MPF強積金掃盲/ 表現討論 (5)

我冇hsbc戶口 諗住係app開戶專搞MPF
點知影咗身份證100次 資料都係唔啱
同埋見到大家話最後都係要落分行 決定放棄用app

請問最原始就咁填表寄返去改分佈組合又洗唔洗落分行
好唔想落去行搞

理論上我諗係可以填表寄返去
但係好易填錯/填漏/唔知點填
趕時間要有被打回頭嘅準備
約agent好處係佢會幫你搞掂晒

between印象中大貓MPF對分行業績冇乜貢獻
分行已經唔會借位畀MPF
同出面保險agent一樣喺街傾

唔想同agent傾
自己慢慢摸 錯咗彈番轉頭都冇所謂
謝謝師兄解答

hsbc 定AIA 好d
公司本身用hsbc 但我舊果d 又係AIA

一方面app唔識用？ 另一方面驚agent食左你
大佬呀你咪形容到自己好似社恐咁啦， 搞個強積金你竟然係驚面對真人。
錯左彈回頭都冇所謂？錢係自己的， 隨時錯左成個月後先知錯， 咁浪費時間點解唔認真搵一日花你半個鐘左右搞左佢

....你已經擁有最好嘅2間， 冇野需要郁

個人覺得整合埋方便啲

呢個我就唔清楚，以前我4，5個mpf戶口一次合併去宏利，都係要約佢地出黎簽文件，
到上月現公司加宏利轉走去匯豐都係要出黎簽文件
我諗你最好問佢地mpf專員，其實約出黎唔駛指定去分行搞，約佢地去邊見都得，茶記，coffee shop個d都冇問題

唔係喎，agent約我出去見，我反而約佢分行見
因為我放半日假，中午食晏爆到9彩，有鬼位俾你坐低搞咩，而且廢事阻人做生意啦

約總行佢話要皇后像廣場公園

約邊間行其實你話事，除非佢check左間行full book，
就算約出去邊都係你話事，
至於時間就互遷就

自己摸你依家都可以上匯豐網去mpf頁面DL佢個基金表慢慢摸啦 ,
約佢出黎佢唔會每個基金同你講 , 只係幫你填轉會表叫你簽名 ,
影你身分證 , 跟手問你轉到匯豐個時入咩基金 , 保守 , 北美你自己講俾佢聽架咋 , 佢唔會晒時間每個基金同你講
好似我咁家陣美股升爆唔入港女夠晒垃圾未見底
一野叫佢轉會時去晒保守 , 到時自己慢慢轉都得啦

最緊要開埋網上理財自己㩒
唔係次次要填表搞幾個星期都唔知轉唔轉到

因為佢冇牌係唔可以比投資建議你
上網問係一會事， 實現面對面比advise又係另一回事

其實任何一開波一大舊半自由行咁轉/ 或者公司轉受託人都好， 都係一個高風險活動黎， 所以唔想損手， 可以先轉返做保守基金take左profit先

所以我轉會時叫佢一野轉晒去保守

我問過佢一佢話匯豐一般3至4星期 ,
但係我bct (現公司)10拎日已經扣左轉會條數
宏利就差不多14日就登入唔到acc , 應該都轉左出黎
唯獨匯豐個mpf戶口未見到數到帳 , 仲係0

上月24號搞轉會到依家都未見數

計日子你應該舊果邊一係登入唔到， 一係見到舊錢變左零啦

尋日開始登入唔到

呢個公園又蚊又蠓，重有啲躝坦唔係喺度攤緊屍，就係捽緊腳趾

梗係唔受歡迎啦mpf條team
mpf智優逸北美個收費屌打銀行果邊個靈活智投
銀行果邊收到廿萬以上係0.8%管理貴+ 另外基金管理費 條數加埋超過1%。 mpf呢邊而家說明書話收0.79, 但近半年實收0 .7%。 加埋零售銀行果邊冇其他被動式基金比個客揀。 精明消費者除左自行買美股外， 無腦月供有咩扺得過係mpf度開個svc戶口

其實投資唔係65歲就畢業， 如果65歲仲會打多5-6年工， 咁我會覺得你暫時咁放係冇問題， 因為暫時息口都唔錯， 甚至乎直接放落去65歲後基金度， 你要記住放太多落保守係會輸通漲， 一但減息保守就會輸

到退休應該係考慮每個月需要幾多現金支出？
目前投資計劃夠洗幾多年， 一旦唔夠錢就好容易進入「高派息」基金嘅陷阱，初頭好吸引， 後期就越派越少失曬預算

我個人覺得，香港大部份人都係儲唔夠錢退休
所以跪地求大家，每個月投資多一千（最好可以係薪金1/4）， 複利效應就越大。 當然， 投資可以係買磗頭買樓， 買金等等。 而家經濟真係唔掂， 節約生活開支

我覺得冇咁多人會識用svc
大家印象都係mpf供咗拎唔返