱古力遞給任雪糖。

任雪糖吞一吞口水，準備接過拖肥夾心朱古力享用。

殊不知，一旁突然出現把陌生的人聲。

「好……好想食嘢……」

任雪糖和南宮妍沒有嚇一跳的反應，只有脊椎陣陣湧上的刺寒。

任雪糖轉頭望向說話的人，是個年齡跟自己差不多大，面色蒼白的男性青年，他身上穿著有點破損的行山服裝。

「……你同我哋講？」任雪糖問。

「係……我真係好餓……」外表虛弱的青年人向他攤開手：「可唔可以俾我食。」

「可以……」任雪糖把拖心夾心朱古力轉贈給不速之客。

「你都係嚟行山？」南宮妍打量著對方：「係咪仆親。」

「唔……」青年人不停地啃著朱古力，彷彿十天沒吃到飯：「我係同朋友嚟，但暫時失散咗。」

青年人很快吃完整件朱古力，但樣子看上去遠遠未夠飽。

「仲有冇……」青年人跪倒地上：「我就快餓到郁唔到……」

「呃。」任雪糖以眼神跟南宮妍交流。

「先生，你似係要入醫院多。」南宮妍說。

「我食飽就自己落到山……但依家真係無力……」青年人說。

「雪糖，你留喺到睇住佢，我記得嶂上前面有間許林士多，睇下有冇開。」南宮妍指示。

「得，我睇住佢。」

南宮妍快步跑去許林士多去，看看能否買點食物回來。